ಹೊಸ ಜೆರ್ಸಿ ಅನಾವರಣಗೊಳಿಸಿದ ಡೆಲ್ಲಿ ಕ್ಯಾಪಿಟಲ್ಸ್

ನವದೆಹಲಿ, ಮಾ. 19: 2021ರ ಐಪಿಎಲ್​ 14 ನೇ ಆವೃತ್ತಿಗೂ ಆರಂಭದ ಮೊದಲು, ಐಪಿಎಲ್ ಫ್ರ್ಯಾಂಚೈಸ್ ಡೆಲಿ ಕ್ಯಾಪಿಟಲ್ಸ್ ತಂಡದ ಹೊಸ ಜರ್ಸಿಯನ್ನು ಅನಾವರಣಗೊಳಿಸಿದೆ. ಹೀಗಾಗಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡವನ್ನು ಈ ಸಲದ ಐಪಿಎಲ್ನ್ ನಲ್ಲಿ ನ್ಯೂಜೆರ್ಸಿಯಲ್ಲಿ ನೋಡಬಹುದಾಗಿದೆ. ಭಾರತದಲ್ಲೇ ನಡೆಯಲಿರುವ ಈ ಬಾರಿಯ ಐಪಿಎಲ್ ಟೂರ್ನಿಗೆ ಸಕಲ ಸಿದ್ಧತೆಗಳು ನಡೆಯುತ್ತಿದ್ದು, ಇತ್ತ ತಂಡಗಳು ಕೂಡ ಟೂರ್ನಿಯ ಆರಂಭಕ್ಕೆ ಕಾದು ಕುಳಿತಿವೆ

ಹೊಸ ಜರ್ಸಿಯಲ್ಲಿನ ಬಣ್ಣಗಳ ಪ್ರಾಮುಖ್ಯತೆ:
ಡೆಲಿ ಕ್ಯಾಪಿಟಲ್ಸ್ ತನ್ನ ಹೊಸ ಜರ್ಸಿಯ ಬಣ್ಣದಲ್ಲಿ ಸ್ವಲ್ಪ ಬದಲಾವಣೆ ಮಾಡಿದೆ. ಹೊಸ ಜೆರ್ಸಿಯಲ್ಲಿ ನೀಲಿ ಬಣ್ಣವನ್ನು ಬಳಸಲಾಗಿದ್ದು, ಇದು ನಮ್ಮ ಸ್ಥಿರತೆ ಮತ್ತು ವಿಶ್ವಾಸವನ್ನು ಸಂಕೇತಿಸುತ್ತದೆ ಎಂದು ಫ್ರ್ಯಾಂಚೈಸ್ ಡೆಲಿ ಕ್ಯಾಪಿಟಲ್ಸ್ ಹೇಳಿದೆ. ಅದರಲ್ಲಿರುವ ಕೆಂಪು ಬಣ್ಣವು ನಮ್ಮ ಶಕ್ತಿ, ಮಹತ್ವಾಕಾಂಕ್ಷೆ ಮತ್ತು ಆಕ್ರಮಣಶೀಲತೆಯನ್ನು ತೋರಿಸುತ್ತದೆ. ಇದಲ್ಲದೆ, ಜರ್ಸಿಯಲ್ಲಿ ಹುಲಿ ತರಹದ ಪಟ್ಟೆಗಳಿವೆ, ಇದು ನೋಡಲು ಇನ್ನಷ್ಟು ಅದ್ಭುತವಾಗಿಸುತ್ತದೆ.

ರಿಕಿ ಪಾಂಟಿಂಗ್ ಕೋಚ್ ಆಗಿರುವ ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ನಾಯಕತ್ವದ ಜವಾಬ್ಧಾರಿಯನ್ನು ಶ್ರೇಯಸ್ ಐಯ್ಯರ್ ವಹಿಸಿಕೊಂಡಿದ್ದಾರೆ. ಡೆಲ್ಲಿ ಕ್ಯಾಪಿಟಲ್ಸ್ ಕಳೆದ ಬಾರಿಯ ಆವೃತ್ತಿಯಲ್ಲಿ ಅತ್ಯುತ್ತಮ ಪ್ರದರ್ಶನವನ್ನು ನೀಡಿತ್ತು. ಶ್ರೇಯಸ್ ಐಯ್ಯರ್ ನೇತೃತ್ವದಲ್ಲಿ ಯುವ ಪಡೆಯ ಸಹಾಯದೊಂದಿಗೆ ಡೆಲ್ಲಿ ಫೈನಲ್ ಪ್ರವೇಶವನ್ನು ಪಡೆದುಕೊಂಡಿತ್ತು. ಫೈನಲ್‌ನಲ್ಲಿ ಮುಂಬೈ ವಿರುದ್ಧ ಸೆಣೆಸಾಣಿ ರನ್ನರ್‌ಅಪ್ ಪ್ರಶಸ್ತಿಗೆ ತೃಪ್ತಿಪಟ್ಟುಕೊಂಡಿತ್ತು.