Visit Channel

ಕೇವಲ 1 ರೂ.ಗೆ ಹೊಟ್ಟೆ ತುಂಬಾ ಶುಚಿ-ರುಚಿಯಾದ ಊಟ ನೀಡುವ ಕೆ.ಬಿ.ಎಲ್ ಕ್ಯಾಂಟೀನ್ ; ಇದು ಎಲ್ಲಿದೆ ಗೊತ್ತಾ?

KBL Canteen

ಪ್ರಸ್ತುತ ಭಾರತದಲ್ಲಿ ಒಂದು ರೂಪಾಯಿ ನಾಣ್ಯ(One Rupee Coin) ಕಾಣಸಿಗುವುದೇ ಅಪರೂಪವಾಗಿದೆ. ಅದರಲ್ಲೂ ಆನ್ಲೈನ್ ಪೇಮೆಂಟ್(Online Payment Service) ಸೇವೆಗಳು ಬಂದ ನಂತರವಂತೂ ಒಂದು ರೂಪಾಯಿ ನಾಣ್ಯ ಕಾಣಿಸಿಗುವುದು ಅಪರೂದಲ್ಲಿಯೇ ಅಪರೂಪ. ಒಂದು ರುಪಾಯಿಗೆ ಏನು ಸಿಗುತ್ತೆ ಎಂದು ಕೇಳುವ ಈಗಿನ ಮಂದಿಗೆ, ಒಂದು ಕಾಲದಲ್ಲಿ 25 ಪೈಸೆಗೊಂದರಂತೆ, 1 ರೂ.ಗೆ ನಾಲ್ಕು ಚಾಕಲೇಟ್ ಸಿಗುತ್ತಿದ್ದರ ಬಗ್ಗೆ ಹೇಳಿದರೆ ಆಶ್ಚರ್ಯವೆನಿಸಬಹುದು. ಆದರೆ, ಒಂದು ರೂಪಾಯಿ ನಾಣ್ಯದ ಸರಿಯಾದ ಬೆಲೆ ತಿಳಿಯದವರ ಮಧ್ಯೆ ಒಂದು ಹೊತ್ತಿನ ಹಸಿವನ್ನು ನೀಗಿಸಲು ಸಾಧ್ಯವಾ? ಎಂಬ ಪ್ರಶ್ನೆಗೆ ಉತ್ತರ ಇಲ್ಲಿದೆ.

ನಮಗೆ ರಾಜ್ಯ ರಾಜಧಾನಿ ಬೆಂಗಳೂರಿನಂತಹ(Bengaluru) ನಗರ ಪ್ರದೇಶದಲ್ಲಿ ಒಂದು ರೂಪಾಯಿ ನಾಣ್ಯಕ್ಕೆ ತುಂಬ ಬೆಲೆಯಿದೆ ಎಂದು ಹೇಳಿದ್ರೆ ಖಂಡಿತ ಆಶ್ಚರ್ಯವೆನಿಸಬಹುದು. ಬೆಳೆಯುತ್ತಿರುವ ಬೆಂಗಳೂರಿನಂತಹ ನಗರದಲ್ಲಿ ವಸ್ತುಗಳ ಬೆಲೆಯೂ ದುಬಾರಿಯಾಗುತ್ತಿದೆ. ಆದರೆ ಈ ಸಿಲಿಕಾನ್ ಸಿಟಿಯಲ್ಲಿ ಒಂದು ರೂಪಾಯಿ ಇದ್ದರೆ ಸಾಕು ಒಂದು ಹೊತ್ತಿನ ಊಟವನ್ನು ನೀಗಿಸಬಹುದಾದ ಉಪಹಾರದ ಕ್ಯಾಂಟಿನ ಇದೆ. ಇಲ್ಲಿ ಒಂದು ರೂಪಾಯಿ ನೀಡಿದರೆ ಸಾಕು ಹೊಟ್ಟೆ ತುಂಬ ಆಹಾರ ಸಿಗುತ್ತದೆ, ಅದರಲ್ಲೂ ಶುಚಿಯಾದ, ರುಚಿಯಾದ ಆಹಾರವೇ ಸಿಗುತ್ತದೆ.

