ಬೆಂಗಳೂರು, ಮಾ. 15: ಇವತ್ತಿನ ಆಧುನಿಕ ಯುಗದಲ್ಲಿ ವಿಜ್ಞಾನಿಗಳಿಂದ ಅನೇಕ ವಿಭಿನ್ನವಾದ ಪ್ರಯತ್ನಗಳು ನಡೆಯುತ್ತಲೇ ಇವೆ ಇದಕ್ಕೆ ಉದಾಹರಣೆಯೆಂದರೆ ಇದೀಗ ಮತ್ತೊಂದು ಮಹತ್ವದ ಮತ್ತು ವಿವಾದಾತ್ಮಕವಾದ ಹೆಜ್ಜೆಯನ್ನು ಜಪಾನಿನ ವಿಜ್ಞಾನಿಗಳು ಇಟ್ಟಿದ್ದು, ಪ್ರಯೋಗಶಾಲೆಯಲ್ಲಿ ಮಾನವ ಅಂಡಾಣುಗಳನ್ನು ಸೃಷ್ಟಿಸುವತ್ತ ಹೆಜ್ಜೆ ಇಟ್ಟಿದ್ದಾರೆ. ಜಪಾನಿನ ವಿಜ್ಞಾನಿಗಳ ಒಂದು ತಂಡ ಮಾನವ ರಕ್ತಕಣಗಳನ್ನು ಸ್ಟೆಮ್ ಸೆಲ್ ಗಳಾಗಿ ಪರಿವರ್ತಿಸಿ, ನಂತರ ಅವು ಅಪ್ರಬುದ್ಧ ಮಾನವ ಅಂಡಾಣುಗಳಾಗಿ ಪರಿವರ್ತನೆ ಮಾಡಿದಂತಹದ ಪ್ರಯೋಗವನ್ನು ಮಾಡಿದ್ದಾರೆ.
ಈಗ ಸೃಷ್ಟಿಯಾದ ಅಂಡಾಣುಗಳು ಫಲವತ್ತಾಗಿಲ್ಲ ಅಥವಾ ಮಗುವನ್ನು ಸೃಷ್ಟಿಸಲು ಸಾಧ್ಯವಿಲ್ಲ. ಮತ್ತು ಮಾನವ ಸಂತಾನೋತ್ಪತ್ತಿಗೆ ಉಪಯುಕ್ತ ಮತ್ತು ಸುರಕ್ಷಿತವಾದ ಅಂಡಾಣುಗಳನ್ನು ಸೃಷ್ಟಿಸಲು ಇನ್ನೂ ಹೆಚ್ಚಿನ ಸಂಶೋಧನೆಯ ಅಗತ್ಯವಿದೆ ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ.
ಆದರೆ ಸಯನ್ಸ್ ಎಂಬ ನಿಯತಕಾಲಿಕದಲ್ಲಿ ಗುರುವಾರ ಪ್ರಕಟವಾದ ಈ ಕೃತಿ ಇತರ ವಿಜ್ಞಾನಿಗಳ ಸಂಶೋಧನೆಯ ಪ್ರಮುಖ ಬೆಳವಣಿಗೆಯಾಗಿದೆ. ‘ಮೊಟ್ಟಮೊದಲ ಬಾರಿಗೆ, ವಿಜ್ಞಾನಿಗಳು ನಾವು ಅಂಡಾಣುಗಳನ್ನು ತಯಾರಿಸಲು ಸಮರ್ಥರು ಎಂಬುದನ್ನು ಮನವರಿಕೆ ಮಾಡಿಕೊಡಲು ಸಾಧ್ಯವಾಗಿದೆ ಆದರೆ ಅವು ತುಂಬಾ ಅಪ್ರಬುದ್ಧ ಅಂಡಾಣುಗಳು ‘ ಎಂದು ಸಂಶೋಧನೆಯಲ್ಲಿ ಭಾಗಿಯಾಗದ UCLAನ ಅಭಿವೃದ್ಧಿ ಜೀವವಿಜ್ಞಾನಿ ಅಮ್ಯಾಂಡರ್ ಕ್ಲಾರ್ಕ್ ಹೇಳುತ್ತಾರೆ.
ಕ್ಯಾನ್ಸರ್ ಚಿಕಿತ್ಸೆಗಳು ಅಥವಾ ಇತರ ಕಾರಣಗಳಿಂದ ಬಂಜೆತನದಿಂದ ಬಳಲುತ್ತಿರುವ ಲಕ್ಷಾಂತರ ಜನರಿಗೆ ಈ ತಂತ್ರವು ಮುಂದೊಂದು ದಿನ ನೆರವಾಗಬಹುದು ಎಂದು ಕ್ಲಾರ್ಕ್ ಹೇಳಿದ್ದಾರೆ. ಆದರೆ ಲ್ಯಾಬ್ ಗಳಲ್ಲಿ ಮಾನವ ಅಂಡಾಣುಗಳು ಸಾಮೂಹಿಕವಾಗಿ ಉತ್ಪಾದಿಸಲು ಸಾಧ್ಯವಾಗುವ ಸಾಧ್ಯತೆಯು ಅನೇಕ ರೀತಿಯ ನೈತಿಕ ಸಮಸ್ಯೆಗಳನ್ನು ಹುಟ್ಟುಹಾಕುತ್ತದೆ.
