Andra Pradesh : RRR ಚಿತ್ರದಲ್ಲಿ ಮೆಗಾಸ್ಟಾರ್‌ ಚಿರಂಜೀವಿ (Chiranjeevi happiness about ramcharan) ಅವರ ಪುತ್ರ ರಾಮ್ ಚರಣ್ ತೇಜಾ ಅವರ ಅಭಿನಯವನ್ನು ಕಂಡು
ಹೊಗಳಿದ ಹಾಲಿವುಡ್‌ ನಿರ್ದೇಶಕ ಜೇಮ್ಸ್ ಕ್ಯಾಮರೂನ್ (James Cameron) ಅವರ ವೀಡಿಯೊವನ್ನು ಹಂಚಿಕೊಂಡ ನಟ ಚಿರಂಜೀವಿ ಅವರು ಸಂತಸ ವ್ಯಕ್ತಪಡಿಸಿದ್ದಾರೆ.
ನಟ ಚಿರಂಜೀವಿ ಅವರು ಹಂಚಿಕೊಂಡ ವಿಷಯ ಹೀಗಿದೆ.
ಹಾಲಿವುಡ್‌ನ ಖ್ಯಾತ ಚಿತ್ರಗಳಾದ ಟೈಟಾನಿಕ್‌ (Titanic), ಅವತಾರ್‌ 1 ಮತ್ತು ಅವತಾರ್‌ 2 ಚಿತ್ರಗಳ ನಿರ್ದೇಶಕ, ನಿರ್ಮಾಪಕ ಜೇಮ್ಸ್ ಕ್ಯಾಮರೂನ್ ಅವರು ಭಾರತ ಚಿತ್ರರಂಗ ಕಂಡ ಅದ್ಭುತ ಚಿತ್ರಗಳಲ್ಲಿ ಒಂದಾದ,
ಎಸ್.ಎಸ್ ರಾಜಮೌಳಿ (SS Rajamouli) ಅವರ ನಿರ್ದೇಶನದಲ್ಲಿ ಯಶಸ್ವಿಗೊಂಡ RRR ಚಿತ್ರದಲ್ಲಿ ರಾಮ್ ಚರಣ್ ಅವರ ಅಭಿನಯವನ್ನು ಹೊಗಳಿ, ಮೆಚ್ಚುಗೆಯ ಮಾತುಗಳನ್ನು ಆಡಿದ್ದಾರೆ. ಈ ಮಾತುಗಳನ್ನು ಉಲ್ಲೇಖಿಸಿ
ಸಂತಸ ವ್ಯಕ್ತಪಡಿಸಿದ ಟಾಲಿವುಡ್‌ನ ಹಿರಿಯ ನಟ, ಮೆಗಾಸ್ಟಾರ್‌ ಚಿರಂಜೀವಿ ಅವರು, ಹಾಲಿವುಡ್‌ನ ಹಿರಿಯ ನಿರ್ದೇಶಕ ಜೇಮ್ಸ್ ಕ್ಯಾಮರೂನ್ ಅವರು ನನ್ನ ಪುತ್ರನ ಅಭಿನಯವನ್ನು ಹೊಗಳುವುದು ಮತ್ತು ಚಿತ್ರದಲ್ಲಿ ಅವರ
ಪಾತ್ರವನ್ನು ಒಪ್ಪಿಕೊಳ್ಳುವುದು ನಿಜಕ್ಕೂ ‘ಆಸ್ಕರ್‌ಗಿಂತ (Chiranjeevi happiness about ramcharan) ಕಡಿಮೆಯಿಲ್ಲ’ ಎಂದು ಚಿರಂಜೀವಿ ಅವರು ಹೇಳಿದ್ದಾರೆ.
ನಟ ಚಿರಂಜೀವಿ ಅವರು ಚಲನಚಿತ್ರ ನಿರ್ಮಾಪಕ ಜೇಮ್ಸ್ ಕ್ಯಾಮರೂನ್ ತಮ್ಮ ಮಗ, ನಟ ರಾಮ್ ಚರಣ್, RRR ನಲ್ಲಿನ ಪಾತ್ರವನ್ನು ಶ್ಲಾಘಿಸಿರುವ ವೀಡಿಯೊವನ್ನು ತಮ್ಮ ಸಾಮಾಜಿಕ ಜಾಲತಾಣದ (Social Media)
ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.
