Mumbai : ಬಾಲಿವುಡ್ (Bollywood) ನಟಿ ಪ್ರಿಯಾಂಕಾ ಚೋಪ್ರಾ (Priyanka Chopra) ಅವರು ಸಿಟಾಡೆಲ್ ಎಂಬ ಸಿರೀಸ್ನಲ್ಲಿ ನಟಿಸಿದ್ದಕ್ಕಾಗಿ ನಾಯಕ ಪಡೆದ ಸಂಭಾವನೆ (salary received by priyanka in citadel) ಮೊತ್ತವನ್ನೇ ತಾವು ಕೂಡ ಪಡೆದುಕೊಂಡಿದ್ದಾರೆ.
ಇದನ್ನು ಉಲ್ಲೇಖಿಸಿ ಮಾತನಾಡಿದ ಅವರು, ಕಳೆದ 22 ವರ್ಷಗಳಲ್ಲಿ ಇದೇ ಮೊದಲ ಬಾರಿಗೆ ನಾನು ಸಮಾನ ವೇತನವನ್ನು ಪಡೆದುಕೊಂಡಿದ್ದೇನೆ ಎಂದು ಹೇಳಿದ್ದಾರೆ.
ನಟಿ ಪ್ರಿಯಾಂಕಾ ಚೋಪ್ರಾ, ಸಿಟಾಡೆಲ್ ಎಂಬ ಸಿರೀಸ್ ನಲ್ಲಿ ನಾಯಕ ರಿಚರ್ಡ್ ಮ್ಯಾಡೆನ್ ಅವರಿಗೆ ನಾಯಕಿಯಾಗಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.
ಶುಕ್ರವಾರ ಸೌತ್ವೆಸ್ಟ್ ಫಿಲ್ಮ್ ಫೆಸ್ಟಿವಲ್ (SXSW 2023) ನಲ್ಲಿ ಅಮೆಜಾನ್ ಸ್ಟುಡಿಯೋಸ್ ಮುಖ್ಯಸ್ಥ ಜೆನ್ನಿಫರ್ ಸಾಲ್ಕೆ (Jennifer Salke) ಅವರೊಂದಿಗೆ ನಡೆದ ಸಂದರ್ಶನದಲ್ಲಿ ಮಾತನಾಡಿದ ನಟಿ ಪ್ರಿಯಾಂಕಾ ಚೋಪ್ರಾ,
ರಿಚರ್ಡ್ ಮ್ಯಾಡೆನ್ ಅವರೊಂದಿಗೆ ಅಭಿನಯಿಸಿದ್ದು, ಖುಷಿ ತಂದಿದೆ. ತನ್ನ ರುಸ್ಸೋ ಬ್ರದರ್ಸ್ ಆಕ್ಷನ್ ಡ್ರಾಮಾ ಸಿಟಾಡೆಲ್ ಸಿರೀಸ್ ಇದೇ ಮೊದಲ ಬಾರಿಗೆ ಸಮಾನತೆಯನ್ನು ತಂದುಕೊಟ್ಟಿದೆ ಎಂದು ಹೇಳಿದರು.
ನಟಿ ಪ್ರಿಯಾಂಕಾ ಚೋಪ್ರಾ ಅವರು ವಿಶ್ವ ಸುಂದರಿ 2000 ಕಿರೀಟವನ್ನು ಗೆದ್ದ ನಂತರ, ಅವರು ಬಾಲಿವುಡ್ ಅಂಗಳಕ್ಕೆ ಕಾಲಿಟ್ಟರು.
ಇದನ್ನೂ ಓದಿ : https://vijayatimes.com/indian-premier-league-2023/
ತದನಂತರ ಅನೇಕ ಹಿಟ್ ಸಿನಿಮಾಗಳು ನೀಡಿದ ಪ್ರಿಯಾಂಕಾ ಚೋಪ್ರಾ, ಬಾಲಿವುಡ್ ಮಂದಿಯನ್ನು ಬ್ಯಾಕ್ ಟು ಬ್ಯಾಕ್ ಮನರಂಜಿಸಿದರು.
೨೦೦೨ ರಲ್ಲಿ ತಮಿಳು ಚಿತ್ರರಂಗಕ್ಕೆ ತಮಿಝನ್ ಚಿತ್ರದಲ್ಲಿ ನಟಿಸುವ ಮುಖೇನ ಪಾದಾರ್ಪಣೆ ಮಾಡಿದರು.
