ಶಾಂಘೈನಲ್ಲಿರುವ ವ್ಯಕ್ತಿಯೊಬ್ಬರು ಪೊಲೀಸರನ್ನು ಸಂಪರ್ಕಿಸಲು ಕೋವಿಡ್ ಲಾಕ್‌ಡೌನ್(Covid Lockdown) ನಿಯಮಗಳನ್ನು ಉಲ್ಲಂಘಿಸಿದ್ದಾರೆ. ಉದ್ದೇಶಪೂರ್ವಕವಾಗಿ ತಮ್ಮನ್ನು ಬಂಧಿಸುವಂತೆ ಮನವಿ ಮಾಡಿಕೊಂಡಿದ್ದಾರೆ. ಮನವಿ ಮಾಡಲು ಕಾರಣವೇನು ಎಂದು ತಿಳಿಯುವುದಾದರೆ, ಮನೆಯಿಂದ ಹೊರಬಂದು ಜೈಲಿಗೆ ಹೋದರೆ, ಜೈಲಿನಲ್ಲಿ ಊಟ ಸಿಗುತ್ತದೆ ಎಂಬ ನಂಬಿಕೆಯಿಂದ ಈ ರೀತಿ ಮಾಡಿದ್ದಾರೆ ಎಂದು ವರದಿ ಹೇಳಿದೆ.
2021 ರಲ್ಲಿ ಕೋವಿಡ್ -19 ಭಾರತದಲ್ಲಿ ಸಾವಿರಾರು ಜನರು ಆಮ್ಲಜನಕಕ್ಕಾಗಿ ಪರದಾಡುವಂತೆ ಮಾಡಿದ್ದು ನೆನಪಿದೆಯೇ? ವೈರಸ್(Virus) ಸೋಂಕಿತರ ಸಂಬಂಧಿಕರು ವೈದ್ಯಕೀಯ ಸಾಮಗ್ರಿಗಳನ್ನು ಪಡೆಯಲು ಮತ್ತು ಸತ್ತವರನ್ನು ಹೂಳಲು ಸಮಾಧಿಯನ್ನು ಹುಡುಕಲು ಒದ್ದಾಡಿರುವುದು ಕಂಡುಬಂದಿದೆ. ಅಂಥ ದೃಶ್ಯಗಳೇ ಇದೀಗ ಚೀನಾದ ಅತ್ಯಂತ ಜನನಿಬಿಡ ನಗರ ಶಾಂಘೈನಲ್ಲೂ ಎದರುರಾಗಿದೆ. ಆ ದೃಶ್ಯಗಳು ಸಾಮಾಜಿಕ ಜಾಲತಾಣದಲ್ಲಿ ವರದಿಯಾಗುತ್ತಿವೆ.
ಚೀನಾ(China) ದೇಶದ ರಾಜಧಾನಿ ಶಾಂಘೈ(Shanghai) ಕೆಟ್ಟ ಕೋವಿಡ್ -19 ಪರಿಸ್ಥಿತಿಗೆ ತುತ್ತಾಗಿದ್ದು, ಅಗತ್ಯ ವಸ್ತುಗಳನ್ನು ಪೂರೈಸಿಕೊಳ್ಳುವಲ್ಲಿ ಹೆಣಗಾಡುತ್ತಿದೆ. ಸುಮಾರು 26 ಮಿಲಿಯನ್ ನಿವಾಸಿಗಳನ್ನು ಲಾಕ್‌ಡೌನ್‌ಗೆ ದೂಡಲಾಗಿದೆ. 2019 ರ ಕೊನೆಯಲ್ಲಿ ಪಶ್ಚಿಮಕ್ಕೆ ಸುಮಾರು 800 ಕಿಮೀ (500 ಮೈಲುಗಳು) ವುಹಾನ್ ನಗರದಲ್ಲಿ ಕರೋನವೈರಸ್ ಅನ್ನು ಮೊದಲು ಪತ್ತೆ ಹಚ್ಚಿದಾಗಿನಿಂದ ಚೀನಾದ ಅತಿದೊಡ್ಡ ಕೋವಿಡ್ ವೈರಸ್ ಈಗ ಚೀನಾಗೆ ದೊಡ್ಡ ಕಂಟಕವಾಗಿದೆ.
ಕಟ್ಟುನಿಟ್ಟಾದ ನಿರ್ಬಂಧಗಳೊಂದಿಗೆ, ಲಕ್ಷಾಂತರ ಜನರು ಬೇರೆ ದಾರಿಯಿಲ್ಲದೆ ತಮ್ಮ ಮನೆಯೊಳಗೆ ಇರುವುದರಿಂದ ಮತ್ತು ದೈನಂದಿನ ಅಗತ್ಯ ವಸ್ತುಗಳನ್ನು ಪಡೆಯಲು ಹೆಣಗಾಡುತ್ತಿದ್ದಾರೆ. ಹಲವಾರು ವರದಿಗಳ ಪ್ರಕಾರ, ವೈದ್ಯಕೀಯ ಸರಬರಾಜು ಸೇರಿದಂತೆ ಅಗತ್ಯ ವಸ್ತುಗಳ ಕೊರತೆಯನ್ನು ಚೀನಿಯರು ನೋಡುತ್ತಿದ್ದಾರೆ. ತಮ್ಮ ಆಹಾರಕ್ಕಾಗಿ ಡೆಲಿವರಿ ಸ್ಲಾಟ್‌ಗಳನ್ನು ಸುರಕ್ಷಿತಗೊಳಿಸಲು ಹೋರಾಡುತ್ತಿರುವ ನಿವಾಸಿಗಳು ಕೂಡ ಬೆಲೆ ಏರಿಕೆಯ ಬಿಸಿಯನ್ನು ಎದುರಿಸುತ್ತಿದ್ದಾರೆ.
ಇದು ಸರ್ಕಾರದ ಮೇಲೆ ಮತ್ತಷ್ಟು ಒತ್ತಡವನ್ನು ಹೇರಿಸಿದೆ. ಚೀನಿಯರಿಗೆ ಈಗ ತುತ್ತು ಅನ್ನಕ್ಕೂ ಬರದ ಪರಿಸ್ಥಿತಿ ಬೆಂಬಿಡದೆ ಕಾಡುತ್ತಿರುವುದು ತೀರ ಶೋಚನೀಯ ಎಂದೇ ಹೇಳಬಹುದು.