ಹಣಕಾಸು ವರ್ಷವು(Financial Year)ಇದೇ ಮಾರ್ಚ್ 31 ರಂದು ಕೊನೆಗೊಳ್ಳಲಿರುವುದರಿಂದ ಆದಾಯ(Income) ತೆರಿಗೆದಾರರು ತೆರಿಗೆ(Tax) ಉಳಿಸುವ ಆಯ್ಕೆಗಳ ಹುಡುಕಾಟದಲ್ಲಿದ್ದಾರೆ. ಎನ್‌ಪಿಎಸ್‌ನಲ್ಲಿ(NPS) ಹೂಡಿಕೆ ಮಾಡುವ ಮೂಲಕ ನೀವು 50,000 ರೂ. ವಿಶೇಷ ತೆರಿಗೆ ಕಡಿತದ ಪ್ರಯೋಜನವನ್ನು ಪಡೆಯುತ್ತೀರಿ ಎಂದು ಪಿಂಚಣಿ ನಿಧಿ ನಿಯಂತ್ರಣ ಸಂಸ್ಥೆಯಾದ(PFRDA) ಮಾಹಿತಿ ನೀಡಿದೆ.
ಪಿಂಚಣಿ ನಿಧಿ ನಿಯಂತ್ರಣ ಮತ್ತು ಅಭಿವೃದ್ಧಿ ಪ್ರಾಧಿಕಾರ(PFRDA) ಪ್ರಕಾರ 50,000 ರೂಪಾಯಿಗಳ ವಿಶೇಷ ಹೆಚ್ಚುವರಿ ತೆರಿಗೆ ಪ್ರಯೋಜನದೊಂದಿಗೆ NPS ನಲ್ಲಿ ಹೂಡಿಕೆ ಮಾಡುವುದು ಹೆಚ್ಚು ಈಗ ಲಾಭದಾಯಕವಾಗಿದೆ. ಪಿಂಚಣಿ ನಿಧಿ ನಿಯಂತ್ರಣ ಮತ್ತು ಅಭಿವೃದ್ಧಿ ಪ್ರಾಧಿಕಾರವನ್ನು ಭಾರತ ಸರ್ಕಾರವು ರಾಷ್ಟ್ರೀಯ ಪಿಂಚಣಿ ಯೋಜನೆ(NPS) ಮತ್ತು ಯಾವುದೇ ಇತರ ಶಾಸನದಿಂದ ನಿಯಂತ್ರಿಸದ ಯಾವುದೇ ಇತರ ಪಿಂಚಣಿ ಯೋಜನೆಯನ್ನು ನಿಯಂತ್ರಿಸಲು ಸ್ಥಾಪಿಸಿದೆ.
NPS ಆದಾಯ ತೆರಿಗೆ ಪ್ರಯೋಜನಗಳು : NPS ನಲ್ಲಿ ಹೂಡಿಕೆದಾರರು ಹಲವಾರು ವಿನಾಯಿತಿಗಳನ್ನು ಪಡೆಯಬಹುದು. ಪಕ್ವತೆಯ ಸಮಯದಲ್ಲಿ ಹೂಡಿಕೆದಾರರು ತೆರಿಗೆ ವಿನಾಯಿತಿಯನ್ನು ಪಡೆಯಬಹುದು. ಸಂಚಿತ ಮೊತ್ತಕ್ಕೆ ಆದಾಯ ತೆರಿಗೆಯಿಂದ ವಿನಾಯಿತಿ ಇದೆ. ಹೂಡಿಕೆಯ ಸಮಯದಲ್ಲಿ ಆದಾಯ ತೆರಿಗೆ ವಿನಾಯಿತಿಯನ್ನು ಪಡೆಯಬಹುದಾಗಿದೆ. NPS ಯೋಜನೆ,
ಎನ್‌ಪಿಎಸ್ ಸ್ವಯಂಪ್ರೇರಿತ ನಿವೃತ್ತಿ ಉಳಿತಾಯ ಯೋಜನೆಯಾಗಿದೆ.
ಅರ್ಜಿದಾರನು ತನ್ನ ಅರ್ಜಿಯನ್ನು ಸಲ್ಲಿಸುವ ದಿನಾಂಕದಂದು 18-70 ವರ್ಷ ವಯಸ್ಸಿನವರಾಗಿರಬೇಕು ಮತ್ತು ಸೂಚಿಸಲಾದ ಕೆವೈಸಿ(KYC) ಮಾನದಂಡಗಳನ್ನು ಅನುಸರಿಸಬೇಕು. ಅರ್ಜಿದಾರರು ತಮ್ಮ ಸ್ವಂತ ಹೂಡಿಕೆಯ ಆಯ್ಕೆ ಮತ್ತು ಪಿಂಚಣಿ ನಿಧಿಯನ್ನು ಆಯ್ಕೆ ಮಾಡಿಕೊಳ್ಳುವ ಆಯ್ಕೆಯನ್ನು ಹೊಂದಿರುತ್ತಾರೆ ಅಥವಾ ಉತ್ತಮ ಆದಾಯವನ್ನು ಪಡೆಯಲು ಸ್ವಯಂ ಆಯ್ಕೆಯನ್ನು ಆಯ್ಕೆ ಮಾಡಿಕೊಳ್ಳುತ್ತಾರೆ. ಅರ್ಜಿದಾರರು ದೇಶದ ಯಾವ ಮೂಲೆಯಿಂದ ಬೇಕಾದರೂ ಈ ಖಾತೆಯನ್ನು ತೆರೆದು ನಿರ್ವಹಿಸಬಹುದಾಗಿದೆ.