ವಾರಣಾಸಿಯ(Varanasi) ನ್ಯಾಯಾಲಯವು(Court) ಗುರುವಾರ ತೀರ್ಪು(Verdict) ಪ್ರಕಟಿಸಿದ್ದು, ಗ್ಯಾನವಾಪಿ(Gyanvapi) ಮಸೀದಿಯ ಸರ್ವೆ ಮುಂದುವರಿಯಲಿದ್ದು, ಮೇ 17 ರೊಳಗೆ ವರದಿ ಸಲ್ಲಿಸಬೇಕು.
ವಾರಣಾಸಿಯ ಗ್ಯಾನವಾಪಿ ಮಸೀದಿಯೊಳಗೆ ಸಮೀಕ್ಷೆ ನಡೆಸಬಹುದೇ ಎಂಬ ಅರ್ಜಿಯನ್ನು ಆಲಿಸಿದ ನ್ಯಾಯಾಲಯ, ನೆಲಮಾಳಿಗೆ ಸೇರಿದಂತೆ ಇಡೀ ಪ್ರದೇಶವನ್ನು ಸರ್ವೆ ಮಾಡಿ ವೀಡಿಯೊಗ್ರಾಫ್ ಮಾಡಲಾಗುವುದು ಎಂದು ತೀರ್ಪು ನೀಡಿದೆ. ನ್ಯಾಯಾಲಯವು ಅಜಯ್ ಮಿಶ್ರಾ(Ajay Mishra) ಅವರೊಂದಿಗೆ ಎರಡನೇ ನ್ಯಾಯಾಲಯದ ಕಮಿಷನರ್ ವಿಶಾಲ್ ಕುಮಾರ್ ಸಿಂಗ್ ಅವರನ್ನು ನೇಮಿಸಿದೆ. ಈ ಹಿಂದೆ ಮೇ 10ರೊಳಗೆ ವರದಿ ಸಲ್ಲಿಸುವಂತೆ ಸ್ಥಳೀಯ ನ್ಯಾಯಾಲಯ ಅಧಿಕಾರಿಗಳಿಗೆ ಸೂಚಿಸಿತ್ತು.
ಅರ್ಜಿದಾರರಲ್ಲಿ ಒಬ್ಬರು ಮಾತನಾಡಿ, ಈ ವಿಚಾರಣೆಗಾಗಿ
ನಾವು ಬೆಳಿಗ್ಗೆಯಿಂದ ಉಪವಾಸ ಮಾಡಿದ್ದೇವೆ, ಈಗ ನಾವು ಮುಂದುವರಿಯಬಹುದು, ನಮಗೆ ತುಂಬಾ ಸಂತೋಷವಾಗಿದೆ ಎಂದು ಹೇಳಿದ್ದಾರೆ.
ಅಷ್ಟಕ್ಕೂ ಸಮಸ್ಯೆ ಏನು? :
ಕಳೆದ ಶುಕ್ರವಾರ, ನ್ಯಾಯಾಲಯವು ನೇಮಿಸಿದ ಸಮಿತಿಯು ಮಸೀದಿ ಸಂಕೀರ್ಣದ ಸಮೀಕ್ಷೆ ಮತ್ತು ವೀಡಿಯೋಗ್ರಫಿಯನ್ನು ಕೈಗೊಳ್ಳದಂತೆ ನಿರ್ಬಂಧಿಸಲಾಗಿತ್ತು. ಮಸೀದಿ ಆಡಳಿತ ಮತ್ತು ಮುಸ್ಲಿಂ ಯುವಕರ ಗುಂಪು ತಂಡವನ್ನು ಪ್ರವೇಶಿಸದಂತೆ ತಡೆದು ಪ್ರತಿಭಟನೆ ನಡೆಸಿತು. ಇದಕ್ಕೂ ಮೊದಲು, ವಾರಣಾಸಿ ನ್ಯಾಯಾಲಯವು ಗ್ಯಾನವಾಪಿ ಮಸೀದಿಯ ಹೊರ ಗೋಡೆಯ ಮೇಲೆ ಇರುವ ಹಿಂದೂ ದೇವತೆಗಳ ದೈನಂದಿನ ಪೂಜೆಗೆ ಅನುಮತಿ ಕೋರಿ ದೆಹಲಿ ಮೂಲದ ಐವರು ಮಹಿಳೆಯರು ಮಾಡಿದ ಮನವಿಯ ಮೇಲೆ ವಿಡಿಯೋಗ್ರಾಫಿಕ್ ಸಮೀಕ್ಷೆಗೆ ಆದೇಶಿಸಿತ್ತು.
ಪ್ರಸ್ತುತ ಈ ತಾಣವನ್ನು ವರ್ಷಕ್ಕೊಮ್ಮೆ ಪ್ರಾರ್ಥನೆಗಾಗಿ ತೆರೆಯಲಾಗಿದೆ. ಮಸೀದಿ ನಿರ್ವಹಣಾ ಸಮಿತಿಯ (ಅಂಜುಮಾನ್ ಇಂತೇಝಾಮಿಯಾ ಮಸಾಜಿದ್) ವಕೀಲರು ನ್ಯಾಯಾಲಯದ ಆದೇಶವು ಮಸೀದಿ ಪ್ರದೇಶವನ್ನು ಸುತ್ತುವರಿದ ಬ್ಯಾರಿಕೇಡ್‌ಗಳ ಹೊರಗಿನ ಅಂಗಳದವರೆಗೆ ವೀಡಿಯೊಗ್ರಫಿ ಮಾಡುವುದಾಗಿದೆ ಮತ್ತು ಮಸೀದಿಯೊಳಗೆ ಅಲ್ಲ ಎಂದು ಪ್ರತಿಪಾದಿಸಿದರು ಎಂದು ವರದಿ ತಿಳಿಸಿದೆ.