ಸದ್ಯ ನಟಿ ಪ್ರಿಯಾಂಕಾ ಚೋಪ್ರಾ ಅವರು ಮದುವೆಯಾದ ನಂತರ ಹೆಚ್ಚಾಗಿ ಸಿನಿಮಾಗಳಲ್ಲಿ (salary received by priyanka in citadel) ಕಾಣಿಸಿಕೊಳ್ಳದೆ ಇದ್ದರು,
ಅನೇಕ ಕಾರ್ಯಕ್ರಮಗಳಲ್ಲಿ ಮತ್ತು ಮಾಧ್ಯಮ ಸಂದರ್ಶನದಲ್ಲಿ ತಮ್ಮ ಪತಿ ನಿಕ್ ಅವರೊಂದಿಗೆ ಕಾಣಿಸಿಕೊಳ್ಳುತ್ತಾರೆ.
ಇದೀಗ ಏಪ್ರಿಲ್ ತಿಂಗಳಲ್ಲಿ ಅಮೇಜಾನ್ ಪ್ರೈಮ್ (Amazon Prime) ಓಟಿಟಿ ವೇದಿಕೆಯಲ್ಲಿ ಬಿಡುಗಡೆಯಾಗಲಿರುವ ಸಿಟಾಡೆಲ್ ಸಿರೀಸ್ನಲ್ಲಿ ರಿಚರ್ಡ್ ಮ್ಯಾಡೆನ್ ಜೊತೆಗೆ ಪ್ರಿಯಾಂಕಾ ಅವರು ಅಭಿನಯಿಸಿದ್ದಾರೆ.
ಈ ಸಿರೀಸ್ ಅನ್ನು ನೋಡಲು ಅವರ ಅಭಿಮಾನಿಗಳು ಕಾತುರದಿಂದ ಕಾಯುತ್ತಿದ್ದಾರೆ.
ಇದನ್ನೂ ಓದಿ : https://vijayatimes.com/naresh-and-pavitralokesh-marriage/
ಸಂದರ್ಶನದಲ್ಲಿ ಮನಬಿಚ್ಚಿ ಮಾತನಾಡಿದ ನಟಿ ಪ್ರಿಯಾಂಕಾ, ಇದನ್ನು ಹೇಳುವ ಮೂಲಕ ನಾನು ತೊಂದರೆಗೆ ಸಿಲುಕಬಹುದು, ಯಾರು ನೋಡುತ್ತಿದ್ದಾರೆ ಎಂಬುದರ ಮೇಲೆ ಅವಲಂಬಿತವಾಗಿರುತ್ತದೆ.
ನಾನು ಈಗ 22 ವರ್ಷಗಳಿಂದ ಮನರಂಜನಾ ಉದ್ಯಮದಲ್ಲಿ ಕೆಲಸ ಮಾಡುತ್ತಿದ್ದೇನೆ ಮತ್ತು ನಾನು ಸುಮಾರು 70ಕ್ಕೂ ಅಧಿಕ ಸಿನಿಮಾಗಳು ಮತ್ತು ಎರಡು ಟಿವಿ ಶೋಗಳನ್ನು ಮಾಡಿದ್ದೇನೆ.
ಆದರೆ ನಾನು ಸಿಟಾಡೆಲ್ ಮಾಡಿದಾಗ, ನಾನು ನನ್ನ ವೃತ್ತಿಜೀವನದಲ್ಲಿ ಮೊದಲ ಬಾರಿಗೆ ಸಮಾನತೆಯನ್ನು ಪಡೆದಿದ್ದೇನೆ ಎಂದು ಅನಿಸಿತು.
ನಾನು ಈ ಬಗ್ಗೆ ಸಂತಸ ಪಡ್ತೀನಿ ಎಂದು ಹೇಳಿದ್ದಾರೆ. ನಟಿ ಪ್ರಿಯಾಂಕಾ ಅವರ ಈ ಹೇಳಿಕೆಗೆ ಅನೇಕ ನೆಟ್ಟಿಗರು ಬೆಂಬಲ ಸೂಚಿಸಿದ್ದಾರೆ. ಅವರೊಟ್ಟಿಗೆ ಕೆಲವರು ಕಮೆಂಟ್ ಸೆಕ್ಷನ್ ನಲ್ಲಿ ನಟಿಯ ಕಾಲೆಳೆಯುವ ಪ್ರಯತ್ನ ಮಾಡಿದ್ದಾರೆ.