ನಮ್ಮ ದೇಶದ ಸಾಂಪ್ರದಾಯಿಕ ಔಷಧ ಪದ್ದತಿಯ ಪ್ರಕಾರ, ಹೊಕ್ಕಳು ಅಥವಾ ನಾಭಿ ವ್ಯಕ್ತಿಯ ದೇಹದಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಏಕೆಂದರೆ ಇದು ಜೀವ ಉಳಿಸುವ ಬಳ್ಳಿಯ ಹೆಬ್ಬಾಗಿಲಾಗಿದ್ದು, ಹೊಕ್ಕಳು ದೇಹದ 72,000 ರಕ್ತನಾಳಗಳಿಗೆ ಕೇಂದ್ರಬಿಂದುವಾಗಿದೆ. ಇದೇ ಕಾರಣದಿಂದ ನಾಭಿ ಚಿಕಿತ್ಸೆ ಹೆಚ್ಚು ಮಹತ್ವ ಪಡೆದಿರುವುದು.
ನಾಭಿ ಚಿಕಿತ್ಸೆಯು, ಪ್ರಾಚೀನ ಕಾಲದ ಆಯುರ್ವೇದ ಅಭ್ಯಾಸವಾಗಿದ್ದು, ದೇಹದಲ್ಲಿನ ವಿವಿಧ ಕಾಯಿಲೆಗಳಿಗೆ ಚಿಕಿತ್ಸೆ ನೀಡಲು, ನಿರ್ವಿಷಗೊಳಿಸಲು ಹೊಕ್ಕುಳ ಗುಂಡಿಯಲ್ಲಿ ಬೆಚ್ಚಗಿನ ಎಣ್ಣೆಯನ್ನು ಸಂಗ್ರಹಿಸುವ ವಿಧಾನವನ್ನು ಒಳಗೊಂಡಿದೆ. ಅದರ ಜೊತೆಗೆ ಹೊಕ್ಕಳು ಮೇಲಿನ ತೈಲ ಮಸಾಜ್ ಕೂಡ ವಿವಿಧ ಪ್ರಯೋಜನಗಳನ್ನು ಹೊಂದಿದೆ. ಹಾಗಾದರೆ ಬನ್ನಿ ಈ ಎಣ್ಣೆ ಮಾಸಾಜ್ ನಿಂದ ಯಾವೆಲ್ಲಾ ಪ್ರಯೋಜನ ಇದೆ ಎಂಬುದನ್ನು ನೋಡೋಣ.
ಮಲಗುವ ಮುನ್ನ ಪ್ರತಿದಿನ ಮಾಡುವ ಹೊಕ್ಕುಳ ಎಣ್ಣೆ ಮಸಾಜ್ ನಿಮ್ಮ ಮನಸ್ಸು ಮತ್ತು ದೇಹದ ಆರೋಗ್ಯಕ್ಕೆ ಕಾರಣವಾಗುವ ಕೆಲವು ವಿಧಾನಗಳು ಈ ಕೆಳಗಿದೆ:
ಜೀರ್ಣಾಂಗ ವ್ಯವಸ್ಥೆ ಸುಧಾರಣೆ:
ಹೊಕ್ಕುಳನ್ನು ಮಸಾಜ್ ಮಾಡುವುದರಿಂದ ಜೀರ್ಣಕಾರಿ ಸಾಮರ್ಥ್ಯವನ್ನು ಹೆಚ್ಚಿಸಲು ಅಗ್ನಿ (ಜೀರ್ಣಕಾರಿ ಬೆಂಕಿ) ಯನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ . ಕರುಳಿನಿಂದ ತ್ಯಾಜ್ಯವನ್ನು ನಿಯಮಿತವಾಗಿ ತೆಗೆದುಹಾಕಲು ಸಹಾಯ ಮಾಡುವುದಲ್ಲದೇ, ಗ್ಯಾಸ್ ಮತ್ತು ಹೊಟ್ಟೆ ಉಬ್ಬುವಿಕೆಗೆ ಸಂಬಂಧಿಸಿದ ಜೀರ್ಣಕಾರಿ ತೊಂದರೆಗಳನ್ನು ನಿವಾರಿಸುತ್ತದೆ. ಜೊತೆಗೆ ದೇಹದಲ್ಲಿ ಉರಿಯೂತವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
