Bengaluru : ರಶ್ಮಿಕಾ ಮಂದಣ್ಣ(Rashmika Mandanna) ತಮ್ಮ ಇತ್ತೀಚಿನ ಪೋಸ್ಟ್‌ನಲ್ಲಿ, ಕೆಲವು ತಿಂಗಳುಗಳಿಂದ ತನ್ನನ್ನು ಬೇಸರಗೊಳಿಸುತ್ತಿರುವ ವಿಷಯದ ಬಗ್ಗೆ ಬರೆದುಕೊಂಡಿದ್ದಾರೆ. ತಮ್ಮ ಸುದೀರ್ಘ ಪೋಸ್ಟ್‌ನಲ್ಲಿ, ಅವರು ದ್ವೇಷವನ್ನು ಸ್ವೀಕರಿಸುವ ಬಗ್ಗೆ ಮತ್ತು ಟ್ರೋಲ್‌ಗಳಿಗೆ(Trollers) “ಪಂಚಿಂಗ್ ಬ್ಯಾಗ್” ಆಗಿರುವ ಬಗ್ಗೆ ಮಾತನಾಡಿದ್ದಾರೆ.
ಕಠಿಣ ಶ್ರಮದ ಮೂಲಕ ಮತ್ತು ತನ್ನನ್ನು ಮತ್ತು ತನ್ನ ಅಭಿಮಾನಿಗಳನ್ನು ಹೆಮ್ಮೆ ಪಡುವಂತೆ ಮಾಡಲು ಪ್ರಯತ್ನಿಸುತ್ತಿದ್ದೇನೆ ಎಂದು ಅವರು ಬಹಿರಂಗಪಡಿಸಿದರು.
ಟ್ರೋಲರ್ಸ್ ಗಳ ದ್ವೇಷವು ನನ್ನನ್ನು ನಿರಾಶೆಗೊಳಿಸುತ್ತದೆ ಎನ್ನುವ ಮಾತಿನೊಂದಿಗೆ ರಶ್ಮಿಕಾ ತಮ್ಮ ನೋಟ್ ಅನ್ನು ಪ್ರಾರಂಭಿಸಿದ್ದಾರೆ.
“ಹಾಯ್ ಸೋ.. ಕಳೆದ ಕೆಲವು ದಿನಗಳು, ವಾರಗಳು, ತಿಂಗಳುಗಳು ಅಥವಾ ಬಹುಶಃ ವರ್ಷಗಳಿಂದಲೇ ಒಂದೆರಡು ವಿಷಯಗಳು ನನಗೆ ತೊಂದರೆ ನೀಡುತ್ತಿವೆ.
ಈಗ ಅದನ್ನು ಪರಿಹರಿಸುವ ಸಮಯ ಎಂದು ನಾನು ಭಾವಿಸುತ್ತೇನೆ… ನಾನು ನನಗಾಗಿ ಮಾತ್ರ ಮಾತನಾಡುತ್ತಿದ್ದೇನೆ, ಇದನ್ನು ಬಹುಷಃ ನಾನು ವರ್ಷಗಳ ಹಿಂದೆಯೇ ಮಾಡಬೇಕಾಗಿತ್ತು.
ಇದನ್ನೂ ಓದಿ : https://vijayatimes.com/govt-school-student-questions/
ನಾನು ನನ್ನ ವೃತ್ತಿಜೀವನವನ್ನು ಪ್ರಾರಂಭಿಸಿದಾಗಿನಿಂದಲೂ ಬಹಳಷ್ಟು ದ್ವೇಷವನ್ನು ಸ್ವೀಕರಿಸುತ್ತಿದ್ದೇನೆ.
ಅಕ್ಷರಶಃ ಸಾಕಷ್ಟು ಟ್ರೋಲ್‌ಗಳು ಮತ್ತು ನಕಾರಾತ್ಮಕತೆಗೆ ಗುದ್ದುವ ಚೀಲವಾಗಿ ಪರಿಣಾಮಿಸಿದ್ದೇನೆ.
