New Delhi :  ಆದಾಯ ತೆರಿಗೆ ಇಲಾಖೆಯ ಅಧಿಕಾರಿಗಳು(Enforcement Directorate) ಮಂಗಳವಾರ ದೆಹಲಿ ಮತ್ತು ಮುಂಬೈನಲ್ಲಿರುವ ಬಿಬಿಸಿ(BBC) ಕಚೇರಿಗಳ ಮೇಲೆ ದಾಳಿ ಮಾಡಿರುವುದನ್ನು ವಿರೋಧ ಪಕ್ಷಗಳು ತೀವ್ರವಾಗಿ ಖಂಡಿಸಿವೆ. ಈ ವಿವಾದ ಇದೀಗ (ED raids BBC office) ರಾಜಕೀಯ ಗದ್ದಲಕ್ಕೆ ಕಾರಣವಾಗಿದೆ.

ಇದು ಒಂದು ಸಮೀಕ್ಷೆಯಾಗಿದ್ದು, ಯಾವುದೇ ದಾಳಿ ಅಥವಾ ಹುಡುಕಾಟವಲ್ಲ.  ಇದು ದಾಖಲೆಗಳ ಪರಿಶೀಲನೆಯನ್ನು ಒಳಗೊಂಡಿರುತ್ತದೆ.

ಇಂತಹ ಸಮೀಕ್ಷೆಗಳು ವ್ಯವಹಾರಗಳ ಮೇಲೆ ವಾಡಿಕೆಯಂತೆ ನಡೆಸಲ್ಪಡುತ್ತವೆ ಎಂದು ಆದಾಯ ತೆರಿಗೆ ಅಧಿಕಾರಿಯೊಬ್ಬರು ಹೇಳಿದ್ದಾರೆ.

“ಆದಾಯ ತೆರಿಗೆ ಅಧಿಕಾರಿಗಳು ಪ್ರಸ್ತುತ ನವದೆಹಲಿ(New Delhi) ಮತ್ತು ಮುಂಬೈನಲ್ಲಿರುವ(Mumbai) ಬಿಬಿಸಿ ಕಚೇರಿಗಳಲ್ಲಿದ್ದಾರೆ.

ನಾವು ಸಂಪೂರ್ಣವಾಗಿ ಅವರಿಗೆ ಸಹಕರಿಸುತ್ತಿದ್ದೇವೆ. ಈ ಪರಿಸ್ಥಿತಿಯನ್ನು ಸಾಧ್ಯವಾದಷ್ಟು ಬೇಗ ಪರಿಹರಿಸಲಾಗುವುದು ಎಂದು ನಾವು ಭಾವಿಸುತ್ತೇವೆ. 

ಬ್ರಿಟನ್‌(Britain) ಸರ್ಕಾರವು ಭಾರತದಲ್ಲಿನ ಬಿಬಿಸಿಯ ಕಚೇರಿಗಳ ಮೇಲೆ ನಡೆಸಿದ ತೆರಿಗೆ ಸಮೀಕ್ಷೆಗಳ ವರದಿಗಳನ್ನು ನಿಕಟವಾಗಿ ಮೇಲ್ವಿಚಾರಣೆ ಮಾಡುತ್ತಿದೆ “ ಎಂದು ಬಿಬಿಸಿ ಕಂಪನಿಯ ವಕ್ತಾರರು ಟ್ವಿಟರ್‌ನಲ್ಲಿ(Twitter) ತಿಳಿಸಿದ್ದಾರೆ.

ಈ ದಾಳಿಯ ಕುರಿತು ಪ್ರತಿಕ್ರಿಯೆ ನೀಡಿರುವ ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಖಾತೆ ಸಚಿವ ಅನುರಾಗ್ ಠಾಕೂರ್(Anurag Takur),  ಯಾರೂ ಕಾನೂನಿಗಿಂತ ಮೇಲಲ್ಲ.

ಸಮೀಕ್ಷೆಗಳು ಮುಗಿದ ನಂತರ, ಅದು ಪತ್ರಿಕಾ ಟಿಪ್ಪಣಿಯನ್ನು ನೀಡುತ್ತದೆ. ಐಟಿ ಇಲಾಖೆ ತನ್ನ ಸಮೀಕ್ಷೆಯನ್ನು ಪೂರ್ಣಗೊಳಿಸಿದಾಗ, ಅದು ನಿಮ್ಮೊಂದಿಗೆ ವಿವರಗಳನ್ನು ಹಂಚಿಕೊಳ್ಳುತ್ತದೆ” ಎಂದಿದ್ದಾರೆ.