ಬಳಸಬೇಕಾದ ತೈಲಗಳು: ಸಾಸಿವೆ ಎಣ್ಣೆ ಅಥವಾ ಶುಂಠಿ ಎಣ್ಣೆ
ಸಂತಾನೋತ್ಪತ್ತಿಗೆ ಸಹಾಯ:
ಹೊಕ್ಕುಳಿಗೆ ಬೆಚ್ಚಗಿನ ಎಣ್ಣೆಯನ್ನು ನಿಯಮಿತವಾಗಿ ಹಚ್ಚುವುದರಿಂದ ಪುರುಷರಲ್ಲಿ ವೀರ್ಯಾಣುಗಳ ಸಂಖ್ಯೆ ಸುಧಾರಿಸಲು ಸಹಾಯ ಮಾಡುತ್ತದೆ ಮತ್ತು ಸಂತಾನೋತ್ಪತ್ತಿ ವ್ಯವಸ್ಥೆಯನ್ನು ಬಲಪಡಿಸುವುದರ ಜೊತೆಗೆ ಸ್ತ್ರೀಯರಲ್ಲಿ ಫಲವತ್ತತೆಯನ್ನು ಹೆಚ್ಚಿಸುತ್ತದೆ. ಅಲ್ಲದೆ, ಹೆಣ್ಣುಮಕ್ಕಳು ಮುಟ್ಟಿನ ಅವಧಿಯಲ್ಲಿ ಸೆಳೆತ ಮತ್ತು ನೋವನ್ನು ಈ ಚಿಕಿತ್ಸೆಯ ಸಹಾಯದಿಂದ ನಿವಾರಿಸಬಹುದು ಏಕೆಂದರೆ ಇದು ಗರ್ಭಾಶಯದ ಒಳಪದರದ ಸುತ್ತಲಿನ ರಕ್ತನಾಳಗಳನ್ನು ಸಡಿಲಗೊಳಿಸುತ್ತದೆ.
ಬಳಸಬೇಕಾದ ತೈಲಗಳು: ತೆಂಗಿನ ಎಣ್ಣೆ ಅಥವಾ ಆಲಿವ್ ಎಣ್ಣೆ
ದೃಷ್ಟಿ ಸುಧಾರಣೆ:
ಹೊಕ್ಕುಳ ನರಗಳು ಕಣ್ಣುಗಳಿಗೆ ತಲುಪುವ ರಕ್ತನಾಳಗಳಿಗೆ ನೇರ ಸಂಪರ್ಕವನ್ನು ಹೊಂದಿರುತ್ತದೆ. ಆದ್ದರಿಂದ ಹೊಕ್ಕುಳ ಚಿಕಿತ್ಸೆಯು ಆ ರಕ್ತನಾಳಗಳನ್ನು ಉತ್ತೇಜಿಸುವುದರಿಂದ ಉತ್ತಮ ದೃಷ್ಟಿಗೆ ಕಾರಣವಾಗಬಹುದು. ಜೊತೆಗೆ ಕಣ್ಣುಗಳ ಸುತ್ತಲಿನ ಪಫಿನೆಸ್ ಅನ್ನು ಕಡಿಮೆ ಮಾಡುವುದಲ್ಲದೇ, ಕಪ್ಪಾಗುವಿಕೆಯನ್ನು ಕಡಿಮೆ ಮಾಡುತ್ತದೆ. ಈ ಭಾಗಕ್ಕೆ ಎಣ್ಣೆಯನ್ನು ಹಚ್ಚುವುದರಿಂದ ಕಣ್ಣುಗಳನ್ನು ತೇವಾಂಶಭರಿತವಾಗಿರಿಸಬಹುದು ಜೊತೆಗೆ ದೃಷ್ಟಿಹೀನತೆಗೆ ಕಾರಣವಾಗುವ ಅತಿಯಾದ ಶುಷ್ಕತೆಯಿಂದ ತಡೆಯಬಹುದು.
