Viral : ಒಸಿತಾ ಇಹೆಮ್ (Ositha Iheme) ಈ ಹೆಸರನ್ನು ನೀವು ಕೇಳಿರಲಿಕ್ಕೆ ಸಾಧ್ಯವಿಲ್ಲ. ಆದರೆ, ಈತನ ಫೋಟೋ ನೋಡಿದರೆ ಖಂಡಿತ ಗುರುತು ಹಿಡಿಯುತ್ತೀರಿ.
ನೀವು ಕಾಮಿಡಿ ವಿಡಿಯೋಗಳಲ್ಲಿ (Comedy Video) ನೋಡುವ ಈ ಹುಡುಗನ ಹೆಸರು ಒಸಿತಾ ಇಹೆಮ್ ಅಂತ.
ಈತ ಮೀಮ್ಸ್ ಗಳ (Memes) ಮೂಲಕ ಜನಪ್ರಿಯತೆ ಪಡೆದಿದ್ದಾರೆ, ಆದರೆ ಇವರ ವಿಡಿಯೋ ನೋಡಿದ ಅನೇಕರಿಗೆ ಇವರ ಬಗ್ಗೆ ಸರಿಯಾಗಿ ಗೊತ್ತಿಲ್ಲ.
ಒಸಿತಾ ಅವರು ನೈಜೀರಿಯಾದ (Nigirea) ದೊಡ್ಡ ನಟರಾಗಿದ್ದು, 200ಕ್ಕೂ ಹೆಚ್ಚು ಸಿನಿಮಾ ಮಾಡಿದ್ದಾರೆ, ಅಲ್ಲದೆ ನಿರ್ಮಾಪಕರು ಕೂಡ ಆಗಿದ್ದಾರೆ. ಮೂರ್ತಿ ಚಿಕ್ಕದಾದರೂ ಕೀರ್ತಿ ದೊಡ್ಡದು ಎನ್ನುವ ಮಾತಿಗೆ ಪರ್ಪೆಕ್ಟ್ ಉದಾಹರಣೆ ಇವರು.
ಒಸಿತಾ ಅವರು ಮೂಲತಃ ಆಫ್ರಿಕಾದವರು, ನೀವು ಅಂದುಕೊಂಡತೆ ಒಸಿತಾ ಬಾಲಕನಲ್ಲ. 1982ರಲ್ಲೇ ಜನಿಸಿದ್ದ ಇವರ ವಯಸ್ಸು 38 ಆಗಿದ್ದರೂ, ದೇಹ ಬೆಳವಣಿಗೆಯಾಗಿಲ್ಲ!
ಈ ವಿಚಾರ ಇಟ್ಟುಕೊಂಡು ಒಸಿತಾ ಅವರನ್ನು ಎಲ್ಲರೂ ಗೇಲಿ ಮಾಡುತ್ತಿದ್ದರು. ಇದರಿಂದ ಸ್ವಲ್ಪವು ಬೇಸರಗೊಳ್ಳದ ಒಸಿತಾ, ನಟನೆ ಪ್ರಾರಂಭಿಸಿದರು.
ಇದನ್ನೂ ಓದಿ : https://vijayatimes.com/birthday-wishes-to-pm-narendra-modi/
2002ರಲ್ಲಿ ತೆರೆಕಂಡ ‘ಅಕಿ ನಾ ಉಕ್ವಾ’ ಹೆಸರಿನ ಸಿನಿಮಾದಲ್ಲಿ ಮುಖ್ಯ ಪಾತ್ರದಲ್ಲಿ ಅವರು ಕಾಣಿಸಿಕೊಂಡಿದ್ದರು. ಕಾಮಿಡಿ ಸಿನಿಮಾ ಇದಾಗಿದ್ದು, ದಕ್ಷಿಣ ಆಫ್ರಿಕಾದಲ್ಲಿ (South Africa) ದೊಡ್ಡ ಮಟ್ಟಕ್ಕೆ ಹೆಸರು ಮಾಡಿತ್ತು. ಅಷ್ಟೇ ಅಲ್ಲ ಒಸಿತಾ ಅವರು ಖ್ಯಾತಿ ಕೂಡ ಹೆಚ್ಚಿತ್ತು.
