download app

FOLLOW US ON >

Monday, August 8, 2022
Breaking News
ಹಿಟ್ಲರ್ ಕೂಡಾ ಚುನಾವಣೆಗಳನ್ನು ಗೆಲ್ಲುತ್ತಿದ್ದ : ರಾಹುಲ್‌ ಗಾಂಧಿಆಮ್ಲಜನಕ ಕೊರತೆ ; ಮಾರ್ಗಸೂಚಿ ಪಾಲಿಸುವಲ್ಲಿ ಸಿಬ್ಬಂದಿಯ ವಿಫಲವೆಂದ ಬಿ.ಎ ಪಾಟೀಲ್ ವರದಿ : `ದ ಫೈಲ್ಸ್’ಅರ್ಪಿತಾ ಮುಖರ್ಜಿ ಪ್ರಾಣಕ್ಕೆ ಅಪಾಯವಿದೆ ; ಆಹಾರ ಮತ್ತು ನೀರನ್ನು ಪರೀಕ್ಷಿಸಬೇಕು : ನ್ಯಾಯಾಲಯಕ್ಕೆ ಇ.ಡಿ ಮನವಿಕಾಮನ್ ವೆಲ್ತ್ ಗೇಮ್ಸ್ 2022 : ಕೇವಲ 1 ಗಂಟೆ ಅಂತರದಲ್ಲಿ ಹ್ಯಾಟ್ರಿಕ್ ಚಿನ್ನ ಗೆದ್ದ ಕುಸ್ತಿ ವೀರರುಜ್ಯೂಸ್ ಬಾಟಲಿಯನ್ನೇ ಮೈಕ್ ಮಾಡಿಕೊಂಡು ಶಾಲೆಯ ದುಸ್ಥಿತಿಯನ್ನು ವರದಿ ಮಾಡಿದ ಬಾಲಕ ; ವೀಡಿಯೋ ವೈರಲ್ಸಚಿವ ಸುನೀಲ್‌ ಕುಮಾರ್‌ಗೆ ಇಂಥಾ ಗುಲಾಮಿ ಮನಸ್ಥಿತಿ ಬರಬಾರದಿತ್ತು : ಸಿದ್ದರಾಮಯ್ಯಮೋದಿ-ಮಮತಾ ಬ್ಯಾನರ್ಜಿ ಭೇಟಿ : ಪಶ್ಚಿಮ ಬಂಗಾಳಕ್ಕೆ ಹಣ ಬಿಡುಗಡೆಗೆ ಒತ್ತಾಯ!ಸಿಎಂಗೆ ಕೋವಿಡ್ ಪಾಸಿಟಿವ್ ದೃಢ ; ದೆಹಲಿ ಪ್ರವಾಸ ರದ್ದು!ಜಮೀರ್‌ ಅಹಮದ್‌ ಮುಸ್ಲಿಂ ಮಹಿಳೆಯರು ಚುನಾವಣೆಗೆ ಸ್ಪರ್ಧಿಸುವುದನ್ನು ಬಯಸುವುದಿಲ್ಲ : ಬಿಜೆಪಿಜಮ್ಮು- ಕಾಶ್ಮೀರದಲ್ಲಿ ಪತ್ತೆಯಾಗಿದೆ 1,200 ವರ್ಷಗಳ ಹಿಂದಿನ ಮೂರು ತಲೆಯ ವಿಷ್ಣುವಿನ ಪುರಾತನ ವಿಗ್ರಹ!
English English Kannada Kannada

ಭಾರತದಲ್ಲಿ ಹಬ್ಬಗಳನ್ನು ವಿಜೃಂಭಣೆಯಿಂದ ಆಚರಿಸಿಲು ಇದೇ ಪ್ರಮುಖ ಕಾರಣ!

ನಮ್ಮದು ವಿವಿಧತೆಯಲ್ಲಿ ಏಕತೆಯನ್ನು ಸಾರುವ ದೇಶ, ಈ ದೇಶದಲ್ಲಿ ಹಿಂದೂ, ಮುಸ್ಲಿಂ, ಕ್ರಿಶ್ಚಿಯನ್, ಸಿಖ್ ಹೀಗೆ ಎಲ್ಲಾ ಜಾತಿ- ಜನಾಂಗದ ಜನರು ಸೌಹಾರ್ದತೆಯಿಂದ ಕಲೆತು ಬದುಕುತಿದ್ದಾರೆ.
festival

