ರಾಷ್ಟ್ರಗೀತೆಯನ್ನು ತಪ್ಪಾಗಿ ಹಾಡಿದ ಬಿಹಾರ ರಾಜ್ಯದ ಸಚಿವ

ಬಿಹಾರ, ನ. 18: ರಾಜ್ಯದ ಶಿಕ್ಷಣ ಸಚಿವ ಮೆವಾಲಾಲ್​​ ಚೌಧರಿ ರಾಷ್ಟ್ರಗೀತೆಯನ್ನು ತಪ್ಪಾಗಿ ಹಾಡುವ ಮೂಲಕ ನೆಟ್ಟಿಗರಿಂದ ವ್ಯಾಪಕ ಟೀಕೆಗೆ ಗುರಿಯಾಗಿದ್ದಾರೆ.

ಇದು ಹಳೆಯ ವಿಡಿಯೋವಾಗಿದ್ದು, ಮೆವಾಲಾಲ್​ ಚೌಧರಿ ಜನಗಣ ಮನವನ್ನ ತಪ್ಪುತಪ್ಪಾಗಿ ಹಾಡಿದ್ದಾರೆ. ಈ ವಿಡಿಯೋ ಪೋಸ್ಟ್ ಮಾಡಿರುವ ಆರ್​ಜೆಡಿ, 7 ಭ್ರಷ್ಟಾಚಾರ ಪ್ರಕರಣಗಳ ಆರೋಪ ಹೊತ್ತಿರುವ ಮೆವಾಲಾಲ್​ಗೆ ರಾಷ್ಟ್ರಗೀತೆಯೇ ಗೊತ್ತಿಲ್ಲ. ಇಂತಹ ವ್ಯಕ್ತಿಯನ್ನ ನೀವು ಶಿಕ್ಷಣ ಮಂತ್ರಿಯನ್ನಾಗಿ ಮಾಡೋಕೆ ನಿತೀಶ್​ ಕುಮಾರ್​ ಸರ್ಕಾರಕ್ಕೆ ನಾಚಿಕೆ ಆಗೋದಿಲ್ವಾ ಅಂತಾ ಪ್ರಶ್ನೆ ಮಾಡಿದೆ.

ಪಂಜಾಬ್​ ಸಿಂಧ್​ ಗುಜರಾತಾ ಮರಾಠಾ ಎಂದು ಹೇಳುವ ಬದಲು ಮೆವಾಲಾಲ್​ ಚೌಧರಿ ಪಂಜಾಬ್​ ವಸಂತ್​ ಗುಜರಾತ ಮರಾಠಾ ಎಂದು ಹಾಡಿದ್ದಾರೆ. ಈ ವಿಡಿಯೋ ನೋಡಿದ ನೆಟ್ಟಿಗರು ಶಿಕ್ಷಣ ಮಂತ್ರಿಯೇ ಈ ತಪ್ಪನ್ನ ಮಾಡಿದ್ರೆ ಇನ್ನು ಮಕ್ಕಳ ಕತೆ ಏನು ಅಂತಾ ಪ್ರಶ್ನೆ ಮಾಡಿದ್ದಾರೆ.