ಟಾಲಿವುಡ್ ಡಾರ್ಲಿಂಗ್ ಪ್ರಭಾಸ್ ಮತ್ತು ಅನುಷ್ಕಾ ಶೆಟ್ಟಿ ನಡುವಿನ ಪ್ರೀತಿ, ಪ್ರೇಮ, ಮದುವೆ ಎಲ್ಲವೂ ಮುಗಿದು ಹೋದ ಕಥೆ. ಇವರಿಬ್ಬರ ನಡುವೆ ಏನೂ ಇಲ್ಲ. ಇಂಡಸ್ಟ್ರಿಯಲ್ಲಿ ಕೆಲಸ ಮಾಡುತ್ತಿರುವ ಕಲಾವಿದರಷ್ಟೇ ಎನ್ನುವ ಮಟ್ಟಕ್ಕೆ ಈ ಸುದ್ದಿಯನ್ನ ಪಕ್ಕಕ್ಕೆ ಇಡಲಾಗಿತ್ತು.
ಆದ್ರೀಗ, ಬಾಲಿವುಡ್ ಮಾಧ್ಯಮಗಳು ಅಚ್ಚರಿಯ ವಿಷ್ಯಗಳನ್ನ ಹೊರಹಾಕಿದೆ. ಅನುಷ್ಕಾ ಶೆಟ್ಟಿ ಮತ್ತು ಪ್ರಭಾಸ್ ನಡುವೆ ಪ್ರೀತಿ ಇದೆ, ಇಬ್ಬರು ಮದುವೆನೂ ಆಗ್ತಾರೆ, ಇಬ್ಬರು ವಿದೇಶದಲ್ಲಿ ಜೀವನ ಮಾಡ್ತಾರೆ ಎಂಬ ಸರ್ಪ್ರೈಸ್ ಅಂಶಗಳನ್ನ ಬಹಿರಂಗಪಡಿಸಿದೆ. ಈ ಸುದ್ದಿಗಳನ್ನ ಕೇಳಿದ ಅಭಿಮಾನಿಗಳು ಹೌದಾ….ಇದು ನಿಜನಾ ಎಂದು ಬೆರಗಾಗಿದ್ದಾರೆ.
ಬಾಲಿವುಡ್ ಮಾಧ್ಯಮಗಳು ವರದಿ ಮಾಡಿರುವ ಪ್ರಕಾರ, ಅಮೆರಿಕಾದ ಲಾಸ್ ಏಂಜಲೀಸ್ ನಲ್ಲಿ ಪ್ರಭಾಸ್ ಮತ್ತು ಅನುಷ್ಕಾ ಶೆಟ್ಟಿ ಇಬ್ಬರು ಸೇರಿ ಮನೆಯೊಂದನ್ನ ಖರೀದಿ ಮಾಡಲು ಮುಂದಾಗಿದ್ದಾರಂತೆ. ಇದಕ್ಕಾಗಿ ಹುಡುಕಾಟ ಕೂಡ ಮಾಡಿದ್ದಾರೆ ಎನ್ನಲಾಗಿದೆ. ಈ ಸುದ್ದಿ ಈಗ ಸಿನಿಜಗತ್ತಿನಲ್ಲಿ ಭಾರಿ ಕುತೂಹಲ ಹುಟ್ಟುಹಾಕಿದೆ. ಅನುಷ್ಕಾ-ಪ್ರಭಾಸ್ ಇಬ್ಬರ ಪ್ರೀತಿ ನಿಜ.! ಮದುವೆಗೆ ವಿಲನ್ ಯಾರು.? ಇಬ್ಬರು ಫ್ರೆಂಡ್ ಅಷ್ಟೇ ಅನುಷ್ಕಾ ಮತ್ತು ಪ್ರಭಾಸ್ ಸಂಬಂಧದ ಬಗ್ಗೆ ಕಳೆದ ನಾಲ್ಕೈದು ವರ್ಷದಿಂದ ಕುತೂಹಲ ಮೂಡಿಸಿದೆ.
ಇಬ್ಬರು ಕೂಡ ನಾವು ಬರಿ ಫ್ರೆಂಡ್ಸ್ ಅಷ್ಟೆ. ಇಬ್ಬರು ಒಟ್ಟಿಗೆ ಸಿನಿಮಾ ಮಾಡಿದ್ರೆ, ಒಟ್ಟಿಗೆ ಕಾಣಿಸಿಕೊಂಡ್ರೆ ಲವ್, ಮದುವೆ ಆಗ್ತಾರೆ ಎನ್ನುವುದರಲ್ಲಿ ಅರ್ಥವಿಲ್ಲ ಎಂದು ಪ್ರಭಾಸ್ ಮತ್ತು ಅನುಷ್ಕಾ ಪದೇ ಪದೇ ಹೇಳುತ್ತಿದ್ದಾರೆ. ಹೀಗಿದ್ದರೂ ಇಂತಹ ಸುದ್ದಿಗಳು ಯಾಕೆ ಮತ್ತೆ ಮತ್ತೆ ಸದ್ದು ಮಾಡ್ತಿದೆ ಎಂಬುದು ಗೊತ್ತಾಗುತ್ತಿಲ್ಲ.