ಸ್ಯಾಂಡಲ್‍ವುಡ್‍ನ ಲಕ್ಕಿ ಗರ್ಲ್ ರಚಿತಾ ರಾಮ್ ನಟಿಸಿದ ಎಲ್ಲಾ ಸಿನಿಮಾಗಳು ಸೂಪರ್ ಹಿಟ್ . ಮಾತ್ರವಲ್ಲ ಈ ನಾಯಕಿ ಗುಳಿ ಕೆನ್ನೆಯಿಂದಲೇ ಅದೆಷ್ಟೋ ಪಡ್ಡೆ ಹೈಕಳ ಮನಸ್ಸನ್ನು ಕದ್ದಿರೋ ಬ್ಯೂಟಿ ಈಕೆ.. ಹೊಸ ನಾಯಕರ ಪಾಲಿನ ಅದೃಷ್ಟ ಲಕ್ಷ್ಮೀ ಈಕೆ.. ಒಂದ್ಕಾಲದಲ್ಲಿ ಸ್ಯಾಂಡಲ್‍ವುಡ್‍ನನ್ನು ಆಳುತ್ತಿದ್ದ ರಮ್ಯಾರಷ್ಟೆ ಬೆಳೆದು ನಿಂತಿದ್ದಾರೆ ನಟಿ ರಚಿತಾ ರಾಮ್ .
ಇದೀಗ ನಿಖಿಲ್ ಜೊತೆ ರಚಿತಾ ಮದುವೆ ಫಿಕ್ಸ್ ಆಗಿದೆ .. ಇವರಿಬ್ಬರ ನಡುವೆ ಲವ್ವಿ ಡವ್ವಿ ನಡೆಯುತ್ತಿದೆ ಅಂತೆಲ್ಲಾ ಗುಲ್ಲೆಬ್ಬಿದ್ದು ಇದಕ್ಕೆ ಸ್ಪಷ್ಟನೆಯನ್ನು ರಚಿತಾ ನೀಡಿದ್ದಾರೆ . ಇನ್ನು ಈ ಗಾಳಿ ಸುದ್ದಿಗೆ ಕಾರಣ ಮೊನ್ನೆ ಮೊನ್ನೆಯಷ್ಟೆ ರಚಿತಾ ಅಕ್ಕನ ಮದುವೆ ನಡೆದಿದ್ದು , ಮದುವೆಯಲ್ಲಿ ನಿಖಿಲ್ ಕುಮಾರ ಸ್ವಾಮಿ ಪಾಲ್ಗೊಂಡಿದ್ದರು.ಅದರ ಬೆನ್ನಲೇ ನಿಖಿಲ್ ಫ್ಯಾಮಿಲ್ ಪೂಜೆ ಶೃಂಗೇರಿಯಲ್ಲಿ ನಡೆದಿದ್ದು , ಅದರಲ್ಲಿ ರಚಿತಾ ಭಾಗಿಯಾಗಿದ್ದರು ..ಈ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡಿದ್ದು , ಹಲವು ಊಹಪೋಹಗಳು ಹರಿದಾಡುತ್ತಿತ್ತು..
ಇನ್ನು ಈ ಬಗ್ಗೆ ಸೋಶಿಯಲ್ ಮೀಡಿಯಾದಲ್ಲಿ ಪ್ರತಿಕ್ರಿಯೆ ನೀಡಿದ ರಚಿತಾ ರಾಮ್ ,” ಎಲ್ಲರಿಗೂ ನಮಸ್ಕಾರ ನಾನು ನಿಮ್ಮ ರಚಿತಾ ರಾಮ್ . ಈ ನಡುವ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿರುವ ವದಂತಿಗಳ ಬಗ್ಗೆ ಸ್ಪಷ್ಟನೆಕೊಡಲು ಬಯಸುತ್ತೇನೆ … ನನ್ನ ಸಿನಿಮಾಗಳ ಕುರಿತಾಗಲಿ, ವೈಯಕ್ತಿಕ ವಿಷಯವಾಗಲಿ ನನ್ನ ಅಧಿಕೃತ ಖಾತೆಯಲ್ಲಿ ಪೋಸ್ಟ್ ಮಾಡಿದ್ರೆ ಮಾತ್ರ ಅದು ಸತ್ಯವಾಗಿರುತ್ತದೆ .. ಮನರಂಜನೆಗಾಗಿ ಸುಳ್ಳು ಪೋಸ್ಟ್‍ಗಳನ್ನು ಸೃಷ್ಟಿಸಿದ್ರೆ ಸಂಬಂಧಪಟ್ಟವರಿಗೆ ಬೇಸರ ಉಂಟುಮಾಡುತ್ತದೆ.ಇದನ್ನು ಅರ್ಥ ಮಾಡಿಕೊಂಡರೆ ಉತ್ತಮ. ಇನ್ನೊಂದು ಮಾತು ನನಗೆ ಮದುವೆ ನಿಶ್ಚಯವಾಗಿಲ್ಲ . ಅಂತಹ ಶುಭ ಸುದ್ದಿಯಾದ್ರೆ ಎಲ್ಲರ ಸಮ್ಮುಖದಲ್ಲಿ ನಡೆಯುತ್ತದೆ. ಆಗ ನಾನೇ ಸ್ವತ: ತಿಳಿಸುತ್ತೇನೆ ಎಂದಿದ್ದಾರೆ”