ಭಾರತದ ಕಹಿ ಕಲ್ಲಂಗಡಿ ಎಂದೇ ಪ್ರಸಿದ್ಧಿಯಾಗಿರುವ ಹಾಗಲಕಾಯಿ ಅದ್ಭುತವಾದ ಆರೋಗ್ಯ ಪ್ರಯೋಜನಗಳಿಗೆ ಹೆಸರುವಾಸಿಯಾಗಿದೆ. ಆದರೆ ಅದರ ಕಹಿ ರುಚಿಯಿಂದಾಗಿ ಹೆಚ್ಚಿನ ಜನರಿಂದ ದೂರ ಉಳಿದಿದೆ. ಪ್ರೋಟೀನ್, ಕಾರ್ಬೋಹೈಡ್ರೇಟ್ಗಳು, ಕ್ಯಾಲ್ಸಿಯಂ, ಕಬ್ಬಿಣ, ರಂಜಕ, ಮೆಗ್ನೀಸಿಯಮ್, ಮ್ಯಾಂಗನೀಸ್, ಫೋಲೇಟ್, ವಿಟಮಿನ್ ಎ, ವಿಟಮಿನ್ ಸಿ, ಮತ್ತು ಹಲವಾರು ಬಿ ವಿಟಮಿನ್ಗಳಿಂದ ತುಂಬಿದ ಹಾಗಲಕಾಯಿ ನಿಮ್ಮ ಆರೋಗ್ಯಕ್ಕೆ ಹಲವು ವಿಧಗಳಲ್ಲಿ ಪ್ರಯೋಜನವನ್ನು ನೀಡುತ್ತದೆ. ಆದರೆ ಗರ್ಭಿಣಿ ಮಹಿಳೆಯರಿಗೆ ಇದನ್ನು ಸೇವಿಸದಂತೆ ಸೂಚಿಸಲಾಗುತ್ತದೆ. ಏಕೆಂದರೆ ಅದು ಕೆಲವೊಂದು ಅಪಾಯಗಳನ್ನು ತಂದೊಡ್ಡುತ್ತದೆ. ಅವುಗಳಾವುವು ಎಂಬುದನ್ನು ಈ ಲೇಖನದಲ್ಲಿ ವಿವರಿಸಲಾಗಿದೆ.
ಗರ್ಭಿಣಿಯರು ಹಾಗಲಕಾಯಿ ಸೇವಿಸಬಾರದೆನ್ನಲು ಇಲ್ಲಿವೆ ಕಾರಣಗಳು:
ರಕ್ತಹೀನತೆ:
ಹಾಗಲಕಾಯಿಯಲ್ಲಿರುವ ಅಣು ವಿಸೈನ್ ಫೆವಿಸಂಗೆ ಕಾರಣವಾಗಬಹುದು, ಇದು ನಿಮ್ಮ ದೇಹದ ಅಂಗಾಂಶಗಳಿಗೆ ಆಮ್ಲಜನಕವನ್ನು ಸಾಗಿಸುವ ಕೆಂಪು ರಕ್ತ ಕಣಗಳ ನಾಶವಾಗಿದೆ. ಇದು ರಕ್ತಹೀನತೆಗೆ ಕಾರಣವಾಗಬಹುದು ಮತ್ತು ಗರ್ಭಧಾರಣೆಯ ತೊಂದರೆಗಳಿಗೆ ಕಾರಣವಾಗಬಹುದು. ಗರ್ಭಾವಸ್ಥೆಯಲ್ಲಿ ತೀವ್ರವಾದ ರಕ್ತಹೀನತೆಯು ಅಕಾಲಿಕ ಜನನದ ಅಪಾಯ, ಕಡಿಮೆ ತೂಕದ ಮಗುವಿನ ಜನನ ಮತ್ತು ಜನನದ ಮೊದಲು ಅಥವಾ ನಂತರ ಶಿಶು ಮರಣಕ್ಕೆ ಸಂಬಂಧಿಸಿದೆ.
ವಿಷತ್ವ:
ಹಾಗಲಕಾಯಿಗಳು ಕ್ವಿನೈನ್, ಮೊಮೊರ್ಡಿಕಾ ಮತ್ತು ಗ್ಲೈಕೋಸೈಡ್ಗಳಂತಹ ಅಣುಗಳನ್ನು ಸಹ ಹೊಂದಿರುತ್ತವೆ, ಅದು ದೇಹವನ್ನು ವಿಷಗೊಳಿಸುತ್ತದೆ. ಈ ಪದಾರ್ಥಗಳನ್ನು ಸೇವಿಸುವುದರಿಂದ ಕರುಳಿನ ನೋವು, ವಾಂತಿ, ದಣಿವು, ಸ್ನಾಯುವಿನ ಆಯಾಸ, ವಾಕರಿಕೆ ಮತ್ತು ಲಾಲಾರಸದ ಅಧಿಕ ಉತ್ಪಾದನೆಗೆ ತೊಂದರೆ ಉಂಟಾಗುತ್ತದೆ.
