ಒಡಿಶಾ: ಕುಟುಂಬವನ್ನು ಸಾಕಿ ಸಲಹುವ ಸಲುವಾಗಿ ರಾಷ್ಟ್ರೀಯ ಫುಟ್ಬಾಲ್ ಆಟಗಾರ್ತಿಯೊಬ್ಬರು ಹೊಲದಲ್ಲಿ ಕೂಲಿ ಕೆಲಸ ಮಾಡುತ್ತಿದ್ದು, ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಲಕ್ಷ್ಮಿ ಮುಂಡ ಎನ್ನುವ ಬುಡಕಟ್ಟು ಸಮುದಾಯದ ಫುಟ್ಬಾಲ್ ಆಟಗಾರ್ತಿ ಕಳೆದ ಹತ್ತು ವರ್ಷಗಳಿಂದ ಫುಟ್ಬಾಲ್ ಆಡುತ್ತಿದ್ದು, ಅಂಡರ್ 19 ಮಹಿಳಾ ಫುಟ್ಬಾಲ್ ಲೀಗ್ಗಳಲ್ಲಿ ಆಡಿದ್ದಾಳೆ.
ತಾಯಿ ಇಲ್ಲದ ಈ ಹುಡುಗಿಯು ತನ್ನ ತಂದೆಯ ಆರೈಕೆಯಲ್ಲಿ ಈಗ ತೊಡಗಿದ್ದಾಳೆ. ಕಳೆದ ಹಲವು ವರ್ಷಗಳಿಂದ ನಾನಾ ಕೆಲಸಗಳಿಗೆ ಅರ್ಜಿ ಹಾಕಿದರೂ ಪ್ರಯೋಜನವಾಗುತ್ತಿಲ್ಲ.
ಅನಾರೋಗ್ಯ ಪೀಡಿತ 70 ವರ್ಷದ ತಂದೆಯನ್ನು ನೋಡಿಕೊಳ್ಳುವ ಸಲುವಾಗಿ ಲಕ್ಷ್ಮಿ ಅವರು ಭತ್ತದ ಗದ್ದೆಯಲ್ಲಿ ಕೆಲಸ ಮಾಡುತ್ತಿದ್ದಾರೆ. 2015ರಲ್ಲಿ ಇಫಾಲ್ನಲ್ಲಿ ನಡೆದ ಅಂಡರ್ 17 ಪಂದ್ಯದಲ್ಲೂ ಲಕ್ಷ್ಮೀ ಅವರು ಚಾಂಪಿಯನ್ ಆಗಿ ಹೊರಹೊಮ್ಮಿದ್ದರು.