ಶ್ರೀಲಂಕಾ (Srilanka) ವಿರುದ್ಧದ ಪಂದ್ಯದಲ್ಲಿ ಗಾಯಗೊಂಡಿದ್ದ ಬಾಂಗ್ಲಾದೇಶದ (Shakib out from World Cup) ನಾಯಕ ಶಕೀಬ್ ಅಲ್ ಹಸನ್ ಇದೀಗ ಪಂದ್ಯಾವಳಿಯಿಂದ ಹೊರಗುಳಿದಿದ್ದು,
ಇನ್ನೊಂದು ಪಂದ್ಯ ಬಾಕಿ ಇರುವಂತೆಯೇ 2023ರ ವಿಶ್ವಕಪ್ನಿಂದ (Shakib out from World Cup) ಹೊರಬಿದಿದ್ದಾರೆ.
ದೆಹಲಿಯಲ್ಲಿ ನಡೆದ ಪಂದ್ಯದ ನಂತರ ಅವರ ಬೆರಳನ್ನು ಎಕ್ಸ್ ರೇ ಮಾಡಲಾಗಿದ್ದು, ಶಕೀಬ್ (Shakib) ಅವರ ಬೆರಳಿಗೆ ಗಾಯವಾಗಿದೆ ಎಂದು ಬಾಂಗ್ಲಾದೇಶ ತಂಡದ ಫಿಸಿಯೋ ತಿಳಿಸಿದ್ದಾರೆ. ಅದರಲ್ಲಿ ಮೂಳೆ
ಮುರಿತ ಕಂಡುಬಂದಿದ್ದು, ಈ ಗಾಯದಿಂದಾಗಿ ಶಕೀಬ್ ಬಾಂಗ್ಲಾದೇಶದ ಕೊನೆಯ ಲೀಗ್ ಪಂದ್ಯದಲ್ಲಿ ಆಡುವಂತಿಲ್ಲ ಎಂದು ತಿಳಿಸಿದ್ದಾರೆ.
ಬಾಂಗ್ಲಾದೇಶ ತನ್ನ ಕೊನೆಯ ಲೀಗ್ (League) ಪಂದ್ಯವನ್ನು ನವೆಂಬರ್ 11 ರಂದು ಆಸ್ಟ್ರೇಲಿಯಾ (Australia) ವಿರುದ್ಧ ಆಡಬೇಕಾಗಿದ್ದು, ವಿವಾದದಲ್ಲಿ ಶಕೀಬ್ ನಾಯಕ ಮತ್ತು ಆಟಗಾರನಾಗಿ ಶಕೀಬ್
ಅಲ್ ಹಸನ್‌ಗೆ ಈ ಪಂದ್ಯಾವಳಿ ಹೆಚ್ಚು ಯಶಸ್ಸು ನೀಡಲಿಲ್ಲ. ಶ್ರೀಲಂಕಾ ವಿರುದ್ಧದ ಪಂದ್ಯದಲ್ಲಿ ಶಕೀಬ್ ತೆಗೆದುಕೊಂಡ ಅದೊಂದು ನಿರ್ಧಾರ ವಿಶ್ವ ಕ್ರಿಕೆಟ್ನಲ್ಲಿ ಸಾಕಷ್ಟು ಚರ್ಚೆ ಹುಟ್ಟಿಹಾಕಿತ್ತು.
ವಾಸ್ತವವಾಗಿ ದೆಹಲಿಯಲ್ಲಿ ನಡೆದ ಪಂದ್ಯದಲ್ಲಿ ಶಕೀಬ್ ಅಲ್ ಹಸನ್ (Shakib Ai Hasan) ಶ್ರೀಲಂಕಾ ತಂಡದ ಆಲ್ ರೌಂಡರ್ ಏಂಜೆಲೊ ಮ್ಯಾಥ್ಯೂಸ್ ವಿರುದ್ಧ ಟೈಮ್ ಔಟ್ ಮನವಿ ಮಾಡಿದರು.
ಆ ನಂತರ ಮ್ಯಾಥ್ಯೂಸ್ ಅವರನ್ನು ವಿವಾದಾತ್ಮಕ ರೀತಿಯಲ್ಲಿ ಔಟ್ ಮಾಡಲಾಯಿತು. ಮ್ಯಾಥ್ಯೂಸ್ ಅವರನ್ನು ಟೈಮ್ ಔಟ್ (Time Out) ಮಾಡಿದ ನಂತರ, ಕ್ರಿಕೆಟ್ ತಜ್ಞರು ಮತ್ತು ಅಭಿಮಾನಿಗಳು
ಶಕೀಬ್ ಅವರನ್ನು ಸಾಕಷ್ಟು ಟೀಕೆಗೆ ಗುರಿ ಮಾಡಿದ್ದಾರೆ.
ಪಂದ್ಯ ಗೆಲ್ಲಿಸಿದ ಶಕೀಬ್
ಶಕೀಬ್ ಅಲ್ ಹಸನ್ ಅವರು ಈ ವಿವಾದಾತ್ಮಕ ನಿರ್ಧಾರದ ನಡುವೆಯೂ ಶ್ರೀಲಂಕಾ ವಿರುದ್ಧ ಬಾಂಗ್ಲಾದೇಶವನ್ನು ಗೆಲುವಿನತ್ತ ಮುನ್ನಡೆಸಿದರು. ಬಾಂಗ್ಲಾದೇಶ ಗೆಲುವಿಗೆ 280 ರನ್‌ಗಳ ಅಗತ್ಯವಿದ್ದು,
ನಾಯಕ ಶಕೀಬ್ 65 ಎಸೆತಗಳಲ್ಲಿ 82 ರನ್‌ಗಳ ತ್ವರಿತ ಇನ್ನಿಂಗ್ಸ್‌ನೊಂದಿಗೆ (Innings) ತಂಡವನ್ನು ಗೆಲುವಿನತ್ತ ಕೊಂಡೊಯ್ದರು. ಆದರೆ ಈ ಪಂದ್ಯದ ವೇಳೆ ಬೆರಳಿಗೆ ಗಾಯವಾಗಿದ್ದು, ರಾತ್ರಿ ಪಂದ್ಯ
ಮುಗಿದ ಬಳಿಕ ಬೆರಳನ್ನು ಪರೀಕ್ಷಿಸಿದಾಗ ಮೂಳೆ ಮುರಿತವಾಗಿರುವುದು ಕಂಡು ಬಂದಿದೆ. ಈಗ ಶಕೀಬ್ ಅಲ್ ಹಸನ್ 4 ರಿಂದ 6 ವಾರಗಳ ಕಾಲ ಆಡಲು ಸಾಧ್ಯವಾಗುವುದಿಲ್ಲ.
ಇದನ್ನು ಓದಿ: ಗಾಜಾ ಮೇಲಿನ ದಾಳಿ ನಿಲ್ಲಿಸಲು ನಿಮ್ಮ ಸಾಮರ್ಥ್ಯ ಬಳಸಿ: ಮೋದಿಗೆ ಇರಾನ್ ಅಧ್ಯಕ್ಷ ಮನವಿ
- ಭವ್ಯಶ್ರೀ ಆರ್ . ಜೆ