ಸಾಮಾಜಿಕ ಮಾಧ್ಯಮದಲ್ಲಿ(Social Media) ವೈರಲ್(Viral) ಕಳೆದ ಒಂದೆರೆಡು ದಿನದಿಂದ ಒಂದು ವೀಡಿಯೋ ಬಹಳ ವೈರಲ್ ಆಗುತ್ತಿದೆ. ಆ ವೀಡಿಯೊದಲ್ಲಿ ಕುರ್ತಾ(Kurta) ಮತ್ತು ಸ್ಕರ್ಟ್(Skirt) ಧರಿಸಿರುವ ಪುರುಷ ವ್ಯಕ್ತಿಯೊಬ್ಬರು ನ್ಯೂಯಾರ್ಕ್ನ(NewYork) ಬೀದಿಗಳಲ್ಲಿ ನೃತ್ಯ ಮಾಡುತ್ತಿರುವುದನ್ನು ತೋರಿಸುತ್ತದೆ. ಜೈನಿಲ್ ಮೆಹ್ತಾ, ನೃತ್ಯ ಸಂಯೋಜಕನಾಗಿರುವ ಇವರು, ನ್ಯೂಯಾರ್ಕ್ ಬೀದಿಗಳಲ್ಲಿ ಪುಷ್ಪಾ ಸಿನಿಮಾದ ಸಾಮಿ ಸಾಮಿ ಹಾಡಿಗೆ ಕುಣಿದಿದ್ದಾರೆ.
ಇವರ ನೃತ್ಯ ಕೌಶಲ್ಯವು ಅದ್ಭುತವಾಗಿದೆ ಮತ್ತು ನೆಟಿಜನ್ಗಳ ಗಮನವನ್ನು ತಮ್ಮ ವೇಷಭೂಷಣದಿಂದಲೇ ಸೆಳೆಯುತ್ತಿದ್ದಾರೆ. ಕುರ್ತಾ ಮತ್ತು ಸ್ಕರ್ಟ್ ಧರಿಸಿ ನೃತ್ಯ ಮಾಡಿರುವ ವೀಡಿಯೋ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಬಹಳ ವೈರಲ್ ಅಗುತ್ತಿದೆ. ಈ ಒಂದು ವೀಡಿಯೊ ಬರೋಬ್ಬರಿ 3 ಲಕ್ಷಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಪಡೆದುಕೊಂಡಿದೆ ಮತ್ತು ಜೈನಿಲ್ ಡ್ರೀಮ್ ಟೂ ಡ್ಯಾನ್ಸ್ ಎಂಬ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಪೋಸ್ಟ್ ಮಾಡಿದ್ದಾರೆ. ಇದೀಗ ಈ ವೀಡಿಯೋ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದ್ದು,
ಸಾಕಷ್ಟು ಜನ ಕಮೆಂಟ್ ಮಾಡುವ ಮೂಲಕ ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸುತ್ತಿದ್ದಾರೆ. ಈ ವೀಡಿಯೊದ ಹಿಂದೆ ಮ್ಯಾನ್ಹ್ಯಾಟನ್ ಸೇತುವೆಯನ್ನು ಕೂಡ ಕಾಣಬಹುದು. ಸಹಜವಾಗಿ, ನೆಟಿಜನ್ಗಳು ಈ ವೀಡಿಯೊವನ್ನು ಸಂಪೂರ್ಣವಾಗಿ ಇಷ್ಟಪಟ್ಟಿದ್ದಾರೆ. “ನೀವು ಲಚಕ್, ಗ್ರೇಸ್, ಆದೈನ್, ನಜಕತ್ ಎಲ್ಲವನ್ನೂ ಹೊಂದಿದ್ದೀರಿ. ಒಬ್ಬ ಅದ್ಬುತ ಸಂಪೂರ್ಣ ಪ್ರದರ್ಶಕ, 60 ಸೆಕೆಂಡ್ ವೀಡಿಯೊ ವೀಕ್ಷಣೆ ನಮಗೆ ಸಾಕಾಗುವುದಿಲ್ಲ. ಇನ್ನು ಹೆಚ್ಚು ಅವಧಿಯ ಡ್ಯಾನ್ಸ್ ವೀಡಿಯೋ ಪೋಸ್ಟ್ ಮಾಡಿ ಎಂದು ಕಮೆಂಟ್ ಮೂಲಕ ಹೇಳಿದ್ದಾರೆ.