ಒಸಿತಾ ಈವರೆಗೆ ನೂರಾರು ಸಿನಿಮಾಗಳಲ್ಲಿ ನಟಿಸಿದ್ದಾರೆ, ಇದರ ಜೊತೆಗೆ ಸಾಕಷ್ಟು ಯೂಟ್ಯೂಬ್ ವಿಡಿಯೋಗಳನ್ನು (Youtube Video) ಮಾಡಿ ಹಾಕುತ್ತಾರೆ ಒಸಿತಾ.
ಇದರಿಂದಲೂ ಅವರು ಸಾಕಷ್ಟು ಆದಾಯ ಗಳಿಕೆ ಮಾಡಿಕೊಳ್ಳುತ್ತಿದ್ದಾರೆ. ಅಂದಹಾಗೆ, ಒಸಿತಾ ಆದಾಯ ವರ್ಷಕ್ಕೆ ಬರೋಬ್ಬರಿ 28 ಕೋಟಿ ರೂಪಾಯಿ ಎನ್ನಲಾಗಿದೆ.
https://youtu.be/CosSdVIkBXE ಅಕ್ರಮ ಗಣೆಗಾರಿಕೆ ಕಿರಿಕಿರಿ!
ಚಿತ್ರರಂಗ, ಜಾಹೀರಾತು, ಯೂಟ್ಯೂಬ್ನಿಂದ ಒಸಿತಾ ಹಣ ಗಳಿಕೆ ಮಾಡಿಕೊಳ್ಳುತ್ತಿದ್ದಾರೆ. ಒಸಿತಾ ನೈಜೀರಿಯಾ ಫಿಲ್ಮ್ ಇಂಡಸ್ಟ್ರಿಯಲ್ಲೇ ಅತಿ ಹೆಚ್ಚು ಗಳಿಕೆ ಮಾಡುವ ನಟರ ಸಾಲಿನಲ್ಲಿ ಮೊದಲು ನಿಲ್ಲುತ್ತಾರಂತೆ!
ಅಷ್ಟೇ ಅಲ್ಲದೆ, ಮೋಟಿವೇಶನಲ್ ಭಾಷಣಕಾರನಾಗಿರುವ ಒಸಿಟಾ, ತಮಗಿರುವ ದೌರ್ಬಲ್ಯಗಳನ್ನೇ ಉತ್ತಮವಾಗಿ ಬಳಸಿಕೊಂಡು ಹೇಗೆ ಬೆಳೆಯಬೇಕು,
ನಮ್ಮ ದೈಹಿಕ ನ್ಯೂನತೆಯ ಬಗ್ಗೆ ಎಂದಿಗೂ ಬೇಸರಿಸಿಕೊಳ್ಳಬಾರದು ಎಂದು ಆತ ಪಬ್ಲಿಕ್ ಸೆಮಿನಾರ್ ಗಳಲ್ಲಿ ಮಾತನಾಡುತ್ತಾರೆ. ಇನ್ನು ಒಸಿಟಾ ಅವರಿಗೆ ಮದುವೆ ಕೂಡ ಆಗಿದ್ದು, ಒಂದು ಮಗುವಿನ ತಂದೆಯೂ ಆಗಿದ್ದಾರೆ. ಒಸಿಟಾ ಅವರ ಜೀವನದ ಈ ಕಥೆ, ಕೋಟ್ಯಂತರ ಜನರಿಗೆ ಮಾದರಿ ಎಂದರೆ ತಪ್ಪಲ್ಲ.
- ಪವಿತ್ರ