ಶ್ರೀನಗರದ(Srinagar) ಜಾಮಿಯಾ ಮಸೀದಿಯಲ್ಲಿ(Jamia Masjid) ಶುಕ್ರವಾರದ ಪ್ರಾರ್ಥನೆಯ ವೇಳೆ ಆಜಾದಿ ಪರ ಘೋಷಣೆಗಳನ್ನು ಕೂಗಿದ ಇಬ್ಬರು ಪ್ರಚೋದಕರು ಸೇರಿದಂತೆ 13 ಜನರನ್ನು ಜಮ್ಮು ಮತ್ತು ಕಾಶ್ಮೀರ(Jammu & Kashmir) ಪೊಲೀಸರು ಶನಿವಾರ ಬಂಧಿಸಿದ್ದಾರೆ. ಪ್ರತಿಭಟನೆಯಲ್ಲಿ ಪಾಕಿಸ್ತಾನದ(Pakistan) ಕೋನವೂ ಇದೆ ಎಂದು ಪೊಲೀಸರು(Police) ಆರೋಪಿಸಿದ್ದಾರೆ.
“ಪ್ರಾಥಮಿಕ ತನಿಖೆಯ ಸಮಯದಲ್ಲಿ, ಶುಕ್ರವಾರದ ಪ್ರಾರ್ಥನೆಯನ್ನು ಅಡ್ಡಿಪಡಿಸಲು ಮತ್ತು ಕಾನೂನು ಮತ್ತು ಸುವ್ಯವಸ್ಥೆಯನ್ನು ಸೃಷ್ಟಿಸಲು ಪಾಕಿಸ್ತಾನಿ ಭಯೋತ್ಪಾದಕ ಸಂಘಟನೆಗಳ ನಿರ್ವಾಹಕರಿಂದ ಸೂಚನೆಗಳು ಬಂದಿವೆ ಎಂದು ನಾವು ತಿಳಿದುಕೊಂಡಿದ್ದೇವೆ” ಎಂದು ಹಿರಿಯ ಪೊಲೀಸ್ ಅಧೀಕ್ಷಕ ರಾಕೇಶ್ ಬಲ್ವಾಲ್ ತಮ್ಮ ಹೇಳಿಕೆಯಲ್ಲಿ ತಿಳಿಸಿದ್ದಾರೆ. ಶ್ರೀನಗರದ ಹಳೆಯ ನಗರದಲ್ಲಿನ ಮಸೀದಿಯು ಸುಮಾರು ಎರಡು ವರ್ಷಗಳ ಕಾಲ ಮುಚ್ಚಲ್ಪಟ್ಟ ನಂತರ, ಕಳೆದ ತಿಂಗಳು ಮಾತ್ರ ಪ್ರಾರ್ಥನೆಗಾಗಿ ತೆರೆಯಲ್ಪಟ್ಟಿತು.
ಘೋಷಣೆ ಕೂಗಿದ ನಂತರ ಪೊಲೀಸರು ದೇಶದ್ರೋಹ ಮತ್ತು ಕ್ರಿಮಿನಲ್ ಅತಿಕ್ರಮಣದಡಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಪ್ರಾರ್ಥನೆಯ ನಂತರ ಸುಮಾರು ಹನ್ನೆರಡು ಜನರು ದೇಶವಿರೋಧಿ ಮತ್ತು ಪ್ರಚೋದನಕಾರಿ ಘೋಷಣೆಗಳನ್ನು ಕೂಗಿದ್ದಾರೆ. ಹೆಚ್ಚಿನ ಜನಸಮೂಹವು ದೂರ ಉಳಿದಿದೆ. ವ್ಯವಸ್ಥಾಪಕ ಸಮಿತಿಯ ಸ್ವಯಂಸೇವಕರು ಘೋಷಣೆ ಮತ್ತು ಗೂಂಡಾಗಿರಿಯನ್ನು ತಡೆಯಲು ಪ್ರಯತ್ನಿಸಿದರು, ಆದ್ರೆ ಕೆಲವೇ ನಿಮಿಷಗಳಲ್ಲಿ ಇದು ಘರ್ಷಣೆಗೆ ಕಾರಣವಾಯಿತು ಎಂದು ಬಲ್ವಾಲ್ ಅವರು ಹೇಳಿದರು.
ಪ್ರಚೋದಕರಲ್ಲಿ ಇಬ್ಬರನ್ನು ತಡವಾಗಿ ಬಂಧಿಸಲಾಯಿತು. ಅವರನ್ನು ಬಶರತ್ ನಬಿ ಭಟ್ ಮತ್ತು ಉಮರ್ ಮಂಜೂರ್ ಎಂದು ಗುರುತಿಸಲಾಗಿದೆ. ಈ ಇಬ್ಬರೂ ಸೇರಿದಂತೆ ಇನ್ನೂ ಹನ್ನೊಂದು ಜನರನ್ನು ಬಂಧಿಸಲಾಯಿತು. ಶಾಂತಿ ಕದಡುವ ಯಾವುದೇ ಪ್ರಯತ್ನವನ್ನು ಗಂಭೀರವಾಗಿ ಪರಿಗಣಿಸಲಾಗುವುದು ಮತ್ತು ಕಠಿಣ ಕ್ರಮ ಕೈಗೊಳ್ಳಲಾಗುವುದು ಎಂದು ಪೊಲೀಸರು ವರದಿಯಲ್ಲಿ ಸ್ಪಷ್ಟಪಡಿಸಿದ್ದಾರೆ.