ಮನುಷ್ಯರಿಗೆ ಮಾತ್ರವಲ್ಲದೆ ಪ್ರಾಣಿಗಳನ್ನು ಕಾಡುತ್ತಿರುವ ಕೊರೊನಾ !

ನವದೆಹಲಿ ಡಿ 2 :  ಕೊರೊನಾ ಭೀತಿ ಹೆಚ್ಚುತ್ತಿರುವ ಹಿನ್ನಲೆಯಲ್ಲಿ ಇದೀಗ ಕೊರೊನಾ ಸೋಂಕು ಕೇವಲ ಮನುಷ್ಯರಿಗೆ ಮಾತ್ರವಲ್ಲದೇ ಪ್ರಾಣಿಗಳಿಗೂ ಹರಡುತ್ತಿದೆ ಎಂಬ ಆತಂಕಕಾರಿ ಮಾಹಿತಿ ಬಹಿರಂಗವಾಗಿದೆ. ಜಗತ್ತಿನಾದ್ಯಂತ ಭೀತಿ ಹುಟ್ಟುಹಾಕಿರುವ ಕೊರೊನಾ ಕಾಟಕ್ಕೆ ಜನ ತತ್ತರಿಸಿ ಹೋಗಿದ್ದಾರೆ. ಈಗಾಗಲೇ ತನ್ನ ರೂಪವನ್ನು ಬದಲಿಸಿ ಆತಂಕ ಹೆಚ್ಚಿಸಿರುವ ಕೋವಿಡ್, ಪ್ರಾಣಿಗಳಲ್ಲಿಯೂ (Corona in wildlife) ಕಂಡುಬಂದಿದೆ. 

ಪರಿಸರ ಮತ್ತು ಹವಾಮಾನ ಬದಲಾವಣೆಯ ಕೆನಡಾ ಮಾಹಿತಿ ಪ್ರಕಾರ, ಬುಧವಾರ ಮೂರು ಬಿಳಿ ಬಾಲದ ಜಿಂಕೆಗಳಲ್ಲಿ(white tailed deer) ಕೊರೊನಾ ಮೊದಲ ಪ್ರಕರಣ ಕಂಡುಬಂದಿದೆ.

ಸೋಮವಾರ, ನ್ಯಾಷನಲ್ ಸೆಂಟರ್ ಫಾರ್ ಫಾರಿನ್ ಅನಿಮಲ್ ಡಿಸೀಸ್ ಕೆನಡಾದಲ್ಲಿ ಮೂರು ಬಿಳಿ-ಬಾಲದ ಜಿಂಕೆಗಳಲ್ಲಿ SARS-CoV-2 ನ ಮೊದಲ ಪ್ರಕರಣ ಪತ್ತೆಯಾಗಿರುವುದನ್ನು ದೃಢಪಡಿಸಲಾಗಿದೆ.

ಈ ಜಿಂಕೆಗಳನ್ನು ಈ ವರ್ಷ ನವೆಂಬರ್ 6 ರಿಂದ 8 ರ ನಡುವೆ ಕ್ವಿಬೆಕ್‌ನ ಎಸ್ಟ್ರಿ ಪ್ರದೇಶದಲ್ಲಿ (Estrie region of Quebec) ಪರೀಕ್ಷೆಗೆ ಒಳಪಡಿಸಲಾಗಿತ್ತು. ದಕ್ಷಿಣ ಕ್ವಿಬೆಕ್‌ನಲ್ಲಿರುವ big-game registration station ಮೂಲಕ SARS-CoV-2 ಗಾಗಿ ಮಾದರಿಗಳನ್ನು ಸಂಗ್ರಹಿಸಲಾಗಿದೆ. 

ಯುನೈಟೆಡ್ ಸ್ಟೇಟ್ಸ್ ನಲ್ಲಿನ ಸಂಶೋಧನೆಗಳ ಪ್ರಕಾರ, ಜಿಂಕೆಗಳು ರೋಗದ ವೈದ್ಯಕೀಯ ಗುಣಲಕ್ಷಣಗಳ ಯಾವುದೇ ಪುರಾವೆಗಳನ್ನು ತೋರಿಸಲಿಲ್ಲ. ಎಲ್ಲಾ ಜಿಂಕೆಗಳು ಆರೋಗ್ಯಕರವಾಗಿವೆ. ಪ್ರಾಣಿಗಳ ಆರೋಗ್ಯಕ್ಕಾಗಿ ವಿಶ್ವ ಸಂಸ್ಥೆಗೆ ಬುಧವಾರ ಸೂಚನೆ ನೀಡಲಾಗಿದೆ. ಈ ಕುರಿತು ಪರಿಸರ ಮತ್ತು ಹವಾಮಾನ ಬದಲಾವಣೆ ಕೆನಡಾ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.

ಮಾನವ-ಪ್ರಾಣಿಗಳ ಇಂಟರ್‌ಫೇಸ್‌ನಲ್ಲಿ SARS-CoV-2 ಕುರಿತು ತಿಳುವಳಿಕೆಯನ್ನು ಹೆಚ್ಚಿಸಲು ವನ್ಯಜೀವಿಗಳಲ್ಲಿ SARS-CoV-2 ಗಾಗಿ ನಡೆಯುತ್ತಿರುವ ಕಣ್ಗಾವಲಿನ ಪ್ರಾಮುಖ್ಯತೆಯನ್ನು ಈ ಸಂಶೋಧನೆಯು ಒತ್ತಿಹೇಳುತ್ತದೆ ಎಂದು ಪತ್ರಿಕಾ ಪ್ರಕಟಣೆ ತಿಳಿಸಿದೆ.