Bengaluru: ಚಿತ್ರಗಳನ್ನು ವರ್ಗಾಯಿಸುವ ವಿಚಾರವಾಗಿ ವಾದ ವಿವಾದದ ವೇಳೆ (Photo sharing controversy) ಸಹೋದ್ಯೋಗಿಯೊಬ್ಬ ಎದೆಗೆ ಚಾಕುವಿನಿಂದ ಇರಿದ ಪರಿಣಾಮವಾಗಿ
19 ವರ್ಷದ ವಿದ್ಯಾರ್ಥಿಯೊಬ್ಬ ಸಾವನ್ನಪ್ಪಿರುವ ಘಟನೆ ಬೆಂಗಳೂರು (Photo sharing controversy) ಸಮೀಪದ ಢಾಬಾದಲ್ಲಿ ನಡೆದಿದೆ.
ದೊಡ್ಡಬಳ್ಳಾಪುರ ನಿವಾಸಿ ಸೂರ್ಯ ಮತ್ತು ಆತನ ಮೂವರು ಸ್ನೇಹಿತರು ಭಾನುವಾರ ಸಂಜೆ 5 ಗಂಟೆ ಸುಮಾರಿಗೆ ಬೆಂಗಳೂರು ಉತ್ತರ ಹೊರವಲಯದ ದೊಡ್ಡಬೆಳವಂಗಲ ಬಳಿಯ ಢಾಬಾಕ್ಕೆ
ತೆರಳಿದ್ದರು. ಸೂರ್ಯ ಡಿಎಸ್‌ಎಲ್‌ಆರ್ ಕ್ಯಾಮೆರಾ ಹಿಡಿದು ತನ್ನ ಸ್ನೇಹಿತರ ಫೋಟೋವನ್ನು ತೆಗೆಯತೊಡಗಿದ್ದನು.
ಆ ವೇಳೆ ಉಪಾಹಾರ ಗೃಹದಲ್ಲಿ ಊಟ ಮಾಡುತ್ತಿದ್ದು, ಐದು ಸದಸ್ಯರ ಗುಂಪು ತಮ್ಮ ಚಿತ್ರಗಳನ್ನು ತೆಗೆಯುವಂತೆ ಸೂರ್ಯ ಅವರನ್ನು ವಿನಂತಿಸಿದ್ದರು. ಚಿತ್ರೀಕರಣದ ಕೊನೆಯಲ್ಲಿ, ಗುಂಪು ತಮ್ಮ
ಚಿತ್ರಗಳನ್ನು ವಾಟ್ಸಾಪ್‌ನಲ್ಲಿ (WhatsApp) ಕಳುಹಿಸಲು ಸೂರ್ಯ ಅವರನ್ನು ಕೇಳಿದರು. ಚಿತ್ರಗಳನ್ನು ಮೊದಲು ತನ್ನ ಲ್ಯಾಪ್‌ಟಾಪ್‌ಗೆ (Laptop) ವರ್ಗಾಯಿಸಬೇಕಾಗಿರುವುದರಿಂದ ಅವುಗಳನ್ನು ಕಳುಹಿಸಲು
ಸಮಯ ಬೇಕಾಗುತ್ತದೆ ಎಂದು ಸೂರ್ಯ ಹೇಳಿದ್ದನು.
ಆ ಗುಂಪಿನ ಸದಸ್ಯ, ದಿಲೀಪ್ ಗೌಡ ಎಂದು ಗುರುತಿಸಲಾಗಿದ್ದು, ಸೂರ್ಯ ಪ್ರತಿಕ್ರಿಯೆಯನ್ನು ಇಷ್ಟಪಡದೆ ಅವರ ಕ್ಯಾಮೆರಾವನ್ನು (Camera) ಕಸಿದುಕೊಳ್ಳಲು ಪ್ರಯತ್ನಿಸಿದರು ಆಗ ಸೂರ್ಯನು ಕೂಡ ಕಾಲರ್
ಹಿಡಿದಿದ್ದು, ಗೌಡನು ತನ್ನ ಜೇಬಿನಿಂದ ಚಾಕುವಿನ ಕೀಚೈನ್ ಅನ್ನು ಎಳೆದು ಸೂರ್ಯನ ಎದೆಗೆ ಚುಚ್ಚಿದಾಗ ನಾಟಕೀಯ ತಿರುವುಗಳನ್ನ ಪಡೆದವು. ಆತ ಕುಸಿದು ಬೀಳುತ್ತಿದ್ದಂತೆ ಗೌಡ ಮತ್ತು ಅವನ
ಸ್ನೇಹಿತರು ತಮ್ಮ ಮೋಟಾರ್ ಸೈಕಲ್‌ಗಳಲ್ಲಿ ಸ್ಥಳದಿಂದ ಓಡಿಹೋಗಿದ್ದಾರೆ.
ಸೂರ್ಯ ಅವರ ಸ್ನೇಹಿತರು ಅವರನ್ನು ಆಸ್ಪತ್ರೆಗೆ ಕರೆದೊಯ್ದರು, ಅಲ್ಲಿ ಅವರು ಸಾವನ್ನಪ್ಪಿದರು. ಅಜ್ಞಾತವಾಗಿರುವ ಗೌಡ ಮತ್ತು ಆತನ ಸ್ನೇಹಿತರಿಗಾಗಿ ಪೊಲೀಸರು ಶೋಧ ನಡೆಸಿದ್ದಾರೆ. ಗೌಡರ
ಫೋನ್ ಸ್ವಿಚ್ ಆಫ್ ಆಗಿದೆ ಎಂದು ದೊಡ್ಡಬಳ್ಳಾಪುರ ಉಪವಿಭಾಗದ ಹಿರಿಯ ಅಧಿಕಾರಿಯೊಬ್ಬರು ಮಾಹಿತಿ ನೀಡಿದ್ದಾರೆ
ಮೂಲಗಳ ಪ್ರಕಾರ, ಎದೆಯ ಭಾಗಕ್ಕೆ ಚುಚ್ಚಿದ ಕಾರಣದಿಂದ ಸಾವಿಗೆ ಕಾರಣವಾಗಿದ್ದು, ಗೌಡ ಮತ್ತು ಆತನ ಸ್ನೇಹಿತರು ಮದ್ಯದ ಅಮಲಿನಲ್ಲಿದ್ದು ಈ ಕೊಲೆಗೆ ಕಾರಣವಾಗಿರಬಹುದು ಎಂದು ಪೊಲೀಸರು
ಶಂಕಿಸಿದ್ದಾರೆ. ಸದ್ಯ ಪೊಲೀಸರು (Karnataka Police) ಅವರೆಲ್ಲರ ವಿರುದ್ಧ ಕೊಲೆ ಪ್ರಕರಣ ದಾಖಲಿಸಿದ್ದಾರೆ.
ಇದನ್ನು ಓದಿ: ಬೆಂಗಳೂರಿನಲ್ಲಿ ದೀಪಾವಳಿ ಪಟಾಕಿ ಅವಘಡ: 60ಕ್ಕೂ ಅಧಿಕ ಮಂದಿಗೆ ಗಾಯ
- ಭವ್ಯಶ್ರೀ ಆರ್.ಜೆ