ಕೊಚ್ಚಿ, ಮೇ. 14: ಕೇರಳ ಹೈಕೋರ್ಟ್ ಇಂದು ಸಾಫ್ಟ್‌ವೇರ್ ಕಾನೂನು ಕೇಂದ್ರದ ವಕೀಲರ ಮೂಲಕ ಸಲ್ಲಿಸಿದ ಪಿಐಎಲ್ ಅರ್ಜಿಯನ್ನು ಕೇಂದ್ರದ ಲಿಬರಲೈಸ್ಡ್ ಪ್ರೈಸಿಂಗ್ ಮತ್ತು ಆಕ್ಸಿಲರೇಟೆಡ್ ನ್ಯಾಷನಲ್ ಕೊವಿಡ್ -19 ವ್ಯಾಕ್ಸಿನೇಷನ್ ಸ್ಟ್ರಾಟಜಿ (ಲಸಿಕೆ ನೀತಿ) ಯನ್ನು ಅದರ ಬೆಲೆ ಮತ್ತು ಉತ್ಪಾದನಾ ನೀತಿಗಾಗಿ ಪ್ರತಿಪಾದಿಸಿದೆ. ವಿಚಾರಣೆಯ ವೇಳೆ ಕೇರಳ ರಾಜ್ಯಕ್ಕೆ ಲಸಿಕೆಗಳನ್ನು ಪೂರೈಸಲು ಕೇಂದ್ರ ಸರ್ಕಾರಕ್ಕೆ ನಿರ್ದೇಶನ ನೀಡುವಂತೆ ರಾಜ್ಯ ವಕೀಲರು ನ್ಯಾಯಾಲಯಕ್ಕೆ ಮನವಿ ಮಾಡಿದರು.
ರಷ್ಯಾ ಅಥವಾ ಕ್ಯೂಬಾದಿಂದ ತೆಗೆದುಕೊಂಡು ಬರುವುದಾದರೂ ಸರಿ, ನಮಗೆ ಸಾಧ್ಯವಾದಷ್ಟು ಲಸಿಕೆ ಬೇಕು ಎಂದು ರಾಜ್ಯ ವಕೀಲರು ನ್ಯಾಯಾಲಯದಲ್ಲಿ ಅರ್ಜಿ ಸಲ್ಲಿಸಿದರು. ನ್ಯಾಯಮೂರ್ತಿಗಳಾದ ರಾಜಾ ವಿಜಯರಾಘವನ್ ಮತ್ತು ಎಂಆರ್ ಅನಿತಾ ಅವರ ವಿಭಾಗೀಯ ಪೀಠವು ಕೊವಿಡ್ ಲಸಿಕೆಗಳನ್ನು ರಾಜ್ಯಕ್ಕೆ ಯಾವಾಗ ಪೂರೈಸುತ್ತೀರಿ? ಪೂರೈಸುವ ಕಾಲಾವಧಿ ಬಗ್ಗೆ ತಿಳಿಸುವಂತೆ ಕೇಂದ್ರಕ್ಕೆ ನಿರ್ದೇಶಿಸಿತು.
ಕಳೆದ ವಾರ ನ್ಯಾಯಮೂರ್ತಿ ದೇವನ್ ರಾಮಚಂದ್ರನ್ ನೇತೃತ್ವದ ವಿಭಾಗೀಯ ಪೀಠವು ಕೇರಳಕ್ಕೆ ಲಸಿಕೆಗಳು ಯಾವಾಗ ಸಿಗುತ್ತದೆ ಎಂದು ಕೇಳಿತ್ತು. ಈ ವಿಷಯದ ಬಗ್ಗೆ ಮುಂದಿನ ವಾರ ಶುಕ್ರವಾರದೊಳಗೆ ಹೇಳಿಕೆ ಸಲ್ಲಿಸಲು ಕೇಂದ್ರ ಸರ್ಕಾರದ ವಕೀಲ ಕೆ.ರಾಜ್‌ಕುಮಾರ್ ಸಮಯ ಕೋರಿದ್ದಾರೆ.