ನವದೆಹಲಿ ಆ 28 : ಭಾರತದಾದ್ಯಂತ ಶುಕ್ರವಾರ ಒಂದೇ ದಿನ 1 ಕೋಟಿಗೂ ಅಧಿಕ ಮಂದಿಗೆ ಲಸಿಕೆ ನೀಡುವಲ್ಲಿ ಆರೋಗ್ಯ ಸಚಿವಾಲಯ ಯಶಸ್ವಿಯಾಗಿದೆ .ದೇಶದಲ್ಲಿ ಶುಕ್ರವಾರ ಒಂದೇ ದಿನ 10,063,931 ಮಂದಿಗೆ ಕೊವಿಡ್-19 ಲಸಿಕೆ ವಿತರಿಸಲಾಗಿದೆ. ಭಾರತದಲ್ಲಿ ಈವರೆಗೂ 62,09,43,580 ಫಲಾನುಭವಿಗಳಿಗೆ ಕೊವಿಡ್-19 ಲಸಿಕೆ ವಿತರಿಸಲಾಗಿದೆ ಎಂದು ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ ಮಾಹಿತಿ ನೀಡಿದೆ. ಕೇಂದ್ರ ಸರ್ಕಾರದಿಂದ ದೇಶದ ವಿವಿಧ ರಾಜ್ಯ ಈವರೆಗೆ 59,86,36,380 ಡೋಸ್ ಲಸಿಕೆ ಪೂರೈಕೆ ಮಾಡಲಾಗಿದೆ.
ಶುಕ್ರವಾರ ಲಸಿಕೆ ವಿತರಿಸಿದ ಟಾಪ್ 5 ರಾಜ್ಯಗಳು : ಕರ್ನಾಟಕ – 10,79,588 ಮಹಾರಾಷ್ಟ್ರ – 9,84,117 ಉತ್ತರ ಪ್ರದೇಶ – 28,62,649 ಬಿಹಾರ – 4,98,272 ಗುಜರಾತ್ – 4,89,492 ಈ ರಾಜ್ಯಗಳು ಶುಕ್ರವಾರ ಒಂದೇ ದಿನ ಅತಿ ಹೆಚ್ಚು ಲಸಿಕೆಗಳನ್ನು ನೀಡುವಲ್ಲಿ ಯಶಸ್ವಿಯಾಗಿವೆ.