Nanded : ನಾನು ನಡೆದುಕೊಂಡು ಹೋಗಿದ್ದೆ, ಆದರೆ ಆರ್ಎಸ್ಎಸ್ನ ನಾಯಕರೊಬ್ಬರು(Rahul Gandhi Slams RSS) ಹೆಲಿಕಾಪ್ಟರ್ನಲ್ಲಿ ಬಂದಿದ್ದರು ಎಂದು ತಮ್ಮ ಕೇದಾರನಾಥ್ ಭೇಟಿಯ ಕೆಲ ಅಚ್ಚರಿಯ ಸಂಗತಿಗಳನ್ನು ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಹೇಳಿದ್ದಾರೆ.

ಮಹಾರಾಷ್ಟ್ರದ ನಾಂದೇಡ್ನಲ್ಲಿ ಸಾರ್ವಜನಿಕ ರ್ಯಾಲಿಯನ್ನು(Rahul Gandhi Slams RSS) ಉದ್ದೇಶಿಸಿ ಮಾತನಾಡಿದ ಅವರು,

ಕೇದಾರನಾಥಕ್ಕೆ(Kedarnath) ಭೇಟಿ ನೀಡಿದ ವೇಳೆ ಆರ್ಎಸ್ಎಸ್ ಮುಖಂಡರೊಬ್ಬರನ್ನು ಭೇಟಿಯಾದ ಸಂದರ್ಭದ ಕುರಿತ ಘಟನೆಯೊಂದನ್ನು ವಿವರಿಸಿದರು.  “ನಾನು ಕೇದಾರಕ್ಕೆ ಭೇಟಿ ನೀಡಲು ನಿರ್ಧರಿಸಿದೆ.

ನಾನು ಜಗತ್ತಿನ ಶ್ರೇಷ್ಠ ತಪಸ್ವಿಯನ್ನು ಭೇಟಿ ಮಾಡಲು ಹೋಗುತ್ತಿದ್ದೇನೆ ಮತ್ತು ನಾನು 15-16 ಕಿಮೀ ನಡೆಯುವ ತಪಸ್ಸನ್ನು ಮಾಡಬೇಕೆಂದು ನಿರ್ಧರಿಸಿ, ನಡೆದುಕೊಂಡೆ ಕೇದಾರನಾಥ್ ತಲುಪಿದೆ. ಅಲ್ಲಿ ಆಕಸ್ಮಿಕವಾಗಿ ನನಗೆ ಆರ್ಎಸ್ಎಸ್ ಮುಖಂಡರೊಬ್ಬರು ಭೇಟಿಯಾದರು.

ಇದನ್ನೂ ಓದಿ : https://vijayatimes.com/elephants-drunk-country-liqour/

ಅವರು ನಾನು ಹೇಗೆ ಬಂದೆ ಎಂದು ನನ್ನನ್ನು ಕೇಳಿದರು, ನಾನು ನಡೆದುಕೊಂಡು ಬಂದಿದ್ದೇನೆ ಎಂದು ನಾನು ಹೇಳಿದೆ. ಆದರೆ ಅವರು ನಾನು ಚಾಪರ್ನನಲ್ಲಿ ಹಾರಿ ಬಂದಿದ್ದೇನೆ ಎಂದು ನನಗೆ ಹೇಳಿದರು” ಎಂದು ರಾಹುಲ್ ಗಾಂಧಿ ಹೇಳಿದರು.

ಇದೇ ಕಾಂಗ್ರೆಸ್ ಮತ್ತು ಆರೆಸ್ಸೆಸ್ ನಡುವಿನ ವ್ಯತ್ಯಾಸ. ಗಾಂಧಿ ಮತ್ತು ಸಾವರ್ಕರ್ ನಡುವಿನ ವ್ಯತ್ಯಾಸ.

ನಾವು ಸುಮ್ಮನೆ ಮಾತನಾಡುವುದಿಲ್ಲ. ನಾವು ಮಾತಿನಂತೆ ನಡೆದುಕೊಳ್ಳುತ್ತೇವೆ ಎಂದು ರಾಹುಲ್ ಗಾಂಧಿ ಅವರು ತಮ್ಮ ಕೇದಾರನಾಥ ಭೇಟಿ ಮತ್ತು ಆರ್ಎಸ್ಎಸ್ ನಾಯಕನೊಂದಿಗಿನ ಆಕಸ್ಮಿಕ ಭೇಟಿಯನ್ನು ವಿವರಿಸುವಾಗ ಆರ್ಎಸ್ಎಸ್ ವಿರುದ್ದ ವಾಗ್ದಾಳಿ ನಡೆಸಿದರು.

ಆದರೆ ಅವರು ಆರ್ಎಸ್ಎಸ್ ನಾಯಕರ ಹೆಸರನ್ನು ಬಹಿರಂಗಪಡಿಸಲಿಲ್ಲ.

“ಪೂಜೆಯ ನಂತರ ನಾನು, “ ಸ್ವಾಮಿಯಿಂದ ಏನು ಕೇಳಿದೆ?” ಎಂದು ಅವರನ್ನು ಕೇಳಿದೆ. ಆಗ ಅವರು “ರಾಹುಲ್, ಮೈನೆ ಸೆಹತ್ (ಆರೋಗ್ಯ) ಮಾಂಗಿ” ಎಂದು ಹೇಳಿದರು.

ಆದರೆ ನಡೆದುಕೊಂಡು ಬಂದಿದ್ದರೆ ಅವನಿಗೆ “ಸೇಹತ್” ಸಿಗುತ್ತದೆ ಎಂದು ನಾನು ಭಾವಿಸಿದೆ, ಆದರೆ ನಾನು ಇದನ್ನು ಅವರಿಗೆ ಹೇಳಲಿಲ್ಲ.

ಇದನ್ನೂ ಓದಿ : https://vijayatimes.com/the-vaccine-war/

ಏಕೆಂದರೆ ನಮ್ಮ ಮಾರ್ಗಗಳು ವಿಭಿನ್ನವಾಗಿವೆ ಎಂದು ಅವರು ಇದನ್ನು ಅರಿತುಕೊಂಡಿಲ್ಲ. ಆದರೆ ನಾನು ನಿಮಗೆ ಹೇಳುತ್ತಿದ್ದೇನೆ ನಾನು ಏನನ್ನೂ ಕೇಳಲಿಲ್ಲ.

ನಾನು ನನ್ನ ಕೈಗಳನ್ನು ಮಡಚಿ ನನಗೆ ಮಾರ್ಗವನ್ನು ತೋರಿಸಿದ್ದಕ್ಕಾಗಿ ಶಿವನಿಗೆ ಧನ್ಯವಾದ ಹೇಳಿದ್ದೇನೆ” ಎಂದು ರಾಹುಲ್ ಗಾಂಧಿ ಹೇಳಿದರು.

• ಮಹೇಶ್.ಪಿ.ಎಚ್