ಇದನ್ನೂ ಓದಿ: ಆರ್‌ಸಿಬಿ ತಂಡಕ್ಕೆ ಬರುತ್ತಿದ್ದಂತೆ ‘ನಮಸ್ಕಾರ ಬೆಂಗಳೂರು’ ಎಂದು ಕೂಗಿದ ಸ್ಮೃತಿ ಮಂದಾನ

ಇನ್ನು ದೆಹಲಿಯ ಕಸ್ತೂರ್ಬಾ ಗಾಂಧಿ ಮಾರ್ಗ ಮತ್ತು ಮುಂಬೈನ ಬಾಂದ್ರಾ ಕುರ್ಲಾ ಕಾಂಪ್ಲೆಕ್ಸ್ನಲ್ಲಿ ಬೆಳಿಗ್ಗೆ ದಾಳಿ ಪ್ರಾರಂಭವಾಯಿತು.

ಕಾರ್ಯಾಚರಣೆಯ ಭಾಗವಾಗಿ, ಸುಮಾರು 20-22 ಅಧಿಕಾರಿಗಳು ದೆಹಲಿಯ ಬಿಬಿಸಿ ಕಚೇರಿಗೆ ತೆರಳಿ, ಅಲ್ಲಿ ಕೆಲಸ ಮಾಡುವ(ED raids BBC office) ಪತ್ರಕರ್ತರ ಖಾತೆಗಳ ಪುಸ್ತಕಗಳು, ತೆರಿಗೆ ಪತ್ರಗಳು ಮತ್ತು ಮೊಬೈಲ್ ಫೋನ್ಗಳನ್ನು ವಶಪಡಿಸಿಕೊಂಡರು.

ಮಧ್ಯಾಹ್ನದ ನಂತರ ಕುಟುಂಬ ಸದಸ್ಯರಿಗೆ ಕರೆ ಮಾಡಲು ಮಾತ್ರ ಅನುಮತಿಸಲಾಯಿತು.

ಇಡಿ ತಂಡವು ಹಣಕಾಸಿನ ದಾಖಲೆಗಳನ್ನು ಪರಿಶೀಲಿಸಲು ರಾತ್ರಿಯಿಡೀ ಬಿಬಿಸಿ ಕಚೇರಿಗಳಲ್ಲಿ ಉಳಿದಿದ್ದು, ಕಾರ್ಯಾಚರಣೆಯು ಇಂದು ಕೂಡಾ ಮುಂದುವರೆದಿದದೆ.

ಇನ್ನು ಈ ದಾಳಿಯು ವಾಕ್ ಸ್ವಾತಂತ್ರ್ಯದ ಮೇಲೆ ನಡೆದ ದಾಳಿಯಾಗಿದೆ ಎಂದು ವಿರೋಧ ಪಕ್ಷಗಳು  ಟೀಕಿಸಿವೆ. ಇದಕ್ಕೆ ತೀವ್ರ ಆಕ್ಷೇಪ ವ್ಯಕ್ತಪಡಿಸಿರುವ ಬಿಜೆಪಿ, 

ಬಿಬಿಸಿಯು ಪ್ರಪಂಚದಲ್ಲೇ ಅತ್ಯಂತ ಭ್ರಷ್ಟ ಬಕ್ವಾಸ್ ಕಾರ್ಪೊರೇಶನ್ ಆಗಿ ಮಾರ್ಪಟ್ಟಿದೆ. ದುರದೃಷ್ಟವಶಾತ್,

ಬಿಬಿಸಿಯ ಪ್ರಚಾರ ಮತ್ತು ಕಾಂಗ್ರೆಸ್‌ನ(Congress) ಕಾರ್ಯಸೂಚಿಗಳು ಒಂದೇ ಸಾಲಿನಲ್ಲಿವೆ. ಇಂದು ಪ್ರಧಾನಿ ಮೋದಿಯವರ(Narendra Modi) ನಾಯಕತ್ವದಲ್ಲಿ ಭಾರತವು ದೊಡ್ಡ ಎತ್ತರವನ್ನು ತಲುಪುತ್ತಿದೆ.

ಆದರೆ ಕೆಲವು ವರ್ಗಗಳು ಇದನ್ನು ಇಷ್ಟಪಡುವುದಿಲ್ಲ. ಭಾರತದಲ್ಲಿ ಪತ್ರಿಕೋದ್ಯಮ ಮಾಡಲು ಬಿಬಿಸಿಗೆ ಎಲ್ಲಾ ಹಕ್ಕುಗಳಿವೆ. ಆದರೆ ಅವರು ದೇಶದ ಕಾನೂನಿಗೆ ಬದ್ಧರಾಗಿರಬೇಕು ಎಂದು ಹೇಳಿದೆ.