ಪಿಕ್ ಪಾಕೆಟ್ ಆರೋಪದಡಿ ಜೈಲುಪಾಲದ ನಟಿ ರೂಪಾ ದತ್ತಾ!

ಮಾರ್ಚ್ 12 ರಂದು ಅಂತರರಾಷ್ಟ್ರೀಯ(International)ಕೋಲ್ಕತ್ತಾ(Kolkata) ಪುಸ್ತಕ ಮೇಳ 2022 ರಲ್ಲಿ ನಟಿ(Actress) ರೂಪಾ ದುತ್ತಾ(Rupa Dutta )ಪಿಕ್ ಪಾಕೆಟ್(Pick Pocket) ಮಾಡಿದ್ದರು ಎಂಬ ಆರೋಪ ವರದಿಯಾಗಿತ್ತು. ಈ ಕುರಿತು ಆರೋಪ ಸಾಬೀತಾದ ಮೇಲೆ ರೂಪ ದುತ್ತಾ ಅವರನ್ನು ಈಗ ಪೊಲೀಸರು ಬಂಧಿಸಿದ್ದಾರೆ. ಈ ಘಟನೆ ಶನಿವಾರ ರಾತ್ರಿ, ಮಾರ್ಚ್ 12 ರಂದು ನಡೆದಿದೆ. ಕೋಲ್ಕತ್ತಾದ ಬಿಧಾನಗರ್ ಉತ್ತರ ಪೊಲೀಸ್ ಠಾಣೆಯ ಮೂಲಗಳ ಪ್ರಕಾರ, ಪುಸ್ತಕ ಮೇಳ ಕರ್ತವ್ಯದಲ್ಲಿ ನಿರತರಾಗಿದ್ದ ಪೊಲೀಸರು, ಮಹಿಳೆಯೊಬ್ಬರು ಚೀಲವನ್ನು ಕಸದ ತೊಟ್ಟಿಗೆ ಎಸೆದಿರುವುದನ್ನು ಕಂಡು ಅನುಮಾನದಿಂದ ಸ್ಥಳಕ್ಕೆ ಧಾವಿಸಿದ್ದಾರೆ.

ಪೊಲೀಸರು ರೂಪ ಅವರನ್ನು ವಿಚಾರಣೆಗೊಳಪಡಿಸಿ, ಆಕೆಯ ಬ್ಯಾಗ್ ಅನ್ನು ಪರಿಶೀಲಿಸಿದಾಗ ಹಲವು ಹಣದ ಚೀಲಗಳು ಪತ್ತೆಯಾಗಿವೆ. ನಟಿಯಿಂದ 75,000 ರೂ. ನಗದು ಹಣವನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಈ ವಿಚಾರದಲ್ಲಿ ರೂಪಾ ಅವರನ್ನು ನ್ಯಾಯಾಲಯಕ್ಕೆ ಕರೆದೊಯ್ಯಲಾಗುವುದು ಎಂದು ಇತರ ವರದಿಗಳು ಮಾಹಿತಿ ನೀಡಿವೆ. ಪೊಲೀಸರ ಪ್ರಕಾರ, ರೂಪಾ ದತ್ತಾ ಕೆಲವು ವರ್ಷಗಳ ಹಿಂದೆಯೂ ಕೂಡ ಸುದ್ದಿಯಲ್ಲಿದ್ದರು. ಚಲನಚಿತ್ರ ನಿರ್ಮಾಪಕ ಅನುರಾಗ್ ಕಶ್ಯಪ್ ವಿರುದ್ಧ ಲೈಂಗಿಕ ಕಿರುಕುಳದ ಆರೋಪ ಮಾಡಿದ್ದರು.

2020 ರಲ್ಲಿ, ರೂಪಾ ದುತ್ತಾ ತಮಗೆ ಫೇಸ್‌ಬುಕ್‌ನಲ್ಲಿ ನಿರ್ದೇಶಕ, ನಿರ್ಮಾಪಕ ಅನುರಾಗ್ ಕಶ್ಯಪ್ ಅನುಚಿತ ಸಂದೇಶಗಳನ್ನು ಕಳುಹಿಸಿದ್ದರು ಎಂದು ಅವರನ್ನು ತಪ್ಪಾಗಿ ಆರೋಪಿಸಿದ್ದರು. ರೂಪಾ ದುತ್ತಾ ಅನುರಾಗ್ ಕಶ್ಯಪ್ ಹೆಸರಿನಲ್ಲಿ ಬೇರೊಬ್ಬ ವ್ಯಕ್ತಿಯೊಂದಿಗೆ ಮಾತನಾಡುತ್ತಿದ್ದರು ಎಂಬುದು ಸ್ಪಷ್ಟವಾಗಿ ತಿಳಿದುಬಂದಿದೆ. ಇದೆಲ್ಲಾ ನಕಲಿ ಆರೋಪಗಳು ಎಂದು ಪೊಲೀಸರು ಈ ಪ್ರಕರಣದ ಮಧ್ಯೆ ತಿಳಿಸಿದರು.