ಸೆಲ್ಫಿ ಕ್ರೇಝ್‌ಗೆ ಯಾರು ಮರುಳಾಗಿಲ್ಲ ಹೇಳಿ, ಕೈಯಲ್ಲಿ ಫೋನ್ ಇದ್ದರೆ ಸಾಕು ಎಲ್ಲರೂ ಸೆಲ್ಫಿ ಕ್ಲಿಕ್ಕಿಸಿಕೊಂಡು ಬಿಡ್ತಾರೆ. ಒಂದೊಳ್ಳೆ ಜಾಗ ಅಥವ ಸಂದರ್ಭ ಇದ್ರೆ ಸಾಕು ನಾವೆಲ್ಲಾ ಸೆಲ್ಫಿ ಕ್ಲಿಕ್ಕಿಸದೇ ಸುಮ್ಮನಿರುವುದಿಲ್ಲ. ಆದರೆ, ಈ ಸೆಲ್ಫಿ ಕ್ರೇಜ್ ಬರೀ ಮನುಷ್ಯರಿಗೆ ಮಾತ್ರ ಇದೆ ಅಂದುಕೊಂಡರೆ ಸುಳ್ಳು, ಏಕೆಂದರೆ ಇಲ್ಲೊಂದು ಕಡೆ ಕರಡಿ ತಾನೇ ಸ್ವತಃ ಬಂದು ಸೆಲ್ಫಿಗೆ ಪೋಸ್ ಕೊಟ್ಟಿದೆ…!
ಮೆಕ್ಸಿಕೋದಲ್ಲಿ ಈ ಘಟನೆ ನಡೆದಿದ್ದು, ವಾಕಿಂಗ್‌ ಹೋಗುತ್ತಿದ್ದ ಮಹಿಳೆ ಮುಂದೆ ಕರಡಿಯೊಂದು ದಿಢೀರ್‌ ಅಂತ ಪ್ರತ್ಯಕ್ಷವಾಗಿದೆ. ಅಲ್ಲದೇ ಯುವತಿ ಬಳಿ ಬಂದ ಕರಡಿ ಆಕೆ ಸುತ್ತ ಆಟವಾಡಲು ಯತ್ನಿಸುತ್ತದೆ. ಈ ವೇಳೆ ಸೆಲ್ಫಿ ತೆಗೆಯಲು ಮುಂದಾದ ಯುವತಿಗೆ ಶಾಕ್‌ ಆಗುವ ರೀತಿಯಲ್ಲಿ ಕರಡಿ ಪೋಸ್ ಕೊಟ್ಟಿದೆ. ಸಧ್ಯ ಈ ವಿಡಿಯೋ ವೈರಲ್ ಆಗಿದ್ದು ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಶೇರ್‌ ಆಗಿದೆ.