ನಾನು ಆಯ್ಕೆ ಮಾಡಿದ ಜೀವನಕ್ಕೆ ಅದರದ್ದೇ ಆದ ಕಾರಣವಿದೆ, ಪ್ರತಿಯೊಂದಕ್ಕೂ ಬೆಲೆಯಿದೆ ಎಂದು ನನಗೆ ತಿಳಿದಿದೆ.
ನಾನು ಪ್ರತಿಯೊಬ್ಬರಿಗೂ ಇಷ್ಟವಾಗಬೇಕೆಂದೇನಿಲ್ಲ ಎಂದು ಅರ್ಥಮಾಡಿಕೊಂಡಿದ್ದೇನೆ,
ಮತ್ತು ಖಂಡಿತವಾಗಿಯೂ ಪ್ರತಿಯೊಬ್ಬ ವ್ಯಕ್ತಿಯೂ ನನ್ನನ್ನು ಪ್ರೀತಿಸಬೇಕು ಎಂದು ನಾನು ನಿರೀಕ್ಷಿಸುವುದಿಲ್ಲ.
ನೀವು ನನ್ನನ್ನು ಒಪ್ಪಿಕೊಳ್ಳದ ಕಾರಣ ನಕಾರಾತ್ಮಕವಾಗಿ ಮಾತನಾಡುತ್ತಿರಬಹುದು. ಆದರೆ, ನಿಮ್ಮೆಲ್ಲರನ್ನು ಸಂತೋಷ ಪಡಿಸಲು ನಾನು ದಿನನಿತ್ಯ ಯಾವ ರೀತಿಯ ಕೆಲಸ ಮಾಡುತ್ತಿದ್ದೇನೆಂದು ನನಗೆ ಮಾತ್ರ ತಿಳಿದಿದೆ.
ನನ್ನ ಕೆಲಸದ ಮೂಲಕ ನಿಮ್ಮನ್ನು ಸಂತೋಷ ಪಡಿಸುವ ಬಗ್ಗೆ ನಾನು ಕಾಳಜಿ ವಹಿಸುತ್ತೇನೆ. ನೀವು ಮತ್ತು ನಾನು ಇಬ್ಬರೂ ಹೆಮ್ಮೆ ಪಡುವ ವಿಷಯಗಳನ್ನು ಹೊರಹಾಕಲು ನಾನು ನಿಜವಾಗಿಯೂ ಪ್ರಯತ್ನಿಸುತ್ತಿದ್ದೇನೆ.
ಆದರೆ, ಇಂಟರ್ನೆಟ್ನಲ್ಲಿ ವಿಶೇಷವಾಗಿ ನಾನು ಹೇಳದ ವಿಷಯಗಳಿಗಾಗಿ ಅಪಹಾಸ್ಯಕ್ಕೆ ಒಳಗಾದಾಗ ಅದು ಹೃದಯಕ್ಕೆ ಬೇಸರವನ್ನುಂಟು ಮಾಡುತ್ತದೆ, ಮತ್ತು ಪ್ರಾಮಾಣಿಕವಾಗಿ ನನ್ನ ಉತ್ಸಾಹವನ್ನು ಕಸಿಯುತ್ತದೆ.
ಸಂದರ್ಶನಗಳಲ್ಲಿ ನಾನು ಹೇಳಿದ ಕೆಲವು ವಿಷಯಗಳು ನನ್ನ ವಿರುದ್ಧವೇ ತಿರುಗುತ್ತಿವೆ ಎಂದು ನಾನು ಕಂಡುಕೊಂಡಿದ್ದೇನೆ. ಸುಳ್ಳು ವಿಷಯಗಳು ಇಂಟರ್ನೆಟ್ನಲ್ಲಿ(Internet) ಹರಡಿರುವುದು ನನಗೆ ಮತ್ತು ನನ್ನ ವೃತ್ತಿಗೆ ತುಂಬಾ ಹಾನಿಕಾರಕವಾಗಿದೆ.