ರಕ್ತಸ್ರಾವ:
ಗರ್ಭಾವಸ್ಥೆಯಲ್ಲಿ ಹಾಗಲಕಾಯಿ ಬೀಜಗಳನ್ನು ತಿನ್ನುವುದರಿಂದ ಹೊಟ್ಟೆ ನೋವು, ಅಜೀರ್ಣ , ಅತಿಸಾರ ಮತ್ತು ಹೊಟ್ಟೆಯಲ್ಲಿ ನೋವು ಉಂಟಾಗುತ್ತದೆ ಎಂದು ಹೇಳಲಾಗುತ್ತದೆ. ಗರ್ಭಾವಸ್ಥೆಯಲ್ಲಿ ಹಾಗಲಕಾಯಿ ರಸವನ್ನು ಕುಡಿಯುವುದರಿಂದ ಸಂಕೋಚನವನ್ನು ಉಂಟುಮಾಡಬಹುದು ಮತ್ತು ರಕ್ತಸ್ರಾವವಾಗಬಹುದು, ಇದು ಗರ್ಭಪಾತಕ್ಕೆ ಕಾರಣವಾಗಬಹುದು ಎಂದು ಕೆಲವು ತಜ್ಞರು ಹೇಳುತ್ತಾರೆ.
ಹಾಗಲಕಾಯಿ ಇಷ್ಟನಾ? ಇದನ್ನು ಮಧ್ಯಮ ಪ್ರಮಾಣದಲ್ಲಿ ತಿನ್ನಿರಿ:
ಗರ್ಭಾವಸ್ಥೆಯಲ್ಲಿ ಹಾಗಲಕಾಯಿ ತಿನ್ನುವುದು ತಪ್ಪಿಸುವುದು ಉತ್ತಮ. ಆದರೂ ತಿನ್ನಲು ಬಯಸಿದರೆ, ನಿಮ್ಮ ಪೌಷ್ಟಿಕತಜ್ಞ ಅಥವಾ ವೈದ್ಯರನ್ನು ಪರೀಕ್ಷಿಸಿದ ನಂತರ ಅದನ್ನು ಸಣ್ಣ ಪ್ರಮಾಣದಲ್ಲಿ ಸೇವಿಸಿ. ಉದಾಹರಣೆಗೆ, ನೀವು ವಾರದಲ್ಲಿ ಒಂದು ಅಥವಾ ಎರಡು ಬಾರಿ ಕಪ್ ಸೇವಿಸಬಹುದು.
ಇತರ ಸಂಬಂಧಿತ ಅಪಾಯಗಳು:
ಹಾಗಲಕಾಯಿ 3 ತಿಂಗಳವರೆಗೆ ಸೇವಿಸುವುದರಿಂದ ಕೆಲವು ಜನರಲ್ಲಿ ಜೀರ್ಣಕಾರಿ ತೊಂದರೆ ಉಂಟಾಗುತ್ತದೆ.
ಕೆಲವು ತಜ್ಞರು ಸ್ತನ್ಯಪಾನ ಮಾಡುವ ತಾಯಂದಿರು ಹಾಗಲಕಾಯಿ ಸೇವಿಸುವುದನ್ನು ತಪ್ಪಿಸಲು ಸಲಹೆ ನೀಡುತ್ತಾರೆ
ನೀವು ಮಧುಮೇಹ ಹೊಂದಿದ್ದರೆ ಮತ್ತು ನಿಮ್ಮ ರಕ್ತದಲ್ಲಿನ ಸಕ್ಕರೆಯನ್ನು ಕಡಿಮೆ ಮಾಡಲು ಔಷಧಿಗಳನ್ನು ತೆಗೆದುಕೊಳ್ಳುತ್ತಿದ್ದರೆ, ಹಾಗಲಕಾಯಿ ತಿನ್ನುವುದನ್ನು ತಪ್ಪಿಸಿ ಏಕೆಂದರೆ ಅದು ನಿಮ್ಮ ರಕ್ತದಲ್ಲಿನ ಸಕ್ಕರೆ ಕಡಿಮೆ ಮಾಡಬಹುದು.
ಶಸ್ತ್ರಚಿಕಿತ್ಸೆಯ ಸಮಯದಲ್ಲಿ ಮತ್ತು ನಂತರ ಹಾಗಲಕಾಯಿ ಸೇವಿಸುವುದರಿಂದ ನಿಮ್ಮ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಪರಿಣಾಮ ಬೀರಬಹುದು. ಆದ್ದರಿಂದ, ನಿಗದಿತ ಶಸ್ತ್ರಚಿಕಿತ್ಸೆಗೆ ಕನಿಷ್ಠ 2 ವಾರಗಳ ಮೊದಲು ತಿನ್ನದಿರುವುದು ಉತ್ತಮ.
ಆರೋಗ್ಯವಂತ ವ್ಯಕ್ತಿಯು ಸಹ ದಿನಕ್ಕೆ 2 ರಿಂದ 3 ಹಾಗಲಕಾಯಿ ಸೇವಿಸಬಾರದು, ಏಕೆಂದರೆ ಅತಿಯಾದ ಸೇವನೆಯು ಹೊಟ್ಟೆ ನೋವು ಅಥವಾ ಅತಿಸಾರಕ್ಕೆ ಕಾರಣವಾಗಬಹುದು.