ಶುಕ್ರವಾರ ಟ್ವಿಟರ್‌ನಲ್ಲಿ (Twitter) ಈ ಬಗ್ಗೆ ಸಂತಸ ವ್ಯಕ್ತಪಡಿಸಿದ ನಟ ಚಿರಂಜೀವಿ, ರಾಮ್ ತಮ್ಮ ವೃತ್ತಿಜೀವನದಲ್ಲಿ ಎಷ್ಟು ದೂರ ಬಂದಿದ್ದಾರೆ ಎಂಬುದರ ಬಗ್ಗೆ ನನಗೆ ಹೆಮ್ಮೆ ಇದೆ ಎಂದು ಹೇಳಿದರು.
ರಾಮ್‌ನ ಪಾತ್ರವನ್ನು ಜೇಮ್ಸ್ ಒಪ್ಪಿಕೊಂಡಿರುವುದು ‘ಆಸ್ಕರ್‌ಗಿಂತ ಕಡಿಮೆಯಿಲ್ಲ’ ಎಂದು ಹೋಲಿಸಿದ್ದಾರೆ.
ಇದನ್ನೂ ಓದಿ: ಖ್ಯಾತ ನಿರ್ದೇಶಕ ಎಸ್.ಕೆ ಭಗವಾನ್‌ ನಿಧನ; ಕಂಬನಿ ಮಿಡಿದ ಸ್ಯಾಂಡಲ್‌ವುಡ್‌
ವೀಡಿಯೋ ದೃಶ್ಯವನ್ನು ಹಂಚಿಕೊಂಡ ನಟ ಚಿರಂಜೀವಿ, ಸರ್ ಜೇಮ್ಸ್ ಕ್ಯಾಮರೂನ್ RRR ನಲ್ಲಿನ ರಾಮ್ ಅವರ ಪಾತ್ರಕ್ಕೆ ನಿಮ್ಮಂತಹ ಗ್ಲೋಬಲ್ ಐಕಾನ್ ಮತ್ತು ಸಿನಿಮ್ಯಾಟಿಕ್ ಜೀನಿಯಸ್‌ನಿಂದ ಒಂದು ಸ್ವೀಕೃತಿ
ಆಸ್ಕರ್‌ಗಿಂತ ಕಡಿಮೆಯಿಲ್ಲ! ಇದು ರಾಮ್ ಚರಣ್ ಅವರಿಗೆ ದೊಡ್ಡ ಗೌರವವಾಗಿದೆ. ತಂದೆಯಾಗಿ ನಾನು ಭಾವಿಸುತ್ತೇನೆ ಎಂದು ಟ್ವೀಟ್‌ ಮಾಡಿದ್ದಾರೆ.
ಎಸ್‌ಎಸ್ ರಾಜಮೌಳಿ ನಿರ್ದೇಶಿಸಿದ, ಆರ್‌ಆರ್‌ಆರ್ ಚಿತ್ರವು ವಿಶ್ವಾದ್ಯಂತ 1,200 ಕೋಟಿ ರೂ.ಗೂ ಹೆಚ್ಚು ಕಲೆಕ್ಷನ್ ಮಾಡಿ ಯಶಸ್ವಿ ಚಲನಚಿತ್ರ ಎಂಬ ಹೆಗ್ಗಳಿಕೆಗೆ ಪಾತ್ರವಾಯಿತು. ಚಿತ್ರದ ಮುಖ್ಯಭೂಮಿಕೆಯಲ್ಲಿ ನಟಿ ಆಲಿಯಾ
ಭಟ್ (Alia Bhat), ಜೂನಿಯರ್‌ ಎನ್‌.ಟಿಆರ್‌ (Junior NTR), ರಾಮ್‌ಚರಣ್‌ ತೇಜಾ, ಅಜಯ್ ದೇವಗನ್ (Ajay Devgan) ಮತ್ತು ಶ್ರಿಯಾ ಸರನ್ (Shriya Saran) ಅಭಿನಯಿಸಿದ್ದಾರೆ.
