ಗಾಂಧೀನಗರದೆಲ್ಲೆಡೆ ಈಗ ಲವ್ ಮೋಕ್ಟೆಲ್‍ನದ್ದೇ ಹವಾ…. ಲವರ್ ಬಾಯ್ ಡಾರ್ಲಿಂಗ್ ಕೃಷ್ಣ ರೊಮ್ಯಾಂಟಿಕ್ ಲುಕ್ ಜೊತೆಗೆ ರಘು ದೀಕ್ಷಿತ್ ಕಿಕ್ಕೆಬ್ಬಿಸೋ ಮ್ಯೂಸಿಕ್‍ಗೆ ಸಿನಿಪ್ರಿಯರು ನಶೆಯಲ್ಲಿ ತೇಲಾಡುತ್ತಿದ್ದಾರೆ ,ಅದಕ್ಕೆ ಕಾರಣ ಒನ್ ಆಂಡ್ ಓನ್ಲಿ ಲವ್ ಮೋಕ್ಟೆಲ್ ಸಿನಿಮಾ.. ಹೌದು ಬಣ್ಣದ ಲೋಕದಲ್ಲಿ ಬರೀ ಬಣ್ಣ ಹಚ್ಚಿ ಪ್ರೇಕ್ಷಕರನ್ನು ರಂಜಿಸುತ್ತಿದ್ದ ಮದರಂಗಿ ಕೃಷ್ಣ ಈಗ ಡೈರೆಕ್ಟರ್ ಕ್ಯಾಪ್ ತೊಟ್ಟು ಡೈರೆಕ್ಷನ್ ಫೀಲ್ಡಿಗು ಇಳಿದಿದ್ದಾರೆ.
ಈಗಾಗಲೇ ಮೋಷನ್ ಪೋಸ್ಟರ್, ಟೀಸರ್, ಟ್ರೈಲರ್‍ನಿಂದಲೇ ಸ್ಯಾಂಡಲ್‍ವುಡ್‍ನ ಮೂಲೆ ಮೂಲೆಯಲ್ಲೂ ಸೌಂಡ್ ಮಾಡಿದ್ದ ಲವ್ ಮೋಕ್ಟೆಲ್ ಚಿತ್ರ; ಇತ್ತೀಚೆಗಷ್ಟೆ ಸಿನಿಮಾದ ಆಡಿಯೋ ಲಾಂಚ್ ಮಾಡಿ ಮತ್ತೆ ಚಿತ್ರತಂಡದತ್ತ ತಿರುಗಿ ನೋಡುವಂತೆ ಮಾಡಿದೆ.. ಅಭಿನಯ ಚಕ್ರವರ್ತಿಯ ಕಂಠ ಟ್ರೈಲರ್‍ನುದ್ದಕ್ಕೂ ಕಾಣಿಸಿಕೊಂಡಿದ್ದು ಕಿಚ್ಚ ಕೈಯಿಂದಲೇ ಆಡಿಯೋ ಲಾಂಚ್ ಮಾಡೋದರ ಮೂಲಕ ಸಿನಿಮಾಕ್ಕೆ ಕಿಚ್ಚೆಬ್ಬಿಸಿದ್ದಾರೆ .ಇದರ ಬೆನ್ನಲೇ ಲವ್ ಮೂಡಲ್ಲಿರೋರಿಗಾಗಿಯೇ ವಿಭಿನ್ನ ಹಾಡೊಂದರ ವಿಡಿಯೋ ಸಾಂಗ್ ರಿಲೀಸ್ ಮಾಡಿ ಮತ್ತಷ್ಟು ರೋಮ್ಯಾಂಟಿಕ್ ಮೂಡಿಗೆ ಕರೆದೊಯ್ಯುತ್ತಿದೆ ಲವ್ ಮೋಕ್ಟೆಲ್ ಚಿತ್ರ.
ಅಂದಹಾಗೆ ಪ್ರವಾಸಕ್ಕೆ ಸಂಬಂಧಿಸಿದ ಸಿನಿಮಾ ಇದಾಗಿದ್ದು ; ಹಾಡಿನೊಂದಿಗೆ ಕಥೆನೂ ಸಾಗತ್ತೆ ಅಂತ ನಿರ್ದೇಶಕ ನಟ ಕೃಷ್ಣ ಹೇಳಿಕೊಂಡಿದ್ದಾರೆ. ಸಿನಿಮಾಗೆ ಕೃಷ್ಣ, ಮಿಲನ ನಾಗರಾಜ್ ಬಂಡವಾಳ ಹೂಡಿದ್ದು; ನಾಯಕ ಕೃಷ್ಣನಿಗೆ ನಾಯಕಿಯರಾಗಿ ಮಿಲನ ನಾಗರಾಜ್ , ರಚನಾ, ಅಭಿ , ಕುಶಿ ಕಾಣಿಸಿಕೊಂಡಿದ್ದಾರೆ. ಇನ್ನುಳಿದಂತೆ ಹೊಸ ಮುಖಗಳೇ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ .. ಶ್ರೀ ಕ್ರೇಜಿಯವರ ಛಾಯಾಗ್ರಹಣ ಮಸ್ತಾಗಿದೆ. ಒಟ್ಟಾರೆ ಟಾಕಿ ಪೋರ್ಷನ್ ಕಂಪ್ಲಿಟ್ ಮಾಡಿರೊ ಚಿತ್ರತಂಡ ಜನವರಿ 31 ರಂದು ಬೆಳ್ಳಿತೆರೆಯಲ್ಲಿ ಕಮಾಲ್ ಮಾಡಲಿದೆ .
