Bengaluru : ಕಾಂಗ್ರೆಸ್(Congress) ಪಕ್ಷದಲ್ಲಿ ಹಲವಾರು ಭೂಗಳ್ಳರಿದ್ದಾರೆ. ನಿಮ್ಮ ಪ್ರಕಾರ ಬೆಸ್ಟ್‌ ಭೂಗಳ್ಳ ಅವಾರ್ಡ್‌(Landlord ‘Kai’ Kudumba Awards) ಯಾರಿಗೆ ಹೋಗಬಹುದು? ಊಹಿಸಿ ಎಂದು ರಾಜ್ಯ ಬಿಜೆಪಿ ಟ್ವಿಟರ್‌ನಲ್ಲಿ ತಮ್ಮದೇ ಶೈಲಿಯಲ್ಲಿ ಕಾಂಗ್ರೆಸ್ ನಾಯಕರ ಪಟ್ಟಿಯನ್ನು ವಿನ್ಯಾಸಗೊಳಿಸಿ ಜನಸಾಮಾನ್ಯರನ್ನು ಹಾಸ್ಯಾಸ್ಪದವಾಗಿ ಪ್ರಶ್ನಿಸಿದೆ.
2023ರ ವಿಧಾನಸಭಾ ಚುನಾವಣಾ ರಣರಂಗ ದಿನೇ ದಿನೇ ಕಾವೇರುತ್ತಿದ್ದು, ರಾಜ್ಯ ಬಿಜೆಪಿ(Landlord ‘Kai’ Kudumba Awards) ಹಾಗೂ ರಾಜ್ಯ ಕಾಂಗ್ರೆಸ್ ನಡುವೆ ಆರೋಪ ಪ್ರತ್ಯಾರೋಪಗಳ ಜಿದ್ದಾಜಿದ್ದಿ ನಡೆಯುತ್ತಿದೆ. ಅದರಲ್ಲೂ ಇತ್ತೀಚೆಗಷ್ಟೇ ಕೇಂದ್ರ ಗೃಹ ಸಚಿವ ಅಮಿತ್‌ ಶಾ(Amit shah) ಹಳೇ ಮೈಸೂರು ಭಾಗಕ್ಕೆ ಆಗಮಿಸಿ,
ಜನಸಂಕಲ್ಪ ಕಾರ್ಯಕ್ರಮದಲ್ಲಿ ಜನರನ್ನು ಉದ್ದೇಶಿಸಿ ಮಾತನಾಡುವ ವೇಳೆ ರಾಜ್ಯದಲ್ಲಿ ಕಾಂಗ್ರೆಸ್ ಮತ್ತು ಜೆಡಿಎಸ್‌(JDS) ಪಕ್ಷಗಳು ಭ್ರಷ್ಟ ಮತ್ತು ಪರಿವಾರವಾದಿ ಪಕ್ಷಗಳು! ಈ ಪಕ್ಷಗಳು ಕುಟುಂಬ ರಾಜಕೀಯದಲ್ಲಿ ತೊಡಗಿವೆ,
https://vijayatimes.com/lord-siddeshwar-is-immortal/
ಈ ಪಕ್ಷಗಳಿಗೆ ಅಧಿಕಾರ ನೀಡಬೇಡಿ ಎಂದ ಅಮಿತ್‌ ಶಾ ಅವರ ಹೇಳಿಕೆಗೆ ಜೆಡಿಎಸ್‌ ನಾಯಕ ಹೆಚ್.ಡಿ ಕುಮಾರಸ್ವಾಮಿ(HD Kumaraswamy) ಮಾತನಾಡಿ, ಅಮಿತ್‌ ಶಾ ಅವರೇ ನೀವು ಬೆಂಗಳೂರಿನಿಂದ ಹೊರ ಹೋಗುವ ಮುನ್ನ ನಮ್ಮ ಪ್ರಶ್ನೆಗಳಿಗೆ ಉತ್ತರ ಕೊಟ್ಟು ಹೊರಡಿ ಎಂದು ಹೇಳಿದರು.
ಇನ್ನು ಕಾಂಗ್ರೆಸ್ ಹಿರಿಯ ನಾಯಕ, ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ(Siddaramaiah) ಅವರು ಕೂಡ ಆಕ್ರೋಶ ವ್ಯಕ್ತಪಡಿಸಿದ್ದು, ಬಿಜೆಪಿ ಅಧಿಕಾರ ಅವಧಿಯಲ್ಲಿ ನಡೆದ ಹಗರಣಗಳನ್ನು ಕ್ರಮೇಣದಲ್ಲಿ ಪಟ್ಟಿ ಮಾಡಿ, ಅಮಿತ್‌ ಶಾ ಹೇಳಿಕೆಗೆ ತಿರುಗೇಟು ನೀಡಿದರು.
- ಕಾಂಗ್ರೆಸ್ ಎಸಗಿದ ಆರೋಪಗಳಿಗೆ ಇದೀಗ ರಾಜ್ಯ ಬಿಜೆಪಿ ಭೂ ಹಗರಣ ಅವಾರ್ಡ್ಸ್‌ ಕೊಡುವ ಮೂಲಕ ವ್ಯಂಗ್ಯವಾಡಿದೆ. ಶೀರ್ಷಿಕೆಯಲ್ಲಿ ʼಕೈʼ ಕುಟುಂಬ ಅವಾರ್ಡ್ಸ್‌(Kai kutumba award), ಬೆಸ್ಟ್‌ ಭೂಗಳ್ಳ ಅವಾರ್ಡ್‌ ಯಾರಿಗೆ ಹೋಗಬಹುದು? ಊಹಿಸಿ ಎಂದು ಟ್ವಿಟರ್‌ ನಲ್ಲಿ(Twitter) ಪ್ರಶ್ನಿಸಿದೆ. ಬಿಜೆಪಿ ಹೆಸರಿಸಿರುವ ಕಾಂಗ್ರೆಸ್ ನಾಯಕರ ಹೆಸರು ಹೀಗಿದೆ :
- ೧. ಸಿದ್ದರಾಮಯ್ಯ(ಅರ್ಕಾವತಿ ಹಗರಣ)
- ೨. ಕೆ.ಜೆ ಜಾರ್ಜ್(ಎಂಬೆಸ್ಸಿ ಗಾಲ್ಫ್‌ ಲಿಂಕ್)
- ೩. ಡಿ.ಕೆ ಶಿವಕುಮಾರ್(ಬೆನ್ನಿಗಾನಹಳ್ಳಿಯ ಭೂ ಡಿ ನೋಟಿಫೈಯಿಂಗ್‌ ಹಗರಣ)
- ೪. ಆರ್.ವಿ ದೇಶಪಾಂಡೆ(ದೇವರ ಬೀಸನಹಳ್ಳಿ ಭೂ ಡಿ ನೋಟಿಫೈಯಿಂಗ್‌ ಹಗರಣ)
- ೫. ಜಮೀರ್‌ ಖಾನ್(ನಿವೇಶನ ಕಬಳಿಕೆ ಆರೋಪ)