ಆಪಲ್ ಐಫೋನ್ (Apple iPhone) 15 ಸರಣಿ ಬಿಡುಗಡೆಗೆ ಸಜ್ಜಾಗುತ್ತಿದ್ದು, ಇದರ ಜೊತೆಗೆ ಗೂಗಲ್‌ನ ಪಿಕ್ಸೆಲ್ (IPhone 15 – pixel 8) 8 ಸರಣಿಯ ಲಾಂಚ್‌ಗೆ ಮುಹೂರ್ತ
ನಿಗದಿಯಾಗಿದೆ. ಇನ್ನು ವಿನ್ಯಾಸದ ವಿಷಯದಲ್ಲಿ ಪಿಕ್ಸೆಲ್ (Pixel) 8 ಸರಣಿ ಪಿಕ್ಸೆಲ್ 7 ಅನ್ನೇ ಹೋಲುತ್ತದೆ. ಕೆಲ ವೈಶಿಷ್ಟ್ಯ ಹಾಗೂ ಹಲವು ನವೀಕರಣಗಳಿಂದ ಬರಲಿರುವ ಪಿಕ್ಸೆಲ್
8 ಸರಣಿಯ ಬಗೆಗಿನ (IPhone 15 – pixel 8) ಮಾಹಿತಿ ಇಲ್ಲಿದೆ.
ಕೆಲವೇ ದಿನಗಳ ಅಂತರದಲ್ಲಿ ಆಪಲ್ ಐಫೋನ್ 15 ಸರಣಿ ಹಾಗೂ ಗೂಗಲ್‌ನ ಪಿಕ್ಸೆಲ್ (Google Pixel) 8 ಸರಣಿಯು ಬಿಡುಗಡೆಯಾಗುತ್ತಿದೆ. ಅಕ್ಟೋಬರ್ 4 ರಂದು ಪಿಕ್ಸೆಲ್ 8 ಸರಣಿಯನ್ನು
ಬಿಡುಗಡೆ ಮಾಡಲು ಗೂಗಲ್ (Google) ನಿರ್ಧರಿಸಿದ್ದು, ಹೊಸ ಐಫೋನ್ ಬಿಡುಗಡೆಯು ಕೆಲವು ವಾರಗಳ ಬಳಿಕ ಮೇಡ್ ಬೈ ಗೂಗಲ್ ಈವೆಂಟ್ ನಡೆಯಲಿದೆ.
ಹಿಂದಿನ ವರ್ಷದಂತೆ ಈ ಬಾರಿಯೂ ನ್ಯೂಯಾರ್ಕ್ ನಗರದಲ್ಲಿ ಮೇಡ್ ಬೈ ಗೂಗಲ್ ಈವೆಂಟ್ (Made by Google Event) ನಡೆಯುತ್ತಿದ್ದು, ಈವೆಂಟ್ ಅನ್ನು YouTube ನಲ್ಲಿ ಲೈವ್-ಸ್ಟ್ರೀಮ್
(Live Stream) ಮಾಡಲಾಗುತ್ತದೆ. ಮತ್ತು ಭಾರತದಲ್ಲಿ ಸಂಜೆ 7:30 ಕ್ಕೆ ಈ ನೇರಪ್ರಸಾರವನ್ನು ವೀಕ್ಷಣೆ ಮಾಡಬಹುದು. ಈ ವರ್ಷದ ಮೇಡ್ ಬೈ ಗೂಗಲ್ ಈವೆಂಟ್‌ನಲ್ಲಿ ಎರಡು ಹೊಸ
ಪಿಕ್ಸೆಲ್ ಫೋನ್‌ಗಳನ್ನು ನಿರೀಕ್ಷಿಸಲಾಗಿದ್ದು, ಪಿಕ್ಸೆಲ್ 8 ಮತ್ತು ಪಿಕ್ಸೆಲ್ 8 ಪ್ರೊ ಫೋನ್‌ಗಳು (Pro Phone) ಈ ಬಾರಿ ಬಿಡುಗಡೆಯಾಗಲಿವೆ ಎನ್ನಲಾಗುತ್ತಿದೆ.