ಸೈದ್ಧಾಂತಿಕವಾಗಿ, ಮುಂದೆ ಒಂದು ದಿನ ಶಿಶುಗಳನ್ನು ಮಕ್ಕಳು, ಅಜ್ಜಿ, ಸತ್ತ ಜನರ ರಕ್ತ, ಕೂದಲು ಅಥವಾ ಚರ್ಮದ ಜೀವಕೋಶಗಳಿಂದ ಮಾಡಲ್ಪಡುತ್ತವೆ. ಆದ್ದರಿಂದ ಕೆಲವು ವಿಲಕ್ಷಣ ಸಮಸ್ಯೆಗಳು ಎದುರಾಗುವ ಸಾಧ್ಯತೆಗಳು ಇವೆ ‘ ಎಂದು ಡಾರ್ಟ್ ಮೌತ್ ಜೈವಿಕ ನೀತಿಜ್ಞ ರೊನಾಲ್ಡ್ ಗ್ರೀನ್ ಹೇಳುತ್ತಾರೆ.
ಸೆಲೆಬ್ರಿಟಿಗಳಿಂದ ಕದ್ದ ಜೀವಕೋಶಗಳಿಂದ ಶಿಶುಗಳನ್ನು ಹುಟ್ಟುವಂತೆ ಮಾಡಬಹುದು, ಉದಾಹರಣೆಗೆ ಸೋಡ ಕ್ಯಾನ್ ನಲ್ಲಿ ಬಿಟ್ಟು ಹೋದ ಚರ್ಮದ ಕೋಶಗಳು ಅಥವಾ ಸಲೂನ್ ನಲ್ಲಿ ಕತ್ತರಿಸಿದ ಕೂದಲಿನ ಕಿರುಚೀಲಗಳಿಂದಲೂ ಅಂಡಾಶಯಗಳನ್ನು ಹುಟ್ಟುಹಾಕಬಹುದು.
‘ಒಬ್ಬ ಮಹಿಳೆ ಜಾರ್ಜ್ ಕ್ಲೂನಿಯ ಮಗುವನ್ನು ಪಡೆಯಲು ಬಯಸಬಹುದು’ ಎಂದು ಗ್ರೀನ್ ಹೇಳುತ್ತಾರೆ. ‘ಹೇರ್ ಡ್ರೆಸರ್ ಜಾರ್ಜ್ ಕ್ಲೂನಿ ಕೂದಲಿನ ಕಿರುಚೀಲಗಳನ್ನು ಆನ್ ಲೈನ್ ನಲ್ಲಿ ಮಾರಾಟ ಮಾಡಲು ಆರಂಭಿಸಬಹುದು. ಆದ್ದರಿಂದ ಜಾರ್ಜ್ ಕ್ಲೂನಿ ಅವರ ಒಪ್ಪಿಗೆ ಇಲ್ಲದೆ ಅನೇಕ ಸಂತತಿಗಳು ಇದ್ದಕ್ಕಿದ್ದ ಹಾಗೆ ಹುಟ್ಟುವ ಸಾಧ್ಯತೆ ಇದೆ ಎಂದು ಅವರು ಹೇಳಿದರು.
ವಿಜ್ಞಾನಿಗಳು ಹಲವು ವರ್ಷಗಳಿಂದ ಕಾಂಡಕೋಶಗಳಿಂದ ಅಂಡಾಣು ಮತ್ತು ವೀರ್ಯಾಣುಗಳನ್ನು ತಯಾರಿಸಲು ಪ್ರಯತ್ನಿಸುತ್ತಿದ್ದಾರೆ. 2012ರಲ್ಲಿ ಕ್ಯೋಟೊ ವಿಶ್ವವಿದ್ಯಾಲಯದ ಮಿಟಿನೋರಿ ಸೈಟೋ ಮತ್ತು ಅವರ ಸಹೋದ್ಯೋಗಿಗಳು ಸ್ಟೆಮ್ ಸೆಲ್ ಗಳಿಂದ ಪ್ರೌಢವಾದ ಇಲಿಯ ಅಂಡಾಣು ಮತ್ತು ವೀರ್ಯಾಣುಗಳನ್ನು ಉತ್ಪಾದಿಸಿರುವುದಾಗಿ ವರದಿ ಮಾಡಿದರು ಮತ್ತು ಅವುಗಳನ್ನು ಆರೋಗ್ಯಕರ ಇಲಿ ಮರಿಗಳನ್ನು ಸಂತಾನೋತ್ಪತ್ತಿ ಮಾಡಲು ಬಳಸಿದರು. ಆದರೆ, ವಿಜ್ಞಾನಿಗಳು ಮಾನವರಲ್ಲೂ ಆ ತರ ಮಾಡಲು ಪ್ರಯತ್ನಿಸುತ್ತಾರೆ. ಎಂದು ಜೀವ ವಿಜ್ಞಾನಿ ಕ್ಲಾರ್ಕ್ ಹೇಳಿದ್ದಾರೆ.
