ಚಾಮರಾಜನಗರ, ಜ. 04: ಗ್ರಾಮ ಪಂಚಾಯಿತಿ ಚುನಾವಣೆಯಲ್ಲಿ ‘ಹ್ಯಾಟ್ರಿಕ್‌’ ಗೆಲುವು ಸಾಧಿಸಿದ ತಾಲ್ಲೂಕಿನ ತಾವರೆ ಕಟ್ಟೆಮೋಳೆ ಮಹೇಶ್ ಅವರಿಗೆ ಅವರ ಬೆಂಬಲಿಗರು ದುಬಾರಿ ಬೆಲೆಯ ಬೈಕ್ ಉಡುಗೊರೆಯಾಗಿ ನೀಡಿದ್ದಾರೆ.

ಬಿಜೆಪಿ ಬೆಂಬಲಿತ ಎಸ್‌. ಮಹೇಶ್‌ ತಾವರೆಕಟ್ಟೆ ಮೋಳೆ ಗ್ರಾಪಂ ಕ್ಷೇತ್ರದಿಂದ ಸ್ಪರ್ಧಿಸಿ 39 ಮತಗಳ ಅಂತರದಿಂದ ಗೆದ್ದು, ಹ್ಯಾಟ್ರಿಕ್ ಗೆಲುವು ಸಾಧಿಸಿದ್ದರು.

ಈ ಗೆಲುವಿನ ಖುಷಿಗೆ ಮಹೇಶ್‌ ಅಭಿಮಾನಿಗಳು, ಬೆಂಬಲಿಗರು 1 ಲಕ್ಷ ರೂ. ಸಂಗ್ರಹಿಸಿ ಹೊಸ ರಾಯಲ್‌ ಎನ್‌ಫೀಲ್ಡ್‌ ಮೆಟಿಯೊರ್‌ ಬೈಕನ್ನು ಕಾಣಿಕೆ ಕೊಟ್ಟಿದ್ದಾರೆ. ಬೈಕ್ ಗೆ 2.40 ಲಕ್ಷ ರೂ. ಆಗಿದ್ದು ಉಳಿದ ಹಣವನ್ನು ನಾನು ಪಾವತಿಸಿಕೊಳ್ಳುವುದಾಗಿ ಮಹೇಶ್ ತಿಳಿಸಿದ್ದಾರೆ.