ಮಧ್ಯಪ್ರದೇಶ : ಭಾರತದ(India) ಮಧ್ಯಪ್ರದೇಶದಲ್ಲಿ(Madhyapradesh) ಎಂಟು ವರ್ಷದ ಬಾಲಕ ತನ್ನ ಪುಟ್ಟ ಸಹೋದರನ ಶವದೊಂದಿಗೆ ರಸ್ತೆಯಲ್ಲಿ ಕುಳಿತಿರುವ ಹೃದಯ ವಿದ್ರಾವಕ(Heart Wrenching) ದೃಶ್ಯ ಕಂಡುಬಂದಿದೆ.

ತನ್ನ ಸಹೋದರನ ಮೃತದೇಹವನ್ನು ತೊಡೆಯ ಮೇಲೆ ಮಲಗಿಸಿಕೊಂಡು ರಸ್ತೆಬದಿ ತಂದೆಯ ಬರುವಿಕೆಗಾಗಿ ಕಾಯುತ್ತ ಕುಳಿತಿದ್ದಾನೆ.

ತಂದೆ ಮನೆಗೆ ಹೋಗಲು ರಸ್ತೆಯ ಅಕ್ಕಪಕ್ಕದಲ್ಲಿ ಯಾವುದಾದರೂ ವಾಹನ ಸಿಗುತ್ತದೆಯೋ ಎಂದು ಹುಡುಕಾಡುವಾಗ, ಬಾಲಕ ಸಹೋದರನ ಮೃತದೇಹವನ್ನು(Dead Body) ನೋಡಿಕೊಂಡು ಕುಳಿತ್ತಿದ್ದಾನೆ.

ಆಸ್ಪತ್ರೆಯ ಅಧಿಕಾರಿಗಳು ಸಹಾಯವನ್ನು ನೀಡಲು ವಿಫಲರಾಗಿದ್ದಾರೆ ಮತ್ತು ಖಾಸಗಿ ಆಂಬ್ಯುಲೆನ್ಸ್‌ಗಳ ಸಹಾಯ ಕೇಳಿದರೆ, ಒಬ್ಬ ಬಡ ತಂದೆಗೆ ಆಂಬ್ಯುಲೆನ್ಸ್ ನೀಡಲು ಚಾಲಕರು ಸಹ ಮುಂದಾಗಿಲ್ಲ! “ಖಾಸಗಿ ಆಂಬ್ಯುಲೆನ್ಸ್ ಬಾಡಿಗೆಗೆ ಪಡೆಯಲು ನನ್ನ ಬಳಿ ಹಣವಿಲ್ಲದ ಕಾರಣ, ನಾನು ಸಹಾಯ ಪಡೆಯಲು ಪ್ರಯತ್ನಿಸುತ್ತಿದ್ದೆ.

ವಾಹನದ ವ್ಯವಸ್ಥೆ ಮಾಡುವಾಗ, ನನ್ನ ಹಿರಿಯ ಮಗನನ್ನು ರಸ್ತೆಯ ಮೇಲೆ ತಮ್ಮನ ಶವದೊಂದಿಗೆ ಕುಳಿತುಕೊಳ್ಳಲು ಹೇಳಿದೆ” ಎಂದು ಜಾತವ್ ದುಃಖದಿಂದ ಹೇಳಿಕೊಂಡಿದ್ದಾರೆ.

https://vijayatimes.com/actress-sai-pallavi-statement/

ಬಾಲಕ ತನ್ನ ತಮ್ಮನ ಮೃತದೇಹದೊಂದಿಗೆ ರಸ್ತೆಬದಿಯಲ್ಲಿ ಕುಳಿತಿದ್ದನ್ನು ಕೆಲವರು ನೋಡಿ, ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಪೊಲೀಸರ ಆಗಮನದ ನಂತರ, ತಂದೆ ತನ್ನ ಮಗುವಿನ ಶವವನ್ನು ಮನೆಗೆ ಹಿಂದಿರುಗಿಸುವಲ್ಲಿ ಯಶಸ್ವಿಯಾಗಿದ್ದಾರೆ

ಮಗುವಿನ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದಂತೆ, ಹಿರಿಯ ರಾಜಕಾರಣಿಗಳು ಸೇರಿದಂತೆ ನೆಟ್ಟಿಗರಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಭಾವನಾತ್ಮಕ ಪ್ರತಿಕ್ರಿಯೆಗಳು ವ್ಯಾಪಕವಾಗಿ ವ್ಯಕ್ತವಾಗುತ್ತಿದೆ.