ಬೆಂಗಳೂರು ಜ 4 : ರಾಜ್ಯಾದ್ಯಂತ ಒಮಿಕ್ರಾನ್‌ ಮತ್ತು ಕೊರೊನಾ ಸೋಂಕು ಹೆಚ್ಚುತ್ತಿರುವ ಹಿನ್ನಲೆಯಲ್ಲಿ 2 ವಾರಗಳ ಕಾಲ ಟಫ್ ರೂಲ್ಸ್ ಜಾರಿಗೊಳಿಸಲಾಗಿದೆ. ತಜ್ಞರ ಜೊತೆ ಚರ್ಚಿಸಿದ ಬಳಿಕ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಸಿಎಂ ಬಸವರಾಜ ಬೊಮ್ಮಾಯಿ ಕಟ್ಟು ನಿಟ್ಟಿನ ಆದೇಶದ ಬಗ್ಗೆ ಮಾಹಿತಿ ನೀಡಿದರು
ಟಫ್ ರೂಲ್ಸ್‌ನಲ್ಲೇನಿದೆ
- ರಾಜ್ಯದಲ್ಲಿ ನೈಟ್‌ಕರ್ಫ್ಯೂ ಮುಂದುವರಿಕೆ
- ಬುಧವಾರ ರಾತ್ರಿ 10 ಗಂಟೆಯಿಂದ ಹೊಸ ಕರೋನಾ ರೂಲ್ಸ್ ಜಾರಿ
- 10 ಮತ್ತು 12ನೇ ತರಗತಿ ಹೊರತುಪಡಿಸಿ ಉಳಿದೆಲ್ಲಾ ತರಗತಿಗಳು ಬಂದ್. ಆನ್‌ಲೈನ್ ತರಗತಿ ನಡೆಸಲು ಸೂಚನೆ.
- ಮುಂದಿನ ಎರಡು ವಾರಗಳ ಕಾಲ ಶುಕ್ರವಾರ ರಾತ್ರಿ 10 ರಿಂದ ಸೋಮವಾರ ಬೆಳಗ್ಗೆ 5 ರವರಗೆ ವೀಕೆಂಡ್ ಕರ್ಪ್ಯೂ ಜಾರಿ. ಆಹಾರ, ಹಾಲು, ಔಷಧಿ, ತರಕಾರಿ ಅಗತ್ಯ ವಸ್ತುಗಳಿಗೆ ಮತ್ತು ಹೋಟೆಲ್ ಪಾರ್ಸೆಲ್ ವ್ಯವಸ್ಥೆಗೆ ಅವಕಾಶ.
- ಸದ್ಯದಲ್ಲೆ ಮೆಟ್ರೋ, ಬಿಎಂಟಿಸಿ ಬಸ್‌ಗಳ ಪ್ರಯಾಣಕ್ಕೆ ಪ್ರತ್ಯೇಕ ಮಾರ್ಗಸೂಚಿ ಪ್ರಕಟ.
- ಚಿತ್ರ ಮಂದಿರ ಪಬ್, ಮಾಲ್, ಬಾರ್ ಸೇರಿದಂತೆ ಸಾರ್ವಜನಿಕ ಸ್ಥಳಗಳಲ್ಲಿ ಶೇ. 50 ರಷ್ಟು ಅನುಮತಿ. ಎರಡು ಡೋಸ್ ಪಡೆದಿರುವವರಿಗೆ ಮಾತ್ರ ಅವಕಾಶ.
- ರ್ಯಾಲಿ ಪ್ರತಿಭಟನೆಗೆ ಅವಕಾಶವಿಲ್ಲ
- ಮದುವೆ ಹೊರಾಂಗಣದಲ್ಲಿ ನಡೆ ದರೆ 200 ಮಂದಿಗೆ, ಒಳಾಂಗಣ ಮದುವೆಗೆ 100 ಜನಕ್ಕೆ ಮಾತ್ರ ಅವಕಾಶ. ಎರಡು ಡೋಸ್ ಲಸಿಕೆ ಪಡೆದವರಿಗೆ ಮಾತ್ರ ಅವಕಾಶ.
- ಮಹಾರಾಷ್ಟ್ರ, ಕೇರಳ, ಗೋವಾ, ದೆಹಲಿ ಮುಂತಾದ ರಾಜ್ಯಗಳಿಂದ ಬರುವ ಪ್ರಯಾಣಿಕರಿಗೆ ನೆಗಟಿವ್ ವರದಿ ಕಡ್ಡಾಯ.
- ವಿದೇಶದಿಂದ ಬರುವವರಿಗೆ ಕೋವಿಡ್ ಟೆಸ್ಟ್ ಕಡ್ಡಾಯ. ಪರೀಕ್ಷೆ ವರದಿ ಬರುವವರೆಗೆ ಹೋಟೆಲ್‌ಗಳಲ್ಲಿ ಕ್ಯಾರಂಟೈನ್
