ಯುದ್ಧದ ಮುನ್ಸೂಚನೆ ಮೊದಲೇ ಸಿಕ್ಕಿತ್ತು? ರಷ್ಯಾ ಹಾಗೂ ಉಕ್ರೇನ್ ನಡುವಿನ ಸಮರದ ಸೂಚನೆ ಎಲ್ಲರಿಗೂ ಇತ್ತು. ಉಕ್ರೇನ್‌ನ ಕಾರ್ಕೀವ್ ಮೇಲೆ ದಾಳಿ ಮಾಡಲಾಗುತ್ತೆ, ಹಾಗಾಗಿ ಕಾರ್ಕೀವ್ ನಲ್ಲಿ ನೆಲೆಸಿರುವಂತ ಎಲ್ಲಾ ಜನರನ್ನು ತಕ್ಷಣವೇ ಸ್ತಳಾಂತರಿಸಬೇಕು ಅಂತ ಹೇಳಿತ್ತು. ಆದರೆ ರಷ್ಯಾದ ಎಚ್ಚರಿಕೆಯನ್ನು ನಿರ್ಲಕ್ಷಿಸಿದ್ದೇ ಈ ಎಲ್ಲಾ ಅನಾಹುತಕ್ಕೆ ಕಾರಣವಾಗಿದೆ. ರಷ್ಯಾದ ಭೀಕರ ದಾಳಿಗೆ ತುತ್ತಾದ ಕಾರ್ಕೀವ್‌ನಲ್ಲಿ ನೂರಾರು ಭಾರತೀಯರು ಸಿಲುಕಿಕೊಂಡಿದ್ದಾರೆ. ನಮ್ಮ ಸರ್ಕಾರ ಗಡಿ ಭಾಗಗಳಿಗೆ ತಲುಪುವ ಮತ್ತು ಯುಕ್ರೇನ್ ನ ಪೂರ್ವ ಭಾಗಗಳಲ್ಲಿ ಇರುವಂಥ ಭಾರತೀಯರನ್ನ ಮಾತ್ರ ಕರೆದು ತರುವ ಪ್ರಯತ್ನ ಮಾಡುತ್ತಿದೆ. ಆದ್ರೆ ಅತೀ ಹೆಚ್ಚು ಹಾನಿಗೊಳಗಾಗಿರುವ ಕಾರ್ಕಿವ್‌ನಲ್ಲಿ ಸಿಲುಕಿರುವ ಭಾರತೀಯರ ಗತಿ ಏನು ?

          ಒಂದು ದೇಶ ಇನ್ನೊಂದು ದೇಶದ ಮೇಲೆ ಯುದ್ಧ ಸಾರುತ್ತೆ ಅಂದ ಮೇಲೆ ಅದು ಜನಸಾಮಾನ್ಯರಿಗೆ ಗೊತ್ತಾಗದೇ ಇರಬಹುದು, ಆದ್ರೆ ಒಂದು ದೇಶದ ಆಡಳಿತ ಚುಕ್ಕಾಣಿ ಹಿಡಿದಿರುವ ಸರ್ಕಾರಕ್ಕೆ ಯುದ್ಧದ ಮಾಹಿತಿ ಮೊದಲೇ ತಿಳಿದಿರಲ್ವಾ. ಅಲ್ಲದೆ ರಷ್ಯಾ ಭಾರತಕ್ಕೆ ಮಿತ್ರ ರಾಷ್ಟ್ರ. ಹೀಗಿರುವಾಗ ನಮ್ಮ ಸರ್ಕಾರ ಯುದ್ಧ ಆರಂಭಕ್ಕೆ ಮುನ್ನವೇ ತನ್ನ ನಾಗರೀಕರನ್ನು ಸುರಕ್ಷಿತವಾಗಿ ತಾಯ್ನಾಡಿಗೆ ಕರೆತರಲಿಲ್ಲಾ ಯಾಕೆ? ಈ ಪ್ರಶ್ನೆ ಈಗ ಪ್ರತಿಯೊಬ್ಬರನ್ನು ಕಾಡುತ್ತಿದೆ.

ಚುನಾವಣೆ ಗುಂಗಲ್ಲಿ ಎಲ್ಲವೂ ಮರೆತು ಹೋಯ್ತಾ? : ದೇಶದಲ್ಲಿ ಪಂಚರಾಜ್ಯಗಳ ಚುನಾವಣೆ ನಡೀತಿದೆ. ಇಲ್ಲಿ ಆಡಳಿತ ಚುಕ್ಕಾಣಿ ಹಿಡಿಯುವ ಹಪಾಹಪಿಯಲ್ಲಿರುವ ಬಿಜೆಪಿ, ರಷ್ಯಾ-ಉಕ್ರೇನ್ ಯುದ್ಧ ಪರಿಸ್ಥಿತಿಯನ್ನು ನಿರ್ಲಕ್ಷಿಸಿರೋದು ಇಲ್ಲಿ ಸ್ಪಷ್ಟವಾಗಿ ಗೋಚರವಾಗುತ್ತೆ.

ರಕ್ಷಣೆಗೆ ಕಾಯ್ತಿದ್ದಾರೆ 14,000 ಭಾರತೀಯರು : ರಷ್ಯಾ-ಉಕ್ರೇನ್ ಯುದ್ಧ ಆರಂಭವಾಗಿ ಏಳುದಿನಗಳೇ ಕಳೆದಿವೆ. ಯುದ್ಧದ ನಂತರ ಅಲ್ಲಿನ ವಿದ್ಯಾರ್ಥಿಗಳು ಹಾಗೂ ಇತರರು ರಕ್ಷಣೆಗಾಗಿ ಗೋಗರೆದುಕೊಂಡಾಗ ಥಟ್ಟನೆ ಎದ್ದು ಕೂತ ಕೇಂದ್ರ ಸರ್ಕಾರ ಭಾರತೀಯರ ರಕ್ಷಣೆಗೆ ‘ಆಪರೇಷನ್ ಗಂಗಾ’ ಹೆಸರಿನಲ್ಲಿ ಆರು ವಿವಾನಗಳ ಮೂಲಕ 2000 ಭಾರತೀಯರನ್ನು ರಕ್ಷಿಸಲಾಗಿದೆ. ಆದ್ರೆ ಇನ್ನುಳಿದ ಭಾರತೀಯರ ಗತಿ ಏನು?