ಬಳಸಬೇಕಾದ ತೈಲಗಳು: ಬಾದಾಮಿ ಎಣ್ಣೆ ಅಥವಾ ಸಾಸಿವೆ ಎಣ್ಣೆ
ಕೀಲು ನೋವು ನಿವಾರಣೆ:
ದೇಹದ ಭಂಗಿ, ವೈದ್ಯಕೀಯ ಸ್ಥಿತಿ ಅಥವಾ ಸ್ನಾಯುವಿನ ಸೆಳೆತದಿಂದಾಗಿ ದೇಹದ ನೋವಿನಿಂದ ಬಳಲುತ್ತಿರುವ ಜನರು ನೋವು ನಿವಾರಣೆಯನ್ನು ಕಂಡುಹಿಡಿಯಲು, ಉರಿಯೂತವನ್ನು ಕಡಿಮೆ ಮಾಡಲು ಮತ್ತು ಸ್ನಾಯುಗಳ ವಿಶ್ರಾಂತಿಗೆ ಹೊಕ್ಕುಳ ಚಿಕಿತ್ಸೆಯನ್ನು ಆರಿಸಿಕೊಳ್ಳಬಹುದು. ಬಳಸಬೇಕಾದ ತೈಲಗಳು: ಎಳ್ಳು ಎಣ್ಣೆ, ಕ್ಯಾಸ್ಟರ್ ಆಯಿಲ್ ಅಥವಾ ರೋಸ್ಮರಿ ಎಣ್ಣೆ
ಚರ್ಮದ ಆರೋಗ್ಯಕ್ಕೆ ಉತ್ತೇಜನಕಾರಿ:
ಸಾರಭೂತ ತೈಲಗಳೊಂದಿಗೆ ಹೊಕ್ಕುಳ ಮೇಲೆ ಮಸಾಜ್ ಮಾಡುವುದರಿಂದ ಚರ್ಮಕ್ಕೆ ಅದ್ಭುತ ಪ್ರಯೋಜನಗಳಿವೆ. ನೀವು ಪಿಗ್ಮೆಂಟೇಷನ್ ಕಡಿಮೆ ಮಾಡಲು, ಅತಿಯಾದ ಶುಷ್ಕತೆಯನ್ನು ತಡೆಯಲು, ಚರ್ಮಕ್ಕೆ ಟೋನ್ ನೀಡಲು, ತೇವಾಂಶ ಕಾಪಾಡಿಕೊಳ್ಳಲು ಮತ್ತು ಚರ್ಮದ ನೈಸರ್ಗಿಕ ಹೊಳಪನ್ನು ಬಯಸಿದರೆ ಹೊಕ್ಕಳ ಮೇಲೆ ಎಣ್ಣೆ ಮಸಾಜ್ ಮಾಡಿ. ಹಾರ್ಮೋನ್ ಸಮಸ್ಯೆಗಳಿಂದ ಮೊಡವೆಗಳು ಬರದಂತೆ ತಡೆಯಲು ರಕ್ತವನ್ನು ಶುದ್ಧೀಕರಿಸಲು ತೈಲವು ಸಹಾಯ ಮಾಡುತ್ತದೆ ಮತ್ತು ದೇಹದಿಂದ ಕಲೆಗಳನ್ನು ಸಹ ತೆಗೆದುಹಾಕುತ್ತದೆ.
ಬಳಸಬೇಕಾದ ತೈಲಗಳು: ಬೇವಿನ ಎಣ್ಣೆ, ಆಲಿವ್ ಎಣ್ಣೆ, ಬಾದಾಮಿ ಎಣ್ಣೆ, ಸಾಸಿವೆ ಎಣ್ಣೆ, ಟೀ ಟ್ರೀ ಎಣ್ಣೆ, ನಿಂಬೆ ಸಾರಭೂತ ತೈಲ ಅಥವಾ ರೋಸ್ಶಿಪ್ ಎಣ್ಣೆ