ಮುಂಬೈ: ಇತ್ತೀಚೆಗಷ್ಟೇ ಮಿಸ್ ಇಂಡಿಯಾ ರನ್ನರ್ ಅಪ್ ಪ್ರಶಸ್ತಿ ಪಡೆದು ದೇಶದ ಸೆಳೆದಿದ್ದ ಮಾನ್ಯ ಸಿಂಗ್, ಇದೀಗ ತಮ್ಮ ಸರಳತೆಯ ಮೂಲಕ ಭಾರತೀಯರ ಹೃದಯ ಗೆದ್ದಿದ್ದಾರೆ.ಹೌದು, ಫೆಮಿನಾ ಮಿಸ್ ಇಂಡಿಯಾ 2020 ರನ್ನರ್ ಅಪ್ ಆದ ಮಾನ್ಯ ಸಿಂಗ್ ಅವರ ಸರಳತೆಯನ್ನು ನೆಟ್ಟಿಗರು ಕೊಂಡಾಡಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆಗೆ ಒಳಗಾಗಿದ್ದಾರೆ.
ಮಾನ್ಯ ಸಿಂಗ್ ಅವರು 2020ರ ಫೆಮಿನಾ ಮಿಸ್ ಇಂಡಿಯಾದಲ್ಲಿ ರನ್ನರ್ ಅಪ್ ಆದರು. ಅವರು ತಮ್ಮ ತಂದೆಯ ಜೊತೆ ಸನ್ಮಾನ ಸಮಾರಂಭವೊಂದಕ್ಕೆ ಆಟೊದಲ್ಲಿ ಬಂದಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ಅವರು ಆಟೊದಲ್ಲಿ ಕುಳಿತಿರುವ ಫೋಟೊ ವೈರಲ್ ಆಗಿದೆ.
ಕೇವಲ ತಮ್ಮ ಸರಳತೆ ಮಾತ್ರವಲ್ಲದೇ, ತಮಗೆ ದೊರೆತ ಮಿಸ್ ಇಂಡಿಯಾ ರನ್ನರ್ ಅಪ್ ಕಿರೀಟವನ್ನು ತನ್ನ ತಾಯಿಯ ಮುಡಿಗೇರಿಸಿದ ಮಾನ್ಯ ಸಿಂಗ್ ಅವರ ನಡೆಯೂ ಸಹ ಎಲ್ಲರ ಮೆಚ್ಚುಗೆ ಪಡೆದಿದೆ. ಫೆಬ್ರವರಿ 12 ರಂದು ಮಾನ್ಯಗೆ ಮಿಸ್ ಇಂಡಿಯಾ ಕಿರೀಟ ನೀಡಿ ಗೌರವಿಸಲಾಗಿತ್ತು.