ಮೊದಲನೆಯದಾಗಿ, ವಿಜ್ಞಾನಿಗಳು ವಯಸ್ಕ ಮಾನವ ರಕ್ತಕಣಗಳನ್ನು ಪ್ರವರ್ಧಮಾನಕ್ಕೆ ಬರುವ ಪ್ಲೂರಿಪೊಟೆಂಟ್ ಸ್ಟೆಮ್ ಸೆಲ್ ಗಳಾಗಿ ಪರಿವರ್ತಿಸಲು ಒಂದು ಉತ್ತಮ ವಾದ ವಿಧಾನವನ್ನು ಬಳಸಿದರು, ಇದು ದೇಹದಲ್ಲಿ ಯಾವುದೇ ಜೀವಕೋಶವಾಗಿ ಪರಿವರ್ತನೆಗೊಳ್ಳುವ ಸಾಮರ್ಥ್ಯವನ್ನು ಹೊಂದಿದೆ. ಆದರೆ, ಈ ಕೀಲಿಕೈ, ಇಲಿಯ ಭ್ರೂಣದ ಜೀವಕೋಶಗಳಿಂದ ಲ್ಯಾಬ್ ನಲ್ಲಿ ರಚಿತವಾದ ಮಾನವ ಪ್ಲೂರಿಪೊಟೆಂಟ್ ಸ್ಟೆಮ್ ಸೆಲ್ ಗಳನ್ನು ಸೂಕ್ಷ್ಮ ಅಂಡಾಶಯಗಳಿಗೆ ಸೇರಿಸಿತ್ತು.
‘ಅವರು ಒಂದು ಸಣ್ಣ ಪುಟ್ಟ ಕೃತಕ ಅಂಡಾಶಯವನ್ನು ಸೃಷ್ಟಿಸಿದರು ಮತ್ತು ಆ ಸಣ್ಣ ಪುನರ್ರಚಿತ ಅಂಡಾಶಯದೊಳಗೆ ಈ ಅಂಡಾಣುಕೋಶಗಳು ಅಪ್ರಬುದ್ಧ ಮಾನವ ಅಂಡಕೋಶಗಳಾಗಿದ್ದವು. ಆದ್ದರಿಂದ ಇಡೀ ಪ್ರಯೋಗವು ಸಂಪೂರ್ಣವಾಗಿ ಪ್ರಯೋಗಾಲಯದ ಒಳಭಾಗದೊಳಗೆ ನಡೆಯಿತು’ ಎಂದು ವಿಜ್ಞಾನಿ ಕ್ಲಾರ್ಕ್ ಹೇಳಿದ್ದಾರೆ.
ತಮ್ಮ ಲೇಖನದಲ್ಲಿ, ಜಪಾನಿನ ವಿಜ್ಞಾನಿಗಳು ಮುಂದಿನ ಹೆಜ್ಜೆಯು ಮಾನವಅಂಡಾಣುಗಳನ್ನು ತಯಾರಿಸಲು ಮತ್ತು ಮಾನವವೀರ್ಯಾಣುಗಳನ್ನು ಈ ರೀತಿಯಾಗಿ ಉತ್ಪಾದಿಸಲು ಪ್ರಯತ್ನಿಸುವುದು ಎಂದು ಹೇಳುತ್ತಾರೆ.
‘ಇದೊಂದು ಪರಿವರ್ತನದ ಆರಂಭ’ ಎಂದು ಪಿಟ್ಸ್ ಬರ್ಗ್ ಸ್ಕೂಲ್ ಆಫ್ ಮೆಡಿಸಿನ್ ನ ಪ್ರಸೂತಿ, ಸ್ತ್ರೀರೋಗ ಮತ್ತು ಸಂತಾನೋತ್ಪತ್ತಿ ವಿಜ್ಞಾನ ಗಳ ವಿಭಾಗದ ಪ್ರಾಧ್ಯಾಪಕ ಕೈಲ್ ಆರ್ವಿಗ್ ಹೇಳುತ್ತಾರೆ. ಬಂಜೆತನಕ್ಕೆ ನೆರವಾಗುವ ಜೊತೆಗೆ, ಸಲಿಂಗ ದಂಪತಿಗಳು ತಮ್ಮ ದೇಹದ ಚರ್ಮದ ಕೋಶಗಳಿಂದ ತಯಾರಿಸಿದ ವೀರ್ಯಾಣು ಮತ್ತು ಅಂಡಾಣುಗಳನ್ನು ಹೊಂದಿರುವ ಶಿಶುಗಳನ್ನು ಪಡೆಯಲು ಸಾಧ್ಯವಾಗುತ್ತದೆ. ಆದರೆ ಇದರಿಂದ ಮುಂದೆ ಸಮಸ್ಯೆಗಳು ಹೆಚ್ಚಬಹುದು, ಅದಕ್ಕೂ ಸಂಶೋಧನೆ ನಡೆಯಬೇಕಿದೆ ಎಂದು ಹೇಳಿದರು.