Viral : ಹಾವುಗಳು(Snakes) ಎಂದ ತಕ್ಷಣ ನಮಗೆ ಸಹಜವಾಗಿಯೇ ಭಯ ಮೂಡುತ್ತದೆ. ಈ ಭಯ ತಲತಲಾಂತರದಿಂದ ಮುಂದುವರೆದಿದೆ, ಆದರೆ ಈ ಜೀವಿಗಳು ಬಹಳ ನಿರುಪದ್ರವಿಗಳು ಎನ್ನುವುದು ಎಷ್ಟೋ ಜನರಿಗೆ ತಿಳಿದಿಲ್ಲ.

ಹಾವುಗಳ ಬಗ್ಗೆ ಜಾಗೃತಿ ಮೂಡಿಸುವ ಸಾಕಷ್ಟು ಮಂದಿ ಹವ್ಯಾಸಿ ಉರಗ ತಜ್ಞರನ್ನು ನಾವು ನೋಡುತ್ತಲೇ ಇರುತ್ತೇವೆ. ಇವರಲ್ಲಿ ಹೆಚ್ಚಿನ ಮಂದಿ ಬರಿಗೈಯ್ಯಲ್ಲೇ ಹಾವು ಹಿಡಿಯುತ್ತಾರೆ. ಜೊತೆಗೆ ಹಾವಿನೊಂದಿಗೆ ಸ್ಟಂಟ್ ಮಾಡುತ್ತಾ ಫೋಟೋ, ವೀಡಿಯೋವನ್ನು ತೆಗೆದು ಸಾಮಾಜಿಕ ಜಾಲತಾಣಗಳಲ್ಲಿ(Social Media) ಅಪ್ಲೋಡ್ ಮಾಡುತ್ತಿರುತ್ತಾರೆ.

ಇದನ್ನೂ ಓದಿ : https://vijayatimes.com/easy-tips-to-get-a-good-sleep/

ಇಂತಹ ಕೆಲವೊಂದು ಸಂದರ್ಭಗಳಲ್ಲಿ ಆ ಹಾವುಗಳು ಅವರನ್ನು ಕಚ್ಚುವುದೂ ಇದೆ. ಹಾಗಾಗಿ, ಹಾವಿನೊಂದಿಗೆ ಸರಸ ಬೇಡ, ಮುನ್ನೆಚ್ಚರಿಕೆ ಅತ್ಯಗತ್ಯ. ಆದರೆ, ಇಲ್ಲೊಬ್ಬ ವಿಚಿತ್ರ ಹುಡುಗನಿದ್ದಾನೆ ನೋಡಿ. ಕಾಂಬೋಡಿಯಾದಲ್ಲಿ ವಾಸಿಸುವ ಈ ಹುಡುಗನ ಹೆಸರು ಸಂಪತ್.

ಈತ ಎಲ್ಲಾ ಮಕ್ಕಳಂತೆ, ತನ್ನ ಹೆತ್ತವರ ಜೊತೆ ಮಲಗುವುದಿಲ್ಲ. ಬದಲಿಗೆ ಛೋಮ್ರನ್ ಎಂಬ 9 ಮೀಟರ್ ಉದ್ದದ ಹೆಬ್ಬಾವಿನ ಜೊತೆ ನಿದ್ರಿಸುತ್ತಾನೆ. ಅಲ್ಲದೇ ಅದರೊಂದಿಗೆ ಆಟವಾಡಿ ತನ್ನ ವಯಸ್ಸಿನ ಮಕ್ಕಳಿಗೆ ಅಚ್ಚರಿ ಮೂಡಿಸುತ್ತಾನೆ. ಕಾಂಬೋಡಿಯಾದ ಈ ಹುಡುಗನ ಆಟ, ಊಟ ಎಲ್ಲವೂ ನಡೆಯುವುದು ಛೋಮ್ರನ್ ಎನ್ನುವ ಹೆಸರಿನ ಹೆಬ್ಬಾವಿನ ಜೊತೆಗೆ.

ಇದನ್ನೂ ಓದಿ : https://vijayatimes.com/bengaluru-it-bt-companies-struggles-due-to-rain/

6 ವರ್ಷದ ಹಿಂದೆ ಸಿಕ್ಕ ಈ ಹೆಬ್ಬಾವು ಸಂಪತ್ ಜೊತೆ ಹೆಚ್ಚಿನ ಸಲುಗೆ ಬೆಳೆಸಿಕೊಂಡಿತಂತೆ. ಅಂದಿನಿಂದ ಇಂದಿನವರೆಗೆ ಸಂಪತ್ ಮತ್ತು ಛೋಮ್ರನ್ ಮಧ್ಯದ ಸ್ನೇಹ ಮುಂದುವರೆದಿದೆ. ಆದರೆ ಯಾವುದಕ್ಕೂ ಈತನ ಪೋಷಕರು ಇದರ ಬಗ್ಗೆ ಜಾಗೃತೆ ವಹಿಸುವುದು ಅಗತ್ಯ ಎನ್ನುವುದು ನಮ್ಮ ಅಭಿಪ್ರಾಯ.

• ಪವಿತ್ರ