ನಮ್ಮದು ವಿವಿಧತೆಯಲ್ಲಿ ಏಕತೆಯನ್ನು ಸಾರುವ ದೇಶ, ಈ ದೇಶದಲ್ಲಿ ಹಿಂದೂ, ಮುಸ್ಲಿಂ, ಕ್ರಿಶ್ಚಿಯನ್, ಸಿಖ್ ಹೀಗೆ ಎಲ್ಲಾ ಜಾತಿ- ಜನಾಂಗದ ಜನರು ಸೌಹಾರ್ದತೆಯಿಂದ ಕಲೆತು ಬದುಕುತಿದ್ದಾರೆ. ಅನೇಕ ಧರ್ಮಗಳ ಸಂಗಮವಾಗಿರುವ ನಮ್ಮ ದೇಶದಲ್ಲಿ ಹಬ್ಬಗಳಿಗೆ ಕೊರತೆಯಿರಲು ಸಾಧ್ಯವೇ? ಮುಸ್ಲಿಂ ಬಾಂಧವರು ರಂಜಾನ್, ಬಕ್ರೀದ್ ಮುಂತಾದ ಹಬ್ಬಗಳನ್ನು ಆಚರಿಸಿದರೆ, ಕ್ರಿಶ್ಚಿಯನ್ನರು ಕ್ರಿಸ್ಮಸ್ ಗುಡ್ ಫ್ರೈಡೆ, ಹಿಂದೂಗಳು ಸಂಕ್ರಾಂತಿ, ಯುಗಾದಿ, ದೀಪಾವಳಿ ಮುಂತಾದ ಅನೇಕ ಹಬ್ಬಗಳನ್ನು ಸಂಭ್ರಮದಿಂದ ಆಚರಿಸುತ್ತಾರೆ.

festival

ಹಬ್ಬಗಳ ಆಚರಣೆಯ ಮುಖ್ಯ ಉದ್ದೇಶವೇ ಸ್ವಲ್ಪ ಸಮಯದ ಮಟ್ಟಿಗಾದರೂ ಏಕತಾನತೆಯ ಬದುಕಿನಿಂದ ಹೊರಬರುವುದು. ಕೂಡು ಕುಟುಂಬದಲ್ಲಿ ಬಾಳಿ ಬದುಕಿದ ನಮ್ಮ ಹಿರಿಯರು ಹಬ್ಬಗಳನ್ನು ಆಚರಿಸುತ್ತಿದ್ದ ರೀತಿ ಅದ್ಬುತ! ಆದ್ರೆ ಈಗ ಕೂಡುಕುಟುಂಬಗಳು ಕಾಣಸಿಗುವುದೇ ಅಪರೂಪ. ಉದ್ಯೋಗದ ಸಲುವಾಗಿ ಅಥವಾ ವೈಮನಸ್ಸು ಕಾರಣವಾಗಿ ಕುಟುಂಬ ಸದಸ್ಯರು ಬೇರೆ ಬೇರೆಯಾಗಿ ವಾಸಿಸತೊಡಗಿದ್ದಾರೆ. ಆದರೆ ಎಲ್ಲರನ್ನು ಒಂದಾಗಿ ಬೆಸೆಯುವುದೇ ಈ ‘ಹಬ್ಬಗಳು’ ಎಂಬ ಆಚರಣೆಗಳು.

ವರ್ಷದ ಮೊದಲನೇ ಹಬ್ಬ ಸಂಕ್ರಾಂತಿ. ಎಳ್ಳು ಬೆಲ್ಲ ತಿಂದು ಒಳ್ಳೆ ಮಾತಾಡಿ ಎಂಬ ಸಂದೇಶ ಸಾರುತ್ತದೆ. ನಂತರ ಬರುವುದೇ ಮಹಾಶಿವರಾತ್ರಿ, ಇದರ ವಿಶೇಷತೆಯೇ ರಾತ್ರಿ ಪೂಜೆ ಹಾಗು ಜಾಗರಣೆ. ಕತ್ತಲು ಎಂದರೆ ಅಜ್ಞಾನ, ಅಜ್ಞಾನವನ್ನು ತೊಡೆದು ಸುಜ್ಞಾನವನ್ನು ನೀಡು ಎಂದು ಭಗವಂತನಲ್ಲಿ ಬೇಡುವುದೇ ಶಿವರಾತ್ರಿಯ ಮಹತ್ವ. ಇನ್ನು ಯುಗಾದಿ, ಹಿಂದೂ ಪಂಚಾಂಗದ ಪ್ರಕಾರ ಹೊಸ ಸಂವತ್ಸರದ ಆರಂಭ. ಬೇವು-ಬೆಲ್ಲ ಹಂಚಿ, ಕಷ್ಟಗಳಿಗೆ ಕುಗ್ಗದೆ ಸುಖ ಬಂದಾಗ ಹಿಗ್ಗದೆ ಎರಡನ್ನು ಸಮಾನವಾಗಿ ಸ್ವೀಕರಿಸಬೇಕು ಎಂದು ಸಂದೇಶ ಸಾರುವ ಹಬ್ಬ.

