ಈ ಮಹಿಳೆಗೆ ನಾಲಿಗೆಯ ಮೇಲೆ ಕೂದಲು ಬೆಳೆಯುತ್ತಿದೆ ; ಕಾರಣ ತಿಳಿದರೆ ಅಚ್ಚರಿ ಪಡುವಿರಿ!

ಈ ಮಹಿಳೆಯ ಹೆಸರು ಕ್ಯಾಮರೂನ್ ನ್ಯೂಸಮ್(Cameron Newsom). ಕೊಲೆರಾಡೋ(Colorado) ದೇಶದ 42 ವರ್ಷದ ಜಿಮ್ನಾಸ್ಟಿಕ್ ಟ್ರೈನರ್(Gymnastic Trainer) ಈಕೆ. ಕ್ಯಾಮರೂನ್ ನ್ಯೂಸಮ್ಗೆ 33 ವರ್ಷವಿದ್ದಾಗ ನಾಲಿಗೆ ಊದಿಕೊಂಡು ಆಹಾರ ರುಚಿಯನ್ನು ಗ್ರಹಿಸುವ ಶಕ್ತಿ ಕಳೆದುಕೊಂಡರಂತೆ. ತಪಾಸಣೆಗೊಳಗಾದ ಆಕೆಗೆ ನಾಲಿಗೆ ಕ್ಯಾನ್ಸರ್ ರೋಗವಿದೆ ಎನ್ನುವುದು ಗೊತ್ತಾಗಿತ್ತು.

ಸ್ವಲ್ಪ ದಿನಗಳ ನಂತರ ಕ್ಯಾನ್ಸರ್(Cancer) ಸೋಂಕು ವಿಪರೀತಗೊಂಡು ತಿನ್ನಲು, ಕುಡಿಯಲು ಸಾಧ್ಯವಾಗದೇ ಇವರು 7 ಪೌಂಡ್ ತೂಕ ಕಳೆದುಕೊಂಡರು. ಬಳಿಕ ಕಿಮೋಥೆರಪಿಗೆ(Kimotheraphy) ಒಳಗಾದ ಆಕೆ ನಾಲಿಗೆಯ ಮೇಲಿನ ಕ್ಯಾನ್ಸರ್ ಗಡ್ಡೆಯನ್ನು ತೆಗೆದುಹಾಕಲು ಶಸ್ತ್ರಚಿಕಿತ್ಸೆಗೆ ಒಳಗಾದರು. ಈ ವೇಳೆ ಆಕೆ ಅರ್ಧ ನಾಲಿಗೆ ಕಳೆದುಕೊಳ್ಳಬೇಕಾಯಿತು. ಇದರಿಂದ ಮುಂದೆ ಮಾತಾಡಲು, ತಿನ್ನಲು ಕಷ್ಟವಾಗಬಹುದು ಎಂಬ ಕಾರಣಕ್ಕಾಗಿ ವೈದ್ಯರ ಸಲಹೆಯಂತೆ ಆಕೆ ಕತ್ತರಿಸಿದ ಆ ಅರ್ಧ ನಾಲಿಗೆಗೆ ತನ್ನ ಕಾಲಿನ ಚರ್ಮವನ್ನು ಕಸಿ ಮಾಡಿಸಿಕೊಂಡಿದ್ದಾರೆ. ಇದಾದ 9 ತಿಂಗಳ ಬಳಿಕ ನಾಲಿಗೆಯ ಮೇಲೆ ಏನೋ ಒರಟಾದ ವಸ್ತು ತಾಕಿದಂತೆ ಅನುಭವವಾಗಿದೆ.

ಕನ್ನಡಿಯಲ್ಲಿ ನೋಡಿಕೊಂಡಾಗ ಕ್ಯಾಮರೂನ್ ಬೆಚ್ಚಿ ಬಿದ್ದಿದ್ದಾರೆ. ಕಾರಣ ಆಕೆಯ ನಾಲಿಗೆಯ ಮೇಲೆ ಕೂದಲು ಬೆಳೆಯುತ್ತಿತ್ತು ಎಂಬ ಸಂಗತಿ. ವೈದ್ಯರ ಬಳಿ ತಪಾಸಣೆ ನಡೆಸಿದಾಗ ನಾಲಿಗೆಗೆ ಕಾಲಿನ ಚರ್ಮ ಕಸಿ ಮಾಡಿದ್ದರಿಂದ ಕೂದಲು ನಾಲಿಗೆ ಮೇಲೆ ಬೆಳೆದಿವೆ ಎಂದು ಗೊತ್ತಾಗಿದೆ. ಇದರಿಂದ ಮಹಿಳೆಗೆ ಒಂದು ಸಮಸ್ಯೆಯಿಂದ ಪಾರಾದೆ ಎನ್ನುವಷ್ಟರಲ್ಲಿ ಇನ್ನೊಂದು ಸಮಸ್ಯೆ ಎದುರಾಗಿದೆ. ಈ ಸಮಸ್ಯೆಗೆ ಪರಿಹಾರ ಇಲ್ಲದ ಕಾರಣ ಆಕೆ ನಾಲಿಗೆ ಮೇಲೆ ಕೂದಲು ಬಂದರೂ ಏನೂ ಮಾಡಲಾಗದೇ ಅದಕ್ಕೆ ಹೊಂದಿಕೊಂಡಿದ್ದಾರಂತೆ.

ಆದರೆ, ಇವರಿಗೆ ಊಟ ಮಾಡಿದಾಗ, ಮಾತನಾಡಿದಾಗ ಆ ಕೂದಲು ಕಿರಿಕಿರಿ ಉಂಟು ಮಾಡುತ್ತಂತೆ. ಅಲ್ಲದೇ ಮೊದಲಿನಂತೆ ನಾಲಿಗೆ ರುಚಿಯೂ ಗುರುತಿಸುತ್ತಿಲ್ಲವಂತೆ. ಈ ಎಲ್ಲಾ ಸಮಸ್ಯೆಗಳ ಮಧ್ಯೆಯೂ ಕ್ಯಾಮರೂನ್ ಮತ್ತೆ ತಮ್ಮ ಜಿಮ್ನಾಸ್ಟಿಕ್ ವೃತ್ತಿಗೆ ಮರಳಿದ್ದಾರೆ ಎಂಬುದು ವಿಶೇಷ.