ಹೌದು, ಒಂದು ಕಾಲದಲ್ಲಿ ಜೇಬಿನಲ್ಲಾಗುವ ನಾಣ್ಯಗಳ ಶಬ್ಧದಿಂದ ಆತನನ್ನು ಶೀಮಂತ ಎಂದು ಪರಿಗಣಿಸಲಾಗುತ್ತಿತ್ತು. ಆದರೀಗ ನೋಟುಗಳದ್ದೇ ಕಾರುಬಾರು, ನಾಣ್ಯಗಳು ಮೂಲೆಗೆ ಸರಿಯುತ್ತಾ ಬಂದಿದೆ. ಇಂತಹ ಸಂದರ್ಭದಲ್ಲಿ ಅಚ್ಚರಿಯ ವಿಚಾರವೆಂದರೆ, ಹರಿನಗರದ, ಅಂಜನಾಪುರದ ಬಳಿ ಕೆ.ಬಿ.ಎಲ್ ಕ್ಯಾಂಟೀನ್ನಲ್ಲಿ(KBL Canteen) ಒಂದು ರೂಪಾಯಿ ನಾಣ್ಯದ ಮೌಲ್ಯವನ್ನು ಅರಿತು ಹಸಿದವರಿಗೆ ಆಹಾರ ನೀಡುತ್ತಿದೆ. ಬೆಂಗಳೂರಿನಂತಹ ನಗರದಲ್ಲಿ ಒಂದು ಹೊತ್ತಿನ ಆಹಾರಕ್ಕೆ ಅದೆಷ್ಟೋ ಜನರು ಕಷ್ಟಪಡುತ್ತಿದ್ದಾರೆ. ಆದರೆ ಅಂಜನಾಪುರದ ಬಳಿ ಇರುವ ಕ್ಯಾಂಟೀನ್ ಮಾಲೀಕರು, ಅವರೆಲ್ಲರ ಹಸಿವನ್ನು ನೀಗಿಸುವ ಕೆಲಸ ಮಾಡುತ್ತಿದೆ.

ಪ್ರಸ್ತುತ ಸಮಾಜದಲ್ಲಿ ಹಸಿವಾದವನಿಗೆ ಆಹಾರ, ನೀರು ಕೊಡಲು ಹಿಂಜರಿಯುತ್ತಾರೆ. ಆದರೆ ಇಲ್ಲಿ ಒಂದು ರೂಪಾಯಿಗೆ ಆಹಾರ ಸಿಗುತ್ತದೆ ಎಂಬ ಸುದ್ದಿ ಕೇಳಿದ್ರೆ ಅಚ್ಚರಿಯಲ್ಲದೆ ಮತ್ತೇನು?
ಒಂದು ರೂಪಾಯಿ ನಾಣ್ಯ ನೀಡಿದರೆ ಊಟ ನೀಡುವ ಕ್ಯಾಂಟೀನ್ ಮಾತ್ರವಲ್ಲ, ಪ್ಲಾಸ್ಟಿಕ್ ಅಥವಾ ಗುಜರಿ ವಸ್ತುಗಳನ್ನು ನೀಡಿದರೆ ಆಹಾರ ನೀಡುವ ಅಂಗಡಿಗಳೂ ಇವೆ. ಈ ಮೊದಲು ಅಂತಹ ಹೋಟೆಲ್ ಕುರಿತು ಸುದ್ದಿಯಾಗಿತ್ತು. ಇದೀಗ ಬೆಂಗಳೂರಿನ, ಒಂದು ರೂಪಾಯಿ ನಾಣ್ಯ ನೀಡಿದರೆ ಆಹಾರ ನೀಡುವ ಹೋಟೆಲ್ ಬಗ್ಗೆ ಅಪಾರ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.

KBL Canteen

ಅಚ್ಚರಿಯೆಂದರೆ, ಕೆ.ಬಿ.ಎಲ್ ಕ್ಯಾಂಟೀನ್ ಎಂದರೆ ಯಾರಿಗೂ ತಿಳಿಯುವುದಿಲ್ಲ, ಅದೇ ಒಂದು ರೂಪಾಯಿ ಕ್ಯಾಂಟೀನ್ ಎಂದರೆ ಪ್ರತಿಯೊಬ್ಬರಿಗೂ ಅರ್ಥವಾಗುತ್ತದೆ!