festival

ವಿಧ ವಿಧ ಖಾದ್ಯಗಳನ್ನು ದೈವಗಳಿಗೆ ಅರ್ಪಿಸಿ ಅದನ್ನು ಸ್ವೀಕರಿಸುವಂತೆ ಪ್ರಾರ್ಥಿಸುತ್ತಾರೆ. ದೇವರ ಜೊತೆ ದೈವದ ಆಶೀರ್ವಾದವೂ ನಮ್ಮ ಮೇಲಿರಲಿ ಎಂದು ನಡೆಸುವ ಆಚರಣೆ ಇದು. ಇನ್ನು ಶ್ರಾವಣಮಾಸದಲ್ಲಿ ಹಬ್ಬಗಳ ಸರಮಾಲೆ. ಮೊದಲು ನಾಗರ ಪಂಚಮಿ, ನಾಗನಿಗೆ ಹಾಲೆರೆದು ಎಳನೀರು ಅಭಿಷೇಕ ಮಾಡಿ, ಅರಿಶಿನ,ಕೇದಿಗೆ ಅರ್ಪಿಸಿ ಪೂಜಿಸುತ್ತಾರೆ. ಅರಿಶಿನ ಎಲೆಯ ಕಡುಬು ಈ ಹಬ್ಬದ ವಿಶೇಷ. ವಿಶೇಷ ಔಷದೀಯ ಗುಣವುಳ್ಳ ಮರಗಳನ್ನು ಕಿಡಿಗೇಡಿಗಳಿಂದ ರಕ್ಷಿಸಲು, ನಮ್ಮ ಹಿರಿಯರು ಅಂತಹ ಮರಗಳಿರುವ ಸ್ಥಳವನ್ನು ನಾಗಬನ ಎಂಬ ಹೆಸರಿನಿಂದ ಕರೆದು, ನಾಗನ ವಾಸಸ್ಥಳ ಎಂಬ ನಂಬಿಕೆ ಮೂಡಿಸಿದರು.

ಇದರಿಂದ ಇಂದಿಗೂ ಅನೇಕ ಅಮೂಲ್ಯವಾದ ಔಷದೀಯ ಸಸ್ಯಗಳು ಉಳಿದುಕೊಂಡಿವೆ. ಇನ್ನು ನವರಾತ್ರಿ ಒಂಬತ್ತು ದಿನ ದೇವಿಯ ಒಂಬತ್ತು ರೂಪಗಳನ್ನು ಆರಾಧಿಸಲಾಗುತ್ತದೆ, ದೇವಿಯು ದುಷ್ಟ ಸಂಹಾರ ಮಾಡಿ ಶಿಷ್ಟ ರಕ್ಷಣೆ ಮಾಡಿದ ಸಂಭ್ರಮವೇ ವಿಜಯದಶಮಿ. ಲೋಕದಲ್ಲಿ ಕೆಟ್ಟದ್ದು ಎಂಬುದು ಯಾವತ್ತಿದ್ದರೂ ತಾತ್ಕಾಲಿಕ, ಸಾತ್ವಿಕತೆಗೇ ಗೆಲುವು ಎಂಬುದು ವಿಜಯದಶಮಿಯ ಸಂಕೇತ.

festival

ಹೀಗೆ ಒಂದೊಂದು ಹಬ್ಬವೂ ಒಂದೊಂದು ಸಂದೇಶವನ್ನು ಸಾರುತ್ತದೆ. ಇಂದಿನ ಆಧುನಿಕತೆಯ ಬಿಡುವಿಲ್ಲದ ಕಾಲದಲ್ಲಿ ಹಬ್ಬ ಎಂದರೆ ಕೇವಲ ಸಿಹಿ ಅಡುಗೆ ಮಾಡಿ ಸವಿಯುವುದು ಎಂಬ ಮನೋಭಾವ ಅನೇಕರಲ್ಲಿದೆ! ಪ್ರತಿ ಹಬ್ಬದ ಹಿಂದಿನ ಇತಿಹಾಸ, ಆಚರಣೆಯ ಮಹತ್ವ, ಸಂಪ್ರದಾಯಗಳ ಹಿಂದಿನ ಅರ್ಥ ಇವುಗಳ ಬಗ್ಗೆ ಮಕ್ಕಳಿಗೆ ಅರಿವು ಮೂಡಿಸುವ ಮಹತ್ತರವಾದ ಜವಾಬ್ದಾರಿ ಹಿರಿಯರ ಮೇಲಿದೆ. ಎಲ್ಲರೂ ಒಟ್ಟಾಗಿ ಸೇರಿ ಸಂಭ್ರಮಿಸಲು, ಧನಾತ್ಮಕ ಮೌಲ್ಯಗಳನ್ನು ಜೀವನದಲ್ಲಿ ಅಳವಡಿಸಿಕೊಳ್ಳಲು ಹಬ್ಬಗಳೆಂಬ ಆಚರಣೆಗಳು ಬೇಕೇ ಬೇಕಲ್ಲವೇ?

  • ಪವಿತ್ರ ಸಚಿನ್

Share News on

Share on facebook
Facebook
Share on google
Google+
Share on twitter
Twitter
Share on linkedin
LinkedIn
Share on whatsapp
WhatsApp
error: Content is protected !!

Submit Your Article