ಎರಡನೇ ಪೀಳಿಗೆಯ ಪಿಕ್ಸೆಲ್ ವಾಚ್‌(Pixel Watch) 2 ಅನ್ನು ಇದರ ಜೊತೆಗೆ ಕೂಡಾ ಗೂಗಲ್ ಇದೇ ಸಂದರ್ಭದಲ್ಲಿ ಅನಾವರಣಗೊಳಿಸಲಿದೆ ಎಂದೂ ಹೇಳಲಾಗುತ್ತಿದ್ದು, ಈ ಎರಡೂ ಫೋನ್‌ಗಳು
(Phone) ಈ ವರ್ಷ ಅದರ ವಿನ್ಯಾಸವನ್ನು ಹಾಗೆಯೇ ಉಳಿಸಿಕೊಳ್ಳುವ ನಿರೀಕ್ಷೆ ಇದ್ದರೂ ಕೆಲವೊಂದು ಸೂಕ್ಷ್ಮ ವ್ಯತ್ಯಾಸಗಳು ಇರಬಹುದು ಎಂದು ಅಂದಾಜಿಸಲಾಗಿದೆ. ಬಾಗಿದ ಡಿಸ್‌ಪ್ಲೇ (Display)
ಬದಲಾಗಿ ಈ ವರ್ಷ ಪ್ರೋ ಮಾದರಿಯು ವೆನಿಲ್ಲಾ ಮಾದರಿಯಂತಹ ಫ್ಲಾಟ್‌ ಡಿಸ್‌ಪ್ಲೇ ಹೊಂದಿರಬಹುದು ಎಂದು ಹೇಳಲಾಗುತ್ತಿದೆ.
ಕ್ಯಾನ್ಸರ್‌ಗೆ ಚುಚ್ಚುಮದ್ದು: ಕ್ಯಾನ್ಸರ್ ಚಿಕಿತ್ಸೆಗೆ ಚುಚ್ಚುಮದ್ಧು ಕಂಡು ಹಿಡಿದ ಇಂಗ್ಲೆಂಡ್
ಪಿಕ್ಸೆಲ್ 8 ಸರಣಿಯು ಗೂಗಲ್‌ನ ಆಂತರಿಕ ಚಿಪ್‌ಸೆಟ್‌ನ (Chipset) ಮೂರನೇ ತಲೆಮಾರಿನ ಟೆನ್ಸರ್ ಜಿ3 ನಿಂದ ಚಾಲಿತಗೊಳ್ಳುವ ನಿರೀಕ್ಷೆಯಿದ್ದು, ಇದರ ಜೊತೆಗೆ ಎರಡೂ ಸ್ಮಾರ್ಟ್‌ಫೋನ್‌ಗಳು ಆಂಡ್ರಾಯ್ಡ್‌
(Android) 14 ಔಟ್-ಆಫ್-ಬಾಕ್ಸ್‌ನೊಂದಿಗೆ ಬರಬೇಕು ಎಂದು ಹೇಳಲಾಗುತ್ತಿದೆ. ಅದೂ ಅಲ್ಲದೆ ಈ ಪಿಕ್ಸೆಲ್‌ಗಳು ಈ ಬಾರಿ ಕೆಲವು ಕ್ಯಾಮೆರಾ ಅಪ್‌ಗ್ರೇಡ್‌ಗಳನ್ನು ಹೊಂದಿರಲಿವೆ ಎಂಬ ಸುದ್ದಿಯೂ ಹರಡಿದ್ದು,
ಪಿಕ್ಸೆಲ್ 8 ಪ್ರೋ ಹೊಸ 64 ಎಂಪಿ ಅಲ್ಟ್ರಾ-ವೈಡ್ (Ultra-Wide) ಸೆನ್ಸರ್‌ಗಳನ್ನು ಹೊಂದಿರಬಹುದು.
ಎರಡೂ ಫೋನ್‌ಗಳು ಹೊಸ ಸಾಫ್ಟ್‌ವೇರ್‌ (Software) ವೈಶಿಷ್ಟ್ಯಗಳನ್ನು ಹೊಂದಿರಲಿದ್ದು, ಪಿಕ್ಸೆಲ್ 8 12.2ಎಂಪಿ ಆವೃತ್ತಿಯೊಂದಿಗೆ ಬರುವ ಸಾಧ್ಯತೆ ಇದೆ. ಪಿಕ್ಸೆಲ್ 8 ಮತ್ತು ಪಿಕ್ಸೆಲ್ 8 ಪ್ರೋ ಕೊಂಚ
ನವೀಕರಿಸಿದ ಬ್ಯಾಟರಿ ಸಾಮರ್ಥ್ಯವನ್ನು ಹೊಂದಿರುತ್ತವೆ ಎನ್ನಲಾಗುತ್ತಿದೆ. ಪಿಕ್ಸೆಲ್ 8 4,485mAh ಬ್ಯಾಟರಿಯನ್ನು (Battery) ಹೊಂದಿದ್ದರೆ, ಪಿಕ್ಸೆಲ್ 8 ಪ್ರೋ 4,950mAh ಬ್ಯಾಟರಿಯನ್ನು ಹೊಂದಿರಲಿದೆ.
ಆದರೆ ಈ ಎರಡೂ ಮಾದರಿಗಳು 20W ವೈರ್‌ಲೆಸ್ ಚಾರ್ಜಿಂಗ್ (Wireless Charging) ಅನ್ನು ಬೆಂಬಲಿಸುತ್ತವೆ.
ಭವ್ಯಶ್ರೀ ಆರ್.ಜೆ