ಕಿಡ್ನಿ(Kidney) ನಮ್ಮ ದೇಹದಲ್ಲಿರುವ ಅತಿ ಮುಖ್ಯ ಅಂಗಗಳಲ್ಲಿ ಒಂದಾಗಿದೆ. ರಕ್ತವನ್ನು ಶುದ್ದೀಕರಿಸಲು ಮತ್ತು ದೇಹದೊಳಗಿನ ತ್ಯಾಜ್ಯವನ್ನು ಹೊರ ಹಾಕುವಲ್ಲಿ ಕಿಡ್ನಿ ಅತಿ ಮುಖ್ಯ ಪಾತ್ರ ವಹಿಸುತ್ತದೆ(These symptoms can cause kidney disease).
ಆದರೆ ಇತ್ತೀಚೆಗೆ ಕಿಡ್ನಿ ಸಮಸ್ಯೆಗಳು ಹೆಚ್ಚಾಗುತ್ತಿವೆ. ನಮ್ಮ ಆಧುನಿಕ ಜೀವನ ಶೈಲಿ, ಕಿಡ್ನಿ ಕಾರ್ಯದ ಮೇಲೆ ಪರಿಣಾಮ ಬೀರಬಹುದರಿಂದ, ಕಿಡ್ನಿಯು ದೀರ್ಘಕಾಲಿಕವಾಗಿ ಸಮಸ್ಯೆಯನ್ನು ಎದುರಿಸಬಹುದು.
ಹೀಗಾಗಿ ಆರಂಭದಲ್ಲೇ ಕಿಡ್ನಿ ಸಮಸ್ಯೆಯನ್ನು ಗುರುತಿಸುವುದು ಮುಖ್ಯ. ಕೆಲವು ಲಕ್ಷಣಗಳು ಕಂಡುಬಂದರೂ ಜನರು ಅದನ್ನು ಕಡೆಗಣಿಸುತ್ತಾರೆ. ಇಂತಹ ಕೆಲ ಲಕ್ಷಣಗಳ ಮಾಹಿತಿ ಇಲ್ಲಿದೆ ನೋಡಿ(These symptoms can cause kidney disease).
ಮೂತ್ರವಿಸರ್ಜನೆಯ(Urine Pass) ನಿರಂತರತೆ ಮೇಲೆ ಪರಿಣಾಮವಾದರೆ ಆಗ ಕಿಡ್ನಿಗೆ ಏನಾದರೂ ಸಮಸ್ಯೆ ಆಗಿದೆ ಎಂದು ಹೇಳಬಹುದಾಗಿದೆ.
ಅವುಗಳೆಂದರೆ, ಮೂತ್ರ ವಿಸರ್ಜನೆಗೆ ಕಷ್ಟಪಡುವುದು, ಮೂತ್ರದಲ್ಲಿ ಬಿಳಿ ಪದಾರ್ಥವು ಹೊರಗೆ ಬರುವುದು, ಮೂತ್ರದಲ್ಲಿ ಕೆಟ್ಟ ವಾಸನೆ, ರಾತ್ರಿ ಪದೇ ಪದೇ ಮೂತ್ರ ವಿಸರ್ಜನೆ, ಮೂತ್ರ ವಿಸರ್ಜನೆಗೆ ಅವಸರ, ಮೂತ್ರವು ಕಡು ಬಣ್ಣಕ್ಕೆ ತಿರುಗುವುದು.
https://vijayatimes.com/siddaramaiah-for-kolar-vidhansabha/
ಮೂತ್ರದಲ್ಲಿ ರಕ್ತ ಕಂಡುಬಂದರೆ ತಕ್ಷಣ ನೆಪ್ರೋಲಜಿ ತಜ್ಞ ವೈದ್ಯರನ್ನು ಸಂಪರ್ಕಿಸಿ. ಸೂಕ್ತ ಪರೀಕ್ಷೆಗಳನ್ನು ಮಾಡಿಸಿ.
ಕಿಡ್ನಿಯು ಸರಿಯಾಗಿ ಕಾರ್ಯನಿರ್ವಹಿಸದಿದ್ದಾಗ ಕಾಲು, ಪಾದ, ಮುಖದಲ್ಲಿ ಊತವು ಕಂಡುಬರುತ್ತದೆ. ಇಂತಹ ಊತವನ್ನು ನಿರ್ಲಕ್ಷ್ಯ ಮಾಡಬೇಡಿ.
ಕಿಡ್ನಿಯು ಎರಿಥ್ರೋಪೊಯೆಟಿನ್ ಎನ್ನುವ ಹಾರ್ಮೋನ್(Harmone) ಬಿಡುಗಡೆ ಮಾಡುವುದರಿಂದ ಕೆಂಪು ರಕ್ತದ ಕಣಗಳು(Red Blood Cells) ಆಮ್ಲಜನಕ(Oxygen) ಸಾಗಿಸಲು ನೆರವಾಗುವುದು.
ಕಿಡ್ನಿ ಕಾರ್ಯಕ್ಕೆ ತೊಂದರೆ ಆದರೆ ರಕ್ತಹೀನತೆ, ನಿಶಕ್ತಿ ಕಂಡುಬರುವುದು. ಹಿಂಬದಿಯ ಭಾಗದಲ್ಲಿ ಪಕ್ಕೆಲುಬುಗಳ ಕೆಳಗಡೆ ಕಿಡ್ನಿಯು ಇರುವುದು.
ಹೀಗಾಗಿ ಸೊಂಟದ ಭಾಗದಲ್ಲಿ ನೋವು ಕಂಡುಬಂದರೆ ಅದು ಕಿಡ್ನಿ ಕಾಯಿಲೆ ಅಥವಾ ಕಿಡ್ನಿ ಕಲ್ಲಿನ ಸಮಸ್ಯೆ ಆಗಿರಬಹುದು. ವೈದ್ಯರ ಬಳಿ ಪರೀಕ್ಷೆ ಮಾಡಿಸಿ.
ಕಿಡ್ನಿ ಸಮಸ್ಯೆಯಿಂದ ಮೆದುಳಿಗೆ ಆಮ್ಲಜನಕದ ಕೊರತೆ ಉಂಟಾಗಿ ತಲೆತಿರುಗುವಿಕೆ ಉಂಟಾಗುತ್ತದೆ. ಕಿಡ್ನಿ ಸಮಸ್ಯೆಯಿದ್ದರೆ ಹೊರಗೆ ವಾತಾವರಣ ಬಿಸಿಯಾಗಿದ್ದಾಗಲೂ ಕೂಡ ಚಳಿಯಾಗಬಹುದು.
ಕಿಡ್ನಿ ಹಾನಿಗೊಳಗಾದರೆ ಇದರಿಂದಾಗಿ ಚರ್ಮದ ತೊಂದರೆ ಮತ್ತು ತುರಿಕೆಗಳು ಕಾಣಿಸಿಕೊಳ್ಳಬಹುದು. ಕಿಡ್ನಿ ತೊಂದರೆ ಇದ್ದರೆ ಶ್ವಾಸಕೋಶದಲ್ಲಿ ದ್ರವ ಸೇರಿಕೊಳ್ಳುತ್ತದೆ. ಇದರಿಂದಾಗಿ ನಿಮಗೆ ಉಸಿರಾಟದ ತೊಂದರೆ ಕಾಣಿಸಿಕೊಳ್ಳಬಹುದು.