  • ಪವಿತ್ರ

Latest News

bsy
ರಾಜಕೀಯ

ಬಿಜೆಪಿಯ ಸಂಸದೀಯ ಮಂಡಳಿಗೆ ಯಡಿಯೂರಪ್ಪ ; ರಾಜಕೀಯವಾಗಿ ಮತ್ತಷ್ಟು ಬಲಗೊಂಡ ಬಿಎಸ್‌ವೈ

ಇನ್ನು ಸಂಸದೀಯ ಮಂಡಳಿಯಲ್ಲಿ ಉತ್ತರಪ್ರದೇಶ(UttarPradesh) ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್‌(Yogi Adityanath) ಅವರಿಗೆ ಸ್ಥಾನ ನೀಡಲಾಗುತ್ತದೆ ಎನ್ನಲಾಗಿತ್ತು. ಆದರೆ ಅವರಿಗೆ ಸ್ಥಾನ ಲಭಿಸಿಲ್ಲ.

bjp
ರಾಜಕೀಯ

ಡಿಕೆಶಿ ಸ್ವಾತಂತ್ರ್ಯದ ನಡಿಗೆಯ ಉದ್ದೇಶ, ಸಿದ್ದರಾಮಯ್ಯ ಕಿರುಕುಳದಿಂದ ಸ್ವಾತಂತ್ರ್ಯ ಪಡೆಯುವುದೋ? : ಬಿಜೆಪಿ

ಸಿದ್ದರಾಮಯ್ಯ(Siddaramaiah) ಕಿರುಕುಳದಿಂದ ಸ್ವಾತಂತ್ರ್ಯ ಪಡೆಯುವುದೋ ಅಥವಾ ಕಾಂಗ್ರೆಸ್(Congress) ಹಿರಿಯ ನಾಯಕರು ಡಿಕೆಶಿ(DKS) ಸುತ್ತ ಹೆಣೆದಿರುವ ಜಾಲದಿಂದ ಸ್ವಾತಂತ್ರ್ಯ ಪಡೆಯುವುದೋ?

Ghee
ಆರೋಗ್ಯ

ತುಪ್ಪದ ಬಗ್ಗೆ ತಪ್ಪು ಕಲ್ಪನೆ ಬೇಡ! ; ತಪ್ಪದೇ ತುಪ್ಪ ಸೇವಿಸಿ, ಈ ಆರು ಪ್ರಯೋಜನಗಳನ್ನು ಪಡೆದುಕೊಳ್ಳಿ

ತುಪ್ಪವು ರೋಗನಿರೋಧಕ ಶಕ್ತಿಯನ್ನು ವೃದ್ದಿಸುತ್ತದೆ, ಮೂಳೆಯ ಆರೋಗ್ಯವನ್ನು ಉತ್ತೇಜಿಸುತ್ತದೆ, ಜೀರ್ಣಾಂಗ ವ್ಯವಸ್ಥೆಯನ್ನು ಸುಧಾರಿಸುತ್ತದೆ.

Assam
ದೇಶ-ವಿದೇಶ

500 ರೂ. ಬೆಟ್ಟಿಂಗ್ ಸೋಲಿಗೆ ಸ್ನೇಹಿತನ ಶಿರಚ್ಛೇದ ; 25 ಕಿ.ಮೀ ದೂರದ ಪೊಲೀಸ್ ಠಾಣೆಗೆ ಹೋಗಿ ಶರಣು!

ಆತನ ತಲೆಯನ್ನು ಹಿಡಿದುಕೊಂಡು ರಾತ್ರಿಯ ವೇಳೆ 25 ಕಿ.ಮೀ ದೂರವಿರುವ ಪೊಲೀಸ್ ಠಾಣೆಗೆ(Police Station) ನಡೆದು ಶರಣಾಗಿದ್ದಾನೆ ಎಂದು ಪೊಲೀಸ್ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.