ಮನೆಯೇ ಮಂತ್ರಾಲಯ ಮನಸೇ ದೇವಾಲಯ ಎಂಬ ಹಾಡು ಬಹಳ ಜನಪ್ರಿಯವಾಗಿತ್ತು, ಇದು ಮನೆ ಮತ್ತು ಮನಸ್ಸಿನ ಪ್ರಾಮುಖ್ಯತೆ ಕುರಿತು ಹೇಳಲಾಗಿತ್ತು. ಮನಸ್ಸು ಸಮಾಧಾನದಿಂದ ಇರಬೇಕಾದರೆ ಮನೆ ಸೊಗಸಾಗಿರಬೇಕು. ಮನೆ ಶುಚಿಯಾಗಿಡುವುದು ಆತ್ಮವಿಶ್ವಾಸ, ಆರೋಗ್ಯ (Health) ರಕ್ಷಣೆಯಲ್ಲಿ ಮೊದಲ ಆಧ್ಯತೆಯಾಗಬೇಕು.
ಮನೆ ವಿಚಾರಕ್ಕೆ ಬಂದರೆ, ನಮ್ಮದೇ ಸೋಗಲಾಡಿತನದಿಂದ ಮನೆಯ ಸ್ವಚ್ಛತೆಯನ್ನು ಮರೆತು ಕಾಯಿಲೆಗಳಿಗೆ ದಾರಿಮಾಡಿಕೊಡುತ್ತಿದ್ದೇವೆ. ಮನೆ ಮನಸ್ಸು ಚೆನ್ನಾಗಿದ್ದರೆ ಪಾಸಿಟಿವ್ ವೈಬ್ಸ್ (Positive Vibes) ಇದ್ದೇ ಇರುತ್ತದೆ. ಮನೆಯಲ್ಲಿ ಮುಖ್ಯವಾಗಿ ಸ್ವಚ್ಚವಾಗಿರಬೇಕಾದ ಕೆಲವು ಸ್ಥಳಗಳಿವೆ, ಯಾವುದೇ ಕಾರಣಕದಕೂ ಇಲ್ಲಿ ಅಶುಚಿತ್ವ ಇರದಂತೆ ನೊಡಿಕೊಳ್ಳಿ, ಮನೆಯ ಸ್ವಚ್ಚತೆಯೇ ಮನೆಗೆ ಭೂಷಣ ಎಂಬುದನ್ನು ನೆನಪಿಡಿ.
ಮನೆಯ ಸದಸ್ಯರೆಲ್ಲರೂ ಬಳಸುವ ಬಾತ್ರೂಮ್ ರೋಗಾಣುಗಳ ಗುಂಪೇ ಇರುತ್ತದೆ, ಇಲ್ಲಿನ ಕಿಟಕಿ, ಬಾಗಿಲು, ಎಲ್ಲವನ್ನೂ ಸ್ವಚ್ಚವಾಗಿಡಿ, ಜಪಾನಿನಲ್ಲಿ ಇದು ಪ್ರಮುಖ ಅಬ್ಯಾಸಗಳಲ್ಲಿ ಒಂದು, ಅವರು ನಿತ್ಯವೂ ಬಾತ್ರೂಮ್ ಸ್ವಚ್ಚಗೊಳಿಸುತ್ತಾರೆ. ಮನೆಯ ಆರೋಗ್ಯ ಕೇಂದ್ರ ಅಂದ್ರೆ ಅದು ಅಡುಗೆಮನೆ, ಕಿಚನ್ ಕ್ಲೀನ್ (Kitchen Clean) ಆಗಿಲ್ಲ ಅಂದರೆ ಯಾವುದೇ ಕೆಲಸವೂ ಸುಲಲಿತವಾಗಿ ಆಗುವುದಿಲ್ಲ, ಕಿಚನ್ ಸಿಂಕ್ ಪಾತ್ರ ತೊಳೆಯುವ ಸ್ಥಳದಲ್ಲಿ ಅಡುಗೆ ತ್ಯಾಜ್ಯಗಳು ಬಿದ್ದಿರುತ್ತದೆ, ಹೀಗಾಗಿ ಯಾವುದೇ ಕಾರಣಕ್ಕೂ ಹೆಚ್ಚ ದಿನ ಬಿಡುವಂತಿಲ್ಲ, ಆಗಿಂದಾಗ್ಗೆ ಸ್ವಚ್ಚಗೊಳಿಸುವುದು ಮುಖ್ಯ.
ಮನೆಯ ಸ್ವಿಚ್ ಬೋರ್ಡ್ಗಳು (Switch Boards), ಡೋರ್ ಹ್ಯಾಂಡಲ್ಗಳ ಸ್ವಚ್ಚತೆಗೆ ಇರಲಿ ಆಧ್ಯತೆ, ಪ್ರತಿದಿನವೂ ಪ್ರತಿಯೊಬ್ಬರು ಬಳಸುವ ಇವುಗಳಲ್ಲಿ ರೋಗಾಣುಗಳು ಕಾದು ಕುಳಿತಿರುತ್ತದೆ, ಗಮನ ಹರಿಸದಿದ್ದರೆ ಕಾಯಿಲೆಗಳಿಗೆ ಆಹ್ವಾನ ನೀಡಿದಂತೆ. ಮನೆಯಲ್ಲಿರುವ ರೆಫ್ರಿಜರೇಟರ್ (Refrigerator) ಕೂಡ ಆಗಿದಾಂಗ್ಗೆ ಸ್ವಚ್ಚಗೊಳಿಸಬೇಕಾಗಿರುತ್ತದೆ.
ಸ್ವಚ್ಚತೆಗೆ ಗಮನಕೊಡಲು ಸುಲಭವಾಗಿ ದಿನವನ್ನು ಗೊತ್ತುಮಾಡಿ, ಆಯಾ ದಿನ ಕೆಲ ನಿರ್ದಿಷ್ಟ ಸ್ಥಳಗಳ ಸ್ವಚ್ಚತೆ ಮಾಡಿಕೊಂಡಿದ್ದರೆ ವಾರದಲ್ಲಿ ಎಲ್ಲವೂ ಸ್ವಚ್ಚವಾಗಿ ಮನೆ ಸ್ವಿಟ್ ಹೋಮ್ (Sweet Home) ಆಗಿರುತ್ತದೆ.