Tamilnadu : ಥಳಪತಿ ನಟ ವಿಜಯ್(Thalapathy vijay) ಅಭಿನಯದ `ವರಿಸು’(Varisu earns 210 crore) ಚಿತ್ರ ಬಿಡುಗಡೆಗೊಂಡು ಇಂದು 7ನೇ ದಿನಕ್ಕೆ ಕಾಲಿಟ್ಟಿದ್ದು, ಮೊದಲನೇ ವಾರಕ್ಕೆ ವರಿಸು ಚಿತ್ರ 210 ಕೋಟಿ ರೂ. ಗಳಿಕೆಯನ್ನು ಕಂಡು ಬಾಕ್ಸ್ ಆಫೀಸ್(Box office) ಕಬಳಿಕೆಯನ್ನು ಮುಂದುವರೆಸಿದೆ.
ವಂಶಿ ಪೈಡಿಪಲ್ಲಿ ನಿರ್ದೇಶನದಲ್ಲಿ ಮೂಡಿಬಂದ ವರಿಸು, ವಿಶ್ವದಾದ್ಯಂತ ಮೊದಲ ವಾರದಲ್ಲಿಯೇ 210 ಕೋಟಿ ರೂ. ಗಳಿಕೆಯನ್ನು ಕಂಡಿದೆ.
ವರಿಸು ಚಿತ್ರದ ವ್ಯವಹಾರವನ್ನು ದೃಢೀಕರಿಸುವ ಪೋಸ್ಟರ್ ಅನ್ನು ಅನಾವರಣಗೊಳಿಸಲು ತಯಾರಕರು ಈ ಬಗ್ಗೆ ಬುಧವಾರ ಟ್ವಿಟರ್(Twitter) ನಲ್ಲಿ ಟ್ವೀಟ್ ಮಾಡಿ ತಿಳಿಸಿದ್ದಾರೆ.
ಸಿನಿ ವ್ಯಾಪಾರ ಮೂಲಗಳ ಮಾಹಿತಿ ಪ್ರಕಾರ, ವರಿಸು ಚಿತ್ರ ಥಳಪತಿ ವಿಜಯ್ ಅವರಿಗೆ 200 ಕೋಟಿ ಗಳಿಕೆಯನ್ನು ತಂದುಕೊಟ್ಟ ಆರನೇ ಚಿತ್ರ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ!
ವಿಜಯ್ ನಟಿಸಿರುವ ವರಿಸು, ತನ್ನ ಇಬ್ಬರು ಹಿರಿಯ ಸಹೋದರರಿಂದ ತೀವ್ರ ವಿರೋಧವನ್ನು ಎದುರಿಸುತ್ತಿರುವಾಗ ಕಿರಿಯ ಮಗ ತನ್ನ ತಂದೆಯ ವ್ಯಾಪಾರ ಸಾಮ್ರಾಜ್ಯವನ್ನು ವಹಿಸಿಕೊಳ್ಳುವ ಕೌಟುಂಬಿಕ ಕಥೆಯನ್ನು ಆಧರಿಸಿದ ಚಿತ್ರವಾಗಿದೆ.
ವರಿಸು ಚಿತ್ರದಲ್ಲಿ ನಾಯಕಿಯಾಗಿ ನ್ಯಾಷನಲ್ ಕ್ರಶ್ ನಟಿ ರಶ್ಮಿಕಾ ಮಂದಣ್ಣ(Rashmika Mandanna) ಕಾಣಿಸಿಕೊಂಡಿದ್ದು,
ಆರ್. ಶರತ್ಕುಮಾರ್, ಪ್ರಭು, ಜಯಸುಧಾ, ಪ್ರಕಾಶ್ ರಾಜ್, ಶ್ರೀಕಾಂತ್ ಸೇರಿದಂತೆ ಹಲವಾರು ಕಲಾವಿದರು ಅಭಿನಯಿಸಿದ್ದಾರೆ.
ಈ ಬಾರಿ ತಮಿಳು ಚಿತ್ರರಂಗದ ಇತಿಹಾಸದಲ್ಲಿಯೇ ಇಬ್ಬರು ಸ್ಟಾರ್ ನಟರ ಸಿನಿಮಾ ಒಂದೇ ದಿನ ಬಿಡುಗಡೆಯಾಗಿದ್ದು, ಸಿನಿಪ್ರೀಯರಲ್ಲಿ ಭಾರಿ ಅಚ್ಚರಿ ಮೂಡಿಸಿತು.
ಥಳಪತಿ ವಿಜಯ್ ಅಭಿನಯದ ವರಿಸು ಮತ್ತು ಸ್ಟಾರ್ ನಟ ಅಜಿತ್ ಕುಮಾರ್(Ajit kumar) ಅವರ ತುಣಿವು(Thunivu) ಏಕಕಾಲಕ್ಕೆ ಚಿತ್ರಮಂದಿರವನ್ನು ಪ್ರವೇಶಿಸಿತು.
ಕಳೆದ ಬುಧವಾರ ತಮಿಳುನಾಡಿನಲ್ಲಿ ಎರಡೂ ಚಿತ್ರಗಳು ಸಮಾನ ಸಂಖ್ಯೆಯ ಸ್ಕ್ರೀನ್ಗಳಲ್ಲಿ ಬಿಡುಗಡೆಯಾಗಿ, ವೀಕ್ಷಣೆಯಲ್ಲಿ ಮಾತ್ರ ಭಾರಿ ಪೈಪೋಟಿಯನ್ನು ಕಂಡಿದೆ.
ಇದನ್ನೂ ಓದಿ: https://vijayatimes.com/highest-road-accidents-state/
ಕೆಲವರು ವಿಜಯ್ ಅವರ ವರಿಸು ಚಿತ್ರವನ್ನು ಸಾಮಾಜಿಕ ಜಾಲತಾಣದಲ್ಲಿ(Social Media) ಟೀಕೆ ಮಾಡಿದ್ದನ್ನು ಕಂಡು ಬೇಸರಗೊಂಡ ನಿರ್ದೇಶಕ ವಂಶಿ, ಟೀಕೆ ಮಾಡುವ ಜನರು ಚಲನಚಿತ್ರಗಳನ್ನು ನಿರ್ಮಿಸುವ ಶ್ರಮವನ್ನು ತಿಳಿದುಕೊಳ್ಳಬೇಕು ಮತ್ತು ಅರ್ಥಮಾಡಿಕೊಳ್ಳಬೇಕು. ಇತ್ತೀಚಿನ ದಿನಗಳಲ್ಲಿ ಸಿನಿಮಾ ಮಾಡುವುದು ಎಷ್ಟು ಕಷ್ಟ ಗೊತ್ತಾ? ಒಂದು ಸಿನಿಮಾ ಮಾಡಲು ತಂಡವೊಂದು ಎಷ್ಟು ಕೆಲಸ ಮಾಡುತ್ತಿದೆ ಗೊತ್ತಾ?
ಪ್ರೇಕ್ಷಕರನ್ನು ರಂಜಿಸಲು ಎಷ್ಟು ಜನರು ಶ್ರಮ ಪಡುತ್ತಿದ್ದಾರೆ ಗೊತ್ತಾ? ಈ ತಮಾಷೆ ದಯಮಾಡಿ ಬೇಡ ಎಂದು ಮನವಿ ಮಾಡಿದ್ದಾರೆ.