ಆದಾಯ ತೆರಿಗೆ(Income Tax) ಎಂಬ ಪದವು ಸರ್ಕಾರಗಳು ತಮ್ಮ ವ್ಯಾಪ್ತಿಯಲ್ಲಿರುವ ವ್ಯವಹಾರಗಳು ಮತ್ತು ವ್ಯಕ್ತಿಗಳು ಗಳಿಸುವ ಆದಾಯದ ಮೇಲೆ ವಿಧಿಸುವ ಒಂದು ರೀತಿಯ ತೆರಿಗೆಯನ್ನು ಸೂಚಿಸುತ್ತದೆ. ಕಾನೂನಿನ ಪ್ರಕಾರ, ತೆರಿಗೆದಾರರು ತಮ್ಮ ತೆರಿಗೆ ಬಾಧ್ಯತೆಗಳನ್ನು ನಿರ್ಧರಿಸಲು ವಾರ್ಷಿಕವಾಗಿ ಆದಾಯ ತೆರಿಗೆ ರಿಟರ್ನ್ ಸಲ್ಲಿಸಬೇಕು.
ಭಾರತದಲ್ಲಿ(India) ಆದಾಯ ತೆರಿಗೆ ಪದ್ಧತಿಗೆ ಸುದೀರ್ಘ ಇತಿಹಾಸವಿದೆ. ಬ್ರಿಟಿಷರ ಆಳ್ವಿಕೆಯಲ್ಲಿ 1860ರಲ್ಲಿ ಮೊದಲ ಬಾರಿಗೆ ಆದಾಯ ತೆರಿಗೆ ವಿಧಿಸಲಾಯಿತು. ಸ್ವತಂತ್ರ ಭಾರತದಲ್ಲೂ ಆದಾಯ ತೆರಿಗೆ ವಿಕಾಸವಾಗಿದೆ. ಆದಾಯ ತೆರಿಗೆ ವ್ಯವಸ್ಥೆಯು ಸುದೀರ್ಘ ಅವಧಿಯಲ್ಲಿ ವಿಕಾಸವಾಗುತ್ತಾ ಸದ್ಯ ಈ ಹಂತದಲ್ಲಿದೆ.ನಮ್ಮ ದೇಶ ಜನಸಂಖ್ಯೆಯಲ್ಲಿ ಎರಡನೇ ಸ್ಥಾನದಲ್ಲಿದೆ. ಇಂತಹ ಬೃಹತ್ ದೇಶವಾದ ಭಾರತದಲ್ಲಿ, ಮಿಲಿಯನೇರ್ ಗಳು ದೇಶದ ಪ್ರತಿಯೊಂದು ನಗರದಲ್ಲಿಯೂ ಇದ್ದಾರೆ. ಭಾರತದ ಜನಸಂಖ್ಯೆ 136 ಕೋಟಿಗೂ ಹೆಚ್ಚು.
ಆದ್ರೆ ಈ ಜನಸಂಖ್ಯೆಯ ಬೆರಳೆಣಿಕೆಯಷ್ಟು ಜನರು ಮಾತ್ರ ತೆರಿಗೆ ಪಾವತಿಸಿದ್ದಾರೆ ಎಂದು ಹಣಕಾಸು ಸಚಿವರು ಇತ್ತೀಚೆಗೆ ರಾಜ್ಯಸಭೆಗೆ ತಿಳಿಸಿದ್ದಾರೆ. 2019-20ನೇ ಹಣಕಾಸು ವರ್ಷದಲ್ಲಿ ಒಟ್ಟು 8,13,22,263 ಜನರು ಆದಾಯ ತೆರಿಗೆ ಪಾವತಿಸಿದ್ದಾರೆ ಎಂದು ಹಣಕಾಸು ಸಚಿವರು ತಿಳಿಸಿದ್ದಾರೆ. ಕೃತಕ ನ್ಯಾಯಾಂಗದಲ್ಲಿ 8,13,22,263 ವ್ಯಕ್ತಿಗಳು, ಹಿಂದೂ ಅವಿಭಜಿತ ಕುಟುಂಬಗಳು, ವ್ಯಕ್ತಿಗಳ ಸಂಘ, ಖಾಸಗಿ ಕಂಪನಿಗಳ ಸಂಘಟನೆ, ಸ್ಥಳೀಯ ಅಧಿಕಾರಿಗಳು ಮತ್ತು ವ್ಯಕ್ತಿಗಳು ಇದ್ದಾರೆ ಎಂದು ಹಣಕಾಸು ಸಚಿವರು ಹೇಳಿದರು.
2020-21 ಮೌಲ್ಯಮಾಪನ ವರ್ಷದಲ್ಲಿ ಒಟ್ಟು 136,30,06,000 ಜನಸಂಖ್ಯೆಯಲ್ಲಿ ಕೇವಲ 8,22,83,407 ತೆರಿಗೆದಾರರಿದ್ದರು. ಇದು ಬೇಸರದ ಸಂಗತಿಯೇ ಸರಿ. ಏಕೆಂದರೆ, ನಾವು ಪಾವತಿಸುವ ಆದಾಯ ತೆರಿಗೆ ಆಧಾರದ ಮೇಲೆ ದೇಶದಲ್ಲಿ ಅಭಿವೃದ್ಧಿ ಕಾಮಗಾರಿಗಳನ್ನು ಹಮ್ಮಿಕೊಳ್ಳಲಾಗುತ್ತದೆ. ದೇಶ ಕಾಯುವ ಸೈನಿಕರಿಗೂ ಸಹ ನಮ್ಮ ತೆರಿಗೆಯಿಂದಲೇ ವೇತನ ಪಾವತಿಸಲಾಗುತ್ತದೆ. ಆದ್ದರಿಂದ ಕೇವಲ ದೇಶದ ಅಭಿವೃದ್ಧಿಯ ಬಗ್ಗೆ ಮಾತನಾಡುವುದಷ್ಟೇ ಅಲ್ಲ, ಜವಾಬ್ದಾರಿಯುತ ನಾಗರೀಕರಾಗಿ ತೆರಿಗೆ ಪಾವತಿ ಮಾಡುವುದೂ ಕೂಡ ಪ್ರತಿಯೊಬ್ಬರ ಕರ್ತವ್ಯವಾಗಿದೆ.
- ಪವಿತ್ರ