ನಾನು ರಚನಾತ್ಮಕ ಟೀಕೆಗಳನ್ನು ಸ್ವಾಗತಿಸುತ್ತೇನೆ, ಏಕೆಂದರೆ ಅದು ನನ್ನನ್ನು ಸುಧಾರಿಸಲು ಮತ್ತು ಉತ್ತಮವಾಗಿ ಮಾಡಲು ಪ್ರೋತ್ಸಾಹಿಸುತ್ತದೆ.
ಇದನ್ನೂ ಓದಿ : https://vijayatimes.com/homeremedies-for-ear-pain/
ಆದರೆ ಕೆಟ್ಟ ನಕಾರಾತ್ಮಕತೆ ಮತ್ತು ದ್ವೇಷದಿಂದ ಏನಿದೆ? ಇದನ್ನು ನಿರ್ಲಕ್ಷಿಸಬೇಕೆಂದು ನಾನು ಬಹಳ ಸಮಯದಿಂದ ಪ್ರಯತ್ನಿಸಿದ್ದೇನೆ. ಆದರೆ ದಿನಕಳೆದಂತೆ, ಟೀಕೆಗಳು ಬಹಳ ಕೆಟ್ಟದಾಗುತ್ತಿವೆ.
ನಾನು ಯಾರನ್ನೂ ಗೆಲ್ಲಲು ಪ್ರಯತ್ನಿಸುತ್ತಿಲ್ಲ, ಒಬ್ಬ ಮನುಷ್ಯನನ್ನು ಬದಲಾಗಲು ಒತ್ತಾಯಿಸಲು ನಾನು ಬಯಸುವುದಿಲ್ಲ. ಈ ದ್ವೇಷವನ್ನು ನಾನು ಸ್ವೀಕರಿಸುತ್ತಲೇ ಇದ್ದೇನೆ ಎಂದು ರಶ್ಮಿಕಾ ಮಂದಣ್ಣ ಮುಂದುವರಿಸಿದರು.
ಟ್ರೋಲ್ ಮಾಡುವವರನ್ನು ಬಿಟ್ಟು, ಉಳಿದ ನನ್ನ ಅಭಿಮಾನಿಗಳಿಂದ ಸ್ವೀಕರಿಸುತ್ತಿರುವ ಎಲ್ಲಾ ಪ್ರೀತಿಯನ್ನು ನಾನು ಗೌರವಿಸುತ್ತೇನೆ.
ನಿಮ್ಮ ನಿರಂತರ ಪ್ರೀತಿ ಮತ್ತು ಬೆಂಬಲವೇ ನನ್ನನ್ನು ಮುಂದುವರೆಸಿದೆ ಮತ್ತು ನನಗೆ ಕೆಟ್ಟ ಘಟನೆಗಳಿಂದ ಹೊರ ಬರಲು ಧೈರ್ಯವನ್ನು ನೀಡಿದೆ.
ನನಗೆ ನನ್ನ ಸುತ್ತಲಿರುವ ಎಲ್ಲರ ಮೇಲೂ ಪ್ರೀತಿಯಿದೆ, ನಾನು ಇಲ್ಲಿಯವರೆಗೆ ಕೆಲಸ ಮಾಡಿದ ವ್ಯಕ್ತಿಗಳು, ನಾನು ಯಾವಾಗಲೂ ಮೆಚ್ಚಿರುವ ಎಲ್ಲರನ್ನು ನಾನು ಪ್ರೀತಿಸುತ್ತೇನೆ.
