ಕನ್ನಡ ಚಿತ್ರರಂಗದ(Kannada Industry) ಸಿಂಪಲ್ ಸ್ಟಾರ್(Simple Star) ರಕ್ಷಿತ್ ಶೆಟ್ಟಿ(Rakshit Shetty) ಅವರ 777 ಚಾರ್ಲಿ(777 Charlie) ಇದೇ ಜೂನ್ 10 ರಂದು 5 ಭಾಷೆಗಳಲ್ಲಿ ಏಕಕಾಲಕ್ಕೆ ಥಿಯೇಟರ್‌ಗಳಲ್ಲಿ ಬಿಡುಗಡೆಗೊಂಡಿತು ಮತ್ತು ಸಿನಿ ವೀಕ್ಷಕರು ಈ ಚಿತ್ರದ ಬಗ್ಗೆ ಉತ್ತಮ ಪ್ರತಿಕ್ರಿಯೆಗಳನ್ನು ವ್ಯಾಪಾಕವಾಗಿ ನೀಡುತ್ತಿದ್ದಾರೆ.
ಉತ್ತಮ ಪ್ರತಿಕ್ರಿಯೆಗಳ ಬೆನ್ನಲ್ಲೇ ರಾಜ್ಯದ ಮುಖ್ಯಮಂತ್ರಿಗಳಾದ(ChiefMinsiter) ಬಸವರಾಜ್ ಬೊಮ್ಮಾಯಿ(Basavaraj Bommai) ಅವರು ಚಾರ್ಲಿ(777 Charlie) ಸಿನಿಮಾವನ್ನು ವೀಕ್ಷಿಸಿದ್ದಾರೆ. 2022 ರ ಬಹು ನಿರೀಕ್ಷಿತ ಚಲನಚಿತ್ರಗಳಲ್ಲಿ ಚಾರ್ಲಿ ಕೂಡ ಒಂದಾಗಿದೆ. ಚಲನಚಿತ್ರವು ನಾಯಿ ಮತ್ತು ಅದರ ಮಾಲೀಕನ ನಡುವಿನ ಬಾಂಧವ್ಯದ ಬಗ್ಗೆ ತಿಳಿ ಹೇಳುತ್ತದೆ ಮತ್ತು ಎಲ್ಲಾ ಪ್ರಾಣಿ ಪ್ರೇಮಿಗಳಿಗೆ ಹೊಂದಿಕೊಂಡಿರುವಂತ ಒಂದೊಳ್ಳೆ ಸಿನಿಮಾವಾಗಿದೆ. ಕರ್ನಾಟಕದ ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ ಕೂಡ ಈ ಚಿತ್ರವನ್ನು ವೀಕ್ಷಿಸಿದರು ಮತ್ತು ಅದನ್ನು ನೋಡಿದ ಬಳಿಕ ತಮ್ಮ ಮನೆಯಲ್ಲಿ ಸಾಕಿದ ನಾಯಿಯನ್ನು ನೆನಪಿಸಿಕೊಂಡು ದುಃಖ ತಡೆಯಲಾಗದೆ ಕಣ್ಣೀರಿಟ್ಟಿದ್ದಾರೆ.
ಸಿನಿಮಾ ನೋಡಿ ಭಾವುಕರಾದ ಸಿಎಂ ಅವರ ಚಿತ್ರವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡಿದೆ. ಸಿಎಂ ಬೊಮ್ಮಾಯಿ ಅವರು ಚಿತ್ರವನ್ನು ಸಂಪೂರ್ಣವಾಗಿ ಇಷ್ಟಪಟ್ಟಿದ್ದು, ನಿರ್ಮಾಪಕ ರಕ್ಷಿತ್ ಶೆಟ್ಟಿ(Rakshit Shetty) ಹಾಗೂ ತಂಡಕ್ಕೆ ಪ್ರಶಂಸೆ ವ್ಯಕ್ತಪಡಿಸಿ, ಎಲ್ಲರೂ ಚಾರ್ಲಿ ಸಿನಿಮಾವನ್ನು ವೀಕ್ಷಿಸುವಂತೆ ಮನವಿ ಮಾಡಿದ್ದಾರೆ. ನಾಯಿಗಳ ಬಗ್ಗೆ ಚಲನಚಿತ್ರಗಳಿವೆ ಆದರೆ ಈ ಚಲನಚಿತ್ರವು ಭಾವನೆಗಳು ಮತ್ತು ಪ್ರಾಣಿಗಳೊಂದಿಗಿರುವ ಉತ್ತಮ ಒಡನಾಟವನ್ನು ಹೊಂದಿದೆ. ಈ ಶ್ವಾನವು ತನ್ನ ಭಾವನೆಗಳನ್ನು ಕಣ್ಣುಗಳ ಮೂಲಕ ವ್ಯಕ್ತಪಡಿಸುತ್ತದೆ.
ಸಿನಿಮಾ ಚೆನ್ನಾಗಿದ್ದು ಎಲ್ಲರೂ ನೋಡಲೇಬೇಕು. ಶ್ವಾನದ ಪ್ರೀತಿ ನಿರ್ಮಲವಾದ ಪ್ರೇಮವಾಗಿದೆ ಎಂದು ಸ್ಥಳೀಯ ಮಾಧ್ಯಮಕ್ಕೆ ಹೇಳಿದ್ದಾರೆ. ಸ್ವತಃ ನಾನು ಶ್ವಾನ ಪ್ರೇಮಿ, ಕಳೆದ ವರ್ಷ ನನ್ನ ಸಾಕುನಾಯಿ ತೀರಿಕೊಂಡಿತು. ಈ ಸಿನಿಮಾ ಅದನ್ನು ನೆನಪಿಸಿತು, ಹೀಗಾಗಿ ನನ್ನ ಶ್ವಾನವನ್ನು ನೆನೆದು ದುಃಖಿಸಿದೆ ಎಂದು ಹೇಳಿದರು.