ಗುಜರಾತ್‌, ಜ. 19: ಸೂರತ್‌ನ ಕಿಮ್‌ ಚಾರ್‌ ರಸ್ತೆಯ ಫುಟ್ಪಾತ್ನಲ್ಲಿ ಮಲಗಿದ್ದ 18 ಜನ ವಲಸೆ ಕಾರ್ಮಿಕರ ಮೇಲೆ ಟ್ರಕ್ ಹರಿದ ಪರಿಣಾಮ 15 ಜನ ಮೃತಪಟ್ಟಿದ್ದಾರೆ.
ಈ ವಲಸೆ ಕಾರ್ಮಿಕರು ದಿನನಿತ್ಯ ರಾಜಸ್ಥಾನದಿಂದ ಬಾಣಸ್ವಾರ ಜಿಲ್ಲೆಗೆ ದಿನಗೂಲಿ ಕೆಲಸಕ್ಕೆ ಹೋಗುತ್ತಿದ್ದರು ಎಂಬುದಾಗಿ ತಿಳಿದು ಬಂದಿದೆ. ಅವರು ಸೂರತ್‌ನ ಕಿಮ್‌ ಚಾರ್‌ ರಸ್ತೆಯ ಫುಟ್ಪಾತ್ನಲ್ಲಿ ಮಲಗಿದ್ದ ಸಂದರ್ಭದಲ್ಲಿ ಕಬ್ಬು ಹೊತ್ತು ತಂದ ಟ್ರಾಕ್ಟರ್‌ಗೆ ಟ್ರಕ್ ಡಿಕ್ಕಿ ಹೊಡೆದ ಪರಿಣಾಮ ಟ್ರಕ್ ತನ್ನ ನಿಯಂತ್ರಣ ತಪ್ಪಿ ಮಲಗಿದ್ದವರ ಮೇಲೆ ಹರಿದು ಹೋಗಿದೆ ಈ ಪರಿಣಾಮ 15 ಜನರು ಸಾವನಪ್ಪಿದ್ದಾರೆ.
ಡಿಕ್ಕಿಯಾದ ಸಂದರ್ಭದಲ್ಲಿ ಟ್ರಕ್ ಡ್ರೈವರ್‌ ತನ್ನ ಹಿಡಿತವನ್ನು ತಪ್ಪಿದ ಕಾರಣ ಫುಟ್ಪಾತ್ನಲ್ಲಿ ಮಲಗಿದ್ದವರ ಮೇಲೆ ಹಾದು ಹೋಗಿದೆ. 18 ಜನ ಮಲಗಿದ್ದವರಲ್ಲಿ 12 ಮಂದಿ ಸ್ಥಳದಲ್ಲೇ ಮೃತಪಟ್ಟರೆ, 8 ಜನ ಗಾಯಾಳುಗಳನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಅದರಲ್ಲಿ 3 ಮಂದಿ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದಾರೆ. ಅಲ್ಲದೇ ಟ್ರಕ್ ಡ್ರೈವರ್‌ನ್ನು ಅರೆಸ್ಟ್‌ ಮಾಡಲಾಗಿದೆ ಎಂದು ತಿಳಿದು ಬಂದಿದೆ.