ನಾನು ಕಷ್ಟಪಟ್ಟು ಕೆಲಸ ಮಾಡುತ್ತೇನೆ ಮತ್ತು ನಿಮಗಾಗಿ ಇನ್ನೂ ಉತ್ತಮ ಕಾರ್ಯಗಳನ್ನು ಮಾಡುತ್ತೇನೆ. ಏಕೆಂದರೆ ನಾನು ಹೇಳಿದಂತೆ, ನಿಮ್ಮನ್ನು ಸಂತೋಷಪಡಿಸುವುದು ನನಗೆ ಸಂತೋಷವನ್ನು ನೀಡುತ್ತದೆ.
ನಾವೆಲ್ಲರೂ ನಮ್ಮ ಕೈಲಾದದ್ದನ್ನು ಮಾಡಲು ಪ್ರಯತ್ನಿಸುತ್ತಿದ್ದೇವೆ, ಕೊಂಚ ಬೇರೆಯವರ ಬಗೆಗೂ ಕಾಳಜಿಯಿರಲಿ ಎಂದು ತಮ್ಮ ಪೋಸ್ಟ್ ಅನ್ನು ಕೊನೆಗೊಳಿಸಿದರು.
ರಶ್ಮಿಕಾ ಮಂದಣ್ಣ ಈ ಪೋಸ್ಟ್ ಅನ್ನು ಹಂಚಿಕೊಂಡ ತಕ್ಷಣ, ಅವರ ಸೀತಾ ರಾಮಂ ಚಿತ್ರದ ಸಹನಟ ದುಲ್ಕರ್ ಸಲ್ಮಾನ್ ಕಾಮೆಂಟ್ ವಿಭಾಗದಲ್ಲಿ ಹೀಗೆ ಬರೆದಿದ್ದಾರೆ,
“ಪ್ರೀತಿಯು ನಿನ್ನಂತೆ ಇರಲು ಬಯಸುವವರಿಂದ, ದ್ವೇಷವು ಎಂದಿಗೂ ಸಾಧ್ಯವಿಲ್ಲದವರಿಂದ. ನೀನು ನೀನಾಗಿರು! ನೀನು ಅದ್ಭುತವಾಗಿದ್ದೀಯ” ಎಂದು ಪ್ರತಿಕ್ರಿಯಿಸಿದರು.
ಎಲಿ ಅವ್ರಾಮ್ ಆರಾಧ್ಯ “ನಿಮಗೆ ದೊಡ್ಡ ಕುಚಿಪುಚಿಯ ಅಪ್ಪುಗೆ” ಎಂದು ಕಾಮೆಂಟ್ ಮಾಡಿದರು.
ಇನ್ನು, ರಶ್ಮಿಕಾ ಅಭಿಮಾನಿಗಳು ಕೂಡ ನಟಿಯ ಬೆಂಬಲಕ್ಕೆ ಬಂದರು ಮತ್ತು ಕಾಮೆಂಟ್ ವಿಭಾಗದಲ್ಲಿ ತಮ್ಮ ಬೆಂಬಲ ವ್ಯಕ್ತಪಡಿಸಿದರು. ಅಭಿಮಾನಿಯೊಬ್ಬರು, “ನೀವು ಆ ಜೋಕರ್‌ಗಳ ಬಗ್ಗೆ ಚಿಂತಿಸಬೇಡಿ” ಎಂದು ಬರೆದಿದ್ದಾರೆ.
ಇನ್ನೊಬ್ಬರು, “ದ್ವೇಷಿಗಳು ಇದ್ದೇ ಇರುತ್ತಾರೆ, ಅವರನ್ನು ನಿರ್ಲಕ್ಷಿಸಿ ಮುಂದುವರಿಯುತ್ತಲೇ ಇರುತ್ತಾರೆ, ನಿಮ್ಮನ್ನು ಬೆಂಬಲಿಸಲು ಮತ್ತು ನಿಮ್ಮನ್ನು ಪ್ರೋತ್ಸಾಹಿಸಲು ನಾವು ಇದ್ದೇವೆ” ಎಂದು ಕಾಮೆಂಟ್ ಮಾಡಿದ್ದಾರೆ.
- ಪವಿತ್ರ