Bengaluru : ಮಹಿಳೆಯರಿಗೆ ಉಚಿತ ಪ್ರಯಾಣ (Free bus scheme) ಎಂಬ ಸರ್ಕಾರದ ಘೋಷಣೆಯಿಂದ ಬೆಂಗಳೂರು ಮೆಟ್ರೋ ರೈಲ್ವೆ (Metro) ಕಾರ್ಪೊರೇಶನ್‌ನ ನಿಯಮಿತಗೆ ನಷ್ಟದ ಬಿಸಿ ತಟ್ಟಬಹುದೇ ? ಈಗಾಗಲೇ ನಷ್ಟದಲ್ಲೇ ಓಡುತ್ತಿರುವ ನಮ್ಮ ಮೆಟ್ರೋಗೆ (Problems of free bus travel) ಇದು ಸಂಕಷ್ಟ ತರಬಹುದೇ ? ಅನ್ನೋ ಲೆಕ್ಕಾಚಾರ ಇದೀಗ ಮೆಟ್ರೋ ವಲಯದಲ್ಲಿ ನಡೆಯುತ್ತಿದೆ.

ಈಗಾಗಲೇ ಲಾಭಕ್ಕಾಗಿ ಹೆಣಗಾಡುತ್ತಿರುವ ಮೆಟ್ರೋ ವ್ಯವಸ್ಥೆಗೆ ಈ ಹೊಸ ನೀತಿಯಿಂದ ತೊಂದರೆಯಾಗಲಿದೆಯೇ ಎಂದು ಮೆಟ್ರೋ ಅಧಿಕಾರಿಗಳು ಪ್ರಶ್ನಿಸುತ್ತಿದ್ದಾರೆ.

ಏಕೆಂದರೆ ಉಚಿತ ಬಸ್ ಪ್ರಯಾಣದ ಅನುಕೂಲಕ್ಕಾಗಿ ಮಹಿಳೆಯರು ಕೇವಲ ಬಸ್ಸುಗಳನ್ನು ಆಯ್ಕೆ ಮಾಡಿಕೊಳ್ಳಬಹುದು.

ಮೆಟ್ರೋದ ಒಂದು ದಿನದ ಪಾಸ್‌ಗೆ ಒಟ್ಟು 150+50 ವೆಚ್ಚವಾಗುತ್ತಿದ್ದು, ಮೆಟ್ರೋ ತನ್ನ ಮಹಿಳಾ ಪ್ರಯಾಣಿಕರನ್ನು ಉಚಿತ ಬಸ್ ಸೇವೆಯಿಂದ ಕಳೆದುಕೊಳ್ಳುವ ಆತಂಕವಿದೆ.

ಆದರೆ, ಉಚಿತ ಬಸ್ ಪ್ರಯಾಣದ ಭರವಸೆಯನ್ನು ಸರ್ಕಾರ ಅನುಸರಿಸಿದರೆ, ಮಹಿಳೆಯರು ಮೆಟ್ರೋವನ್ನು ಸಂಪೂರ್ಣವಾಗಿ (Problems of free bus travel) ತ್ಯಜಿಸುವ ಸಾಧ್ಯತೆಯಿರುವುದಿಲ್ಲ,

ಇದರ ಹೊರತಾಗಿಯೂ ಬಿಎಂಟಿಸಿ (BMTC) ಮತ್ತು ಮೆಟ್ರೋದಲ್ಲಿ ಮಹಿಳಾ ಪ್ರಯಾಣಿಕರು ಸ್ವಲ್ಪ ಮಟ್ಟಿಗೆ ಕಡಿಮೆಯಾಗುವುದು ಮಾತ್ರ ನಿಶ್ಚಿತ.

ಪ್ರತಿದಿನದ ಸರಿಸುಮಾರು 5.80 ಲಕ್ಷ ಜನ ಜನ ಮೆಟ್ರೋವನ್ನು ಸಾರಿಗೆ ಸಾಧನವಾಗಿ ಬಳಸುತ್ತಾರೆ.

