Tech News : ಭಾರತ ಸರ್ಕಾರವು ಭಾರತದ ನಿವಾಸಿಗಳಿಗೆ ನೀಡಿದ ವಿಶಿಷ್ಟ ಗುರುತಿನ ಸಂಖ್ಯೆಯಾಗಿದೆ ಈ ಆಧಾರ್ ಕಾರ್ಡ್ (add mobile number aadhaar). ವಿಶಿಷ್ಟ ಗುರುತಿನ ಪ್ರಾಧಿಕಾರ

(UIDAI) 2009 ರಲ್ಲಿ ಭಾರತದಲ್ಲಿ ಆಧಾರ್ ಕಾರ್ಡ್ ಅನ್ನು ಪರಿಚಯಿಸಿತು. ಒಬ್ಬ ಭಾರತೀಯ ನಿವಾಸಿಯು ಆಧಾರ್ ಕಾರ್ಡ್ ಪಡೆಯಲು ಆತನ ಹೆಸರು,ಹುಟ್ಟಿದ ದಿನಾಂಕ, ವಿಳಾಸ, ಲಿಂಗ ನಿರ್ದಿಷ್ಟ

ಜನಸಂಖ್ಯಾ ಮತ್ತು ಬಯೋಮೆಟ್ರಿಕ್ (Biometric)ಮಾಹಿತಿಯನ್ನು ಒದಗಿಸಬೇಕಾಗುತ್ತದೆ. ಇದು ಮುಖ್ಯವಾಗಿ ಗುರುತಿನ ಮತ್ತು ವಿಳಾಸದ ಪುರಾವೆಯಾಗಿ ಕಾರ್ಯನಿರ್ವಹಿಸುತ್ತದೆ

ಆಧಾರ್ ಕಾರ್ಡ್ ಬಹಳ ಅಗತ್ಯ ಇರುವ ದಾಖಲೆ ಎಂಬುದು ಎಲ್ಲರಿಗೂ ಗೊತ್ತಿರುವ ವಿಷಯವಾಗಿದೆ . ಈ ಆಧಾರ್ ಕಾರ್ಡ್ ನಮ್ಮ ಅಡ್ರೆಸ್ ಪ್ರೂಫ್ (Address proof), ಐಡಿ ಪ್ರೂಫ್ (ID Proof),

ದಾಖಲೆ ಮಾತ್ರವಲ್ಲದೆ ಸರ್ಕಾರಿ ಯೋಜನೆಗಳ ಸೇವೆ ಪಡೆಯಲು ಇದು ಅವಶ್ಯಕವಾಗಿದೆ. ಅಷ್ಟೇ ಅಲ್ಲದೆ ಸರ್ಕಾರಿ ಸೇವೆಗಳು ಮತ್ತು ಸಬ್ಸಿಡಿಗಳಿಗೆ ಪ್ರವೇಶ ಪಡೆಯಲು, ಮೊಬೈಲ್ ಫೋನ್ ಮತ್ತು

ಸಿಮ್ ಕಾರ್ಡ್ ಸಕ್ರಿಯಗೊಳಿಸುವಿಕೆಗೆ, ಆದಾಯ ತೆರಿಗೆ ಮತ್ತು ಹಣಕಾಸಿನ ವಹಿವಾಟುಗಳನ್ನು ನಡೆಸಲು ಮತ್ತು ಡಿಜಿಟಲ್ ಗುರುತಿನ ಪರಿಶೀಲನೆ ಹಾಗೂ ಬ್ಯಾಂಕ್, ಗ್ಯಾಸ್ ಇತ್ಯಾದಿ ಖಾತೆಗಳಿಗೂ ಕೆವೈಸಿಗೆ

(KYC) ಆಧಾರ್ ಬೇಕು. ಆದ್ದರಿಂದ ನಿಮ್ಮ ಮೊಬೈಲ್ ನಂಬರ್ ಅನ್ನು ಆಧಾರ್ ಕಾರ್ಡ್ಗೆ ಲಿಂಕ್ ಮಾಡಿರುವುದು ಬಹಳ ಪ್ರಯೋಜನ. ಆನ್ಲೈನ್ನಲ್ಲ ಸಹ ನಿಮ್ಮ ಆಧಾರ್ ಕಾರ್ಡ್ ಅನ್ನು ಅಪ್ಡೇಟ್ ಮಾಡಬಹುದು.

ಮೊಬೈಲ್ ನಂಬರ್ ಅನ್ನು ಆಧಾರ್ ಕಾರ್ಡ್ ಗೆ ಸೇರಿಸುವುದು ಅಥವಾ ನಂಬರ್ ಅಪ್ಡೇಟ್ ಮಾಡುವ ಕ್ರಮಗಳಿವು.

ಯಾವುದೇ ಸ್ಥಳದಲ್ಲಿರುವ ಅಥವಾ ನಿಮ್ಮ ವಾಸಸ್ಥಳದ ಸಮೀಪ ಎನ್ರೋಲ್ಮೆಂಟ್ ಸೆಂಟರ್ ಗೆ (Enrollment Center) ಅಥವಾ ಆಧಾರ್ ