ಭೋಪಾಲ್ : ಮಧ್ಯಪ್ರದೇಶದ(Madhyapradesh) ಇಂದೋರ್‌ನಲ್ಲಿ(Indhore) ಮಹಿಳೆಯರ ಗುಂಪೊಂದು ಪಿಜ್ಜಾ ಡೆಲಿವರಿ(Pizza Delivery) ಮಾಡುವ ಮೂಲಕ ತನ್ನ ಉದ್ಯೋಗವನ್ನು ಮಾಡುತ್ತಿದ್ದ ಯುವತಿಯನ್ನು ನಿರ್ದಯವಾಗಿ ರಸ್ತೆಯ ಮಧ್ಯೆ ಥಳಿಸಿರುವ ವೀಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್(Viral) ಆಗಿದೆ.
ಸಾರ್ವಜನಿಕವಾಗಿ ರಸ್ತೆಯ ಮಧ್ಯೆ ಯುವತಿಯನ್ನು 4 ಜನ ಯುವತಿಯರು ಆಕೆಯ ಕೂದಲನ್ನು ಎಳೆದು ದೊಣ್ಣೆಗಳನ್ನು ಬಳಸಿ ಹೊಡಿದಿದ್ದಾರೆ. ಘಟನೆಯ ವಿಡಿಯೋದಲ್ಲಿ ನಾಲ್ವರು ಯುವತಿಯರು ಪಿಜ್ಜಾ ಡೆಲಿವರಿ ಉದ್ಯೋಗ ಮಾಡುತ್ತಿದ್ದ ಯುವತಿ ಮೇಲೆ ಏಕಾಏಕಿ ದಾಳಿ ಮಾಡಿ, ಆಕೆಯನ್ನು ಹಿಗ್ಗಾಮುಗ್ಗಾ ಥಳಿಸಿದ್ದಾರೆ. ಈ ಘಟನೆಗೆ ಕಾರಣವೇನು ಎಂದು ಕೇಳಿದಾಗ, ಈ ಯುವತಿಯರು ಕೊಟ್ಟ ಉತ್ತರ, ಪಿಜ್ಜಾ ಡೆಲಿವರಿ ಮಾಡುತ್ತಿದ್ದವಳು ನಮ್ಮನ್ನೇ ಕೆಕ್ಕರಿಸಿಕೊಂಡು ನೋಡುತ್ತಿದ್ದಳು, ಹೀಗಾಗಿಯೇ ಆಕೆಯನ್ನು ಥಳಿಸದ್ದೇವೆ ಎಂದು ಅಹಂಕಾರದಿಂದ ಹೇಳಿದ್ದಾರೆ.
ಡೆಲಿವರಿ ಯುವತಿಗೆ ಕೋಲು ಮತ್ತು ಮುಷ್ಟಿಯಿಂದ ಮನಬಂದಂತೆ ಥಳಿಸಲು ಪ್ರಾರಂಭಿಸಿದ್ದಾರೆ. ಘಟನೆ ತೀವ್ರವಾದ ಹಿನ್ನಲೆ ಸ್ಥಳೀಯರು ಹೊರಬಂದಿದ್ದಾರೆ. ಈ ಸಮಯಕ್ಕೆ ಸರಿಯಾಗಿ ಯುವತಿ ಅಲ್ಲೇ ಇದ್ದ ಸ್ಥಳೀಯರೊಬ್ಬರನ್ನು ತನ್ನನ್ನು ರಕ್ಷಿಸುವಂತೆ ಮನವಿ ಮಾಡಿದ್ದಾಳೆ. ಇದನ್ನು ನೋಡಿದ ಮಹಿಳೆಯರು ಬಳಿಕ ಸ್ಥಳದಿಂದ ಪರಾರಿಯಾಗಿದ್ದಾರೆ ಎನ್ನಲಾಗಿದೆ. ಪಿಜ್ಜಾ ಡೆಲಿವರಿ ಮಾಡುತ್ತಿದ್ದ ಯುವತಿಯನ್ನು ರಸ್ತೆಗೆ ಕೆಡವಿ ಅಮಾನುಷವಾಗಿ ಥಳಿಸಿದ್ದಾರೆ.
ಯುವತಿಗೆ ಆ ನಾಲ್ವರ ವಿರುದ್ದ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸು ಎಂದು ಸ್ಥಳೀಯ ಮಹಿಳೆಯೊಬ್ಬರು ಧೈರ್ಯದಿಂದ ಹೇಳಿದಾಗ, ಸಂತ್ರಸ್ತೆ ನಂದಿನಿ ಪೊಲೀಸರಿಗೆ ಕರೆ ಮಾಡುವುದಾಗಿ ಹೇಳಿದ್ದಾರೆ. ಯುವತಿ ಡೊಮಿನೋಸ್(Dominos Pizza) ಉದ್ಯೋಗಿ ಎಂದು ತಿಳಿದುಬಂದಿದೆ. ಆಕೆ ನೀಡಿದ ದೂರಿನ ಮೇರೆಗೆ ಆ ನಾಲ್ವರ ವಿರುದ್ಧ ಪೊಲೀಸರು ದೂರು ದಾಖಲಿಸಿಕೊಂಡಿದ್ದಾರೆ ಎಂದು ಹೇಳಲಾಗಿದೆ.
ಹಲ್ಲೆ ಮಾಡಿರುವ ವಿಡಿಯೋವನ್ನು ಸ್ವತಃ ಅದೇ ಗುಂಪಿನ ಯುವತಿಯರು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಮಾಡಿದ್ದಾರೆ ಎನ್ನಲಾಗಿದೆ.