ಇದನ್ನೂ ಓದಿ : https://vijayatimes.com/rising-inflation-in-pakistan/

ಆ ಪ್ರಯಾಣಿಕರಲ್ಲಿ ಸುಮಾರು ಒಟ್ಟು 2.5 ಲಕ್ಷ ಮಹಿಳಾ ಪ್ರಯಾಣಿಕರಿದ್ದಾರೆ. ಮಹಿಳಾ ಪ್ರಯಾಣಿಕರನ್ನು ಆಕರ್ಷಿಸಲು ಮೆಟ್ರೋ ಪ್ರತ್ಯೇಕ ಕೋಚ್ ವ್ಯವಸ್ಥೆಯನ್ನು ಸಹ ಅಳವಡಿಸಿದೆ ಸರ್ಕಾರಿ ನೌಕರರು,

ಖಾಸಗಿ ವಲಯದ ಉದ್ಯೋಗಿಗಳು, ಟೆಕ್ ವೃತ್ತಿಪರರು ಮತ್ತು ವಿದ್ಯಾರ್ಥಿಗಳು ಸೇರಿದಂತೆ ವಿವಿಧ ವ್ಯಕ್ತಿಗಳು ತಮ್ಮ ಆದ್ಯತೆಯ ಸಾರಿಗೆ ವಿಧಾನವಾಗಿ ಮೆಟ್ರೋವನ್ನು ಆಯ್ಕೆ ಮಾಡುತ್ತಾರೆ.

ಹೆಚ್ಚುವರಿಯಾಗಿ, ಫೀಡರ್ ಬಸ್ ವ್ಯವಸ್ಥೆಯು ಮಧ್ಯವರ್ತಿ ಆಯ್ಕೆಯಾಗಿ ಈಗ ಲಭ್ಯವಿದೆ.

ಆತಂಕದಲ್ಲಿರುವ ಆಟೋ ಚಾಲಕರು :

ಆಟೋ ಚಾಲಕರು ಹೆಚ್ಚಾಗಿ ಮಹಿಳಾ ಪ್ರಯಾಣಿಕರನ್ನೇ ಆವಲಂಬಿಸಿದ್ದಾರೆ ಆದರೆ ಈಗ ಮಹಿಳೆಯರಿಗೆ ಸರ್ಕಾರದ ಉಚಿತ ಪ್ರಯಾಣ ಯೋಜನೆಯು ಅವರ ಆದಾಯದ ಮೇಲೆ ಸಂಭಾವ್ಯ ಪರಿಣಾಮ ಬೀರಲಿದೆ.

ರಾಪಿಡೋ ಬೈಕ್‌ನಿಂದ (Rapido bike) ಮತ್ತು ಮೆಟ್ರೋ ನಿಂದಾಗಿ ಆಟೋ ರಿಕ್ಷಾಗಳಿಗೆ ಈಗಾಗಲೇ ಪ್ರಯಾಣಿಕರೇ ಸಿಗುತ್ತಿಲ್ಲ. ಸದ್ಯ ಇರುವ ಪ್ರಯಾಣಿಕರಲ್ಲಿ ಪುರುಷ ಪ್ರಯಾಣಿಕರಿಗಿಂತ ಮಹಿಳಾ ಪ್ರಯಾಣಿಕರೇ ಹೆಚ್ಚು.

ಇದೀಗ ರಾಜ್ಯ ಸರ್ಕಾರದ ಉಚಿತ ಬಸ್ ಸೇವೆಯಿಂದಾಗಿ ಶೇ.50ಕ್ಕೂ ಹೆಚ್ಚು ಮಹಿಳಾ ಪ್ರಯಾಣಿಕರು ಉಚಿತ ಬಸ್ ಸೇವೆಯನ್ನು ಬಳಸುವ ಸಾಧ್ಯತೆ ಇದ್ದು,

ಮಾಲೀಕರು ಹಾಗೂ ಚಾಲಕರ ಕುಟುಂಬಕ್ಕೆ ತೊಂದರೆಯಾಗಲಿದೆ ಎಂಬ ಆತಂಕ ವ್ಯಕ್ತವಾಗಿದೆ.

ಬೆಂಗಳೂರು ನಗರವೊಂದರಲ್ಲೇ (Bangalore city) 2.10 ಲಕ್ಷಕ್ಕೂ ಹೆಚ್ಚು ವಾಹನಗಳಿವೆ. ಈ ಕಾರುಗಳಲ್ಲಿ 80% ರಷ್ಟು ಬಾಡಿಗೆಗೆ ಮೂಲಕ ನಡೆಸಲ್ಪಡುತ್ತವೆ.

ಕೋರಮಂಗಲ, ಎಚ್‌ಎಸ್‌ಆರ್‌ ಲೇಔಟ್‌, ಜಯನಗರ, ಬಿಟಿಎಂ ಲೇಔಟ್‌, ಎಲೆಕ್ಟ್ರಾನಿಕ್‌ ಸಿಟಿ, ವೈಟ್‌ಫೀಲ್ಡ್‌,

ಮೆಜೆಸ್ಟಿಕ್‌ ಸತ್‌ಮುತ್ತ, ಬಾಣಸವಾಡಿ, ಕೆ.ಆರ್‌.ಪುರಂನ ಆಟೋ ಚಾಲಕರು ಈ ರಾಪಿಡೋ ಬೈಕ್‌ಗಳಿಂದ ಹೆಚ್ಚು ನಷ್ಟ ಅನುಭವಿಸುತ್ತಿದ್ದಾರೆ.

ಬಹುತೇಕವಾಗಿ ಮಹಿಳಾ ಪ್ರಯಾಣಿಕರನ್ನೇ ನಂಬಿಕೊಂಡೇ ಅನೇಕ ಆಟೋಗಳು ಸಂಚರಿಸುತ್ತಿವೆ.

ಈಗ ಮಹಿಳೆಯರಿಗೆ ಉಚಿತವಾಗಿ ಬಸ್ ಪ್ರಯಾಣ ಅವಕಾಶ ನೀಡಿರುವುದರಿಂದ ನಷ್ಟಕ್ಕೆ ಒಳಗಾಗುವುದರಲ್ಲಿ ಮೊದಲು ಆಟೋ ಚಾಲಕರ ಸಂಖ್ಯೆಯೇ ಹೆಚ್ಚು.

ಇದನ್ನೂ ಓದಿ : https://vijayatimes.com/electricity-price-hike/

ರಾಜ್ಯ ಸರ್ಕಾರ ಇದಕ್ಕೆ ಪರ್ಯಾಯವಾಗಿ ಆಟೋ ಚಾಲಕರು ಮತ್ತು ಮಾಲಿಕರ ನೆರವಿಗೆ ಬರಬೇಕು ಈ ಬಗ್ಗೆ ಮನವಿ ಸಲ್ಲಿಸಲು ಕೂಡ

ಸಿದ್ಧತೆ ಮಾಡಿಕೊಳ್ಳುತ್ತಿದ್ದೇವೆ ಎಂದು ಮಾಧ್ಯಮಗಳಿಗೆ ಆದರ್ಶ ಆಟೋ ಚಾಲಕರು ಮತ್ತು ಮಾಲೀಕರ ಸಂಘದ ಅಧ್ಯಕ್ಷ ಮಂಜುನಾಥ್‌ (Auto Association President Manjunath) ತಿಳಿಸಿದರು.

ನಮ್ಮ ಮೆಟ್ರೋ ಕೆಲಸಕ್ಕೆ ಕಾರ್ಮಿಕರ ಅಭಾವ : ನಾನಾ ಸೌಲಭ್ಯ ಕೊಟ್ರೂ ಸಿಗ್ತಿಲ್ಲ ಕೆಲಸಗಾರರು :

ಕೋವಿಡ್-19 (Covid -19) ಬಿಕ್ಕಟ್ಟು ಕಳೆದು 2 ವರ್ಷಗಳೇ ಆದರೂ ಬೆಂಗಳೂರು ಮೆಟ್ರೋ ರೈಲು ಕಾರ್ಪೊರೇಷನ್ ಲಿಮಿಟೆಡ್ (BMRCL) ಇನ್ನೂ ತಮ್ಮ ಮೆಟ್ರೋ ಯೋಜನೆಗಳಿಗೆ ಕಾರ್ಮಿಕರ ಅಭಾವ ಎದುರಿಸುತ್ತಿದೆ.

ಗುತ್ತಿಗೆದಾರರ ಪ್ರಕಾರ, ಕಾರ್ಮಿಕರಿಗೆ ಪ್ರಯಾಣ ವೆಚ್ಚವನ್ನು ಭರಿಸಿದರೂ, ಉತ್ತರ ಭಾರತದ ಕಾರ್ಮಿಕರು ಈ ಯೋಜನೆಗಳಿಗೆ ಕೆಲಸ ಮಾಡಲು ಬರುತ್ತಿಲ್ಲ. ಮೆಟ್ರೋ’ ಕಟ್ಟುವವರಿಲ್ಲದೆ ಮೆಟ್ರೋ ವ್ಯವಸ್ಥೆಯ ಭವಿಷ್ಯ ಅನಿಶ್ಚಿತವಾಗಿರುವುದು ಸ್ಪಷ್ಟವಾಗಿದೆ.

ಪ್ರಯಾಣ ವೆಚ್ಚ ಭರಿಸಿದರೂ ಬರುತ್ತಿಲ್ಲ ಕಾರ್ಮಿಕರು :

ಕೋವಿಡ್‌ಗೂ ಮುನ್ನ ಕಾರ್ಮಿಕರು ತಾವಾಗಿಯೇ ಕೆಲಸಕ್ಕೆ ಬರುತ್ತಿದ್ದರು. ಆದರೆ, ಈಗ ಉತ್ತರ ಭಾರತದ ಕೆಲವೆಡೆ ಮೆಟ್ರೋ ಕಾಮಗಾರಿ ನಡೆಯುತ್ತಿರುವುದರಿಂದ ಅಲ್ಲಿಗೆ ಹೋಗುತ್ತಿದ್ದಾರೆ.

ಕಾರ್ಮಿಕರಿಗೆ ರೈಲು ಪ್ರಯಾಣ ದರ ನೀಡಲು ಗುತ್ತಿಗೆದಾರರು ಸಿದ್ಧರಿದ್ದರೂ ಕಾರ್ಮಿಕರು ಇತ್ತ ಸುಳಿಯುತ್ತಿಲ್ಲ ಎನ್ನಲಾಗಿದೆ.

ಇನ್ನೆರಡು ತಿಂಗಳೊಳಗೆ ಜಾರ್ಖಂಡ್, ಒಡಿಶಾ, ಪಶ್ಚಿಮ ಬಂಗಾಳ (West Bengal) ಮತ್ತು ಬಿಹಾರದಿಂದ ಕಾರ್ಮಿಕರು ಬಂದರೆ ಕೆಲಸ ಸುಗಮವಾಗಲಿದೆ. ಇಲ್ಲದಿದ್ದರೆ, ಎಲ್ಲಾ ಕಾಮಗಾರಿಗಳು ಕುಂಠಿತವಾಗುವ ಎಲ್ಲ ಲಕ್ಷಣಗಳಿವೆ.

• ರಶ್ಮಿತಾ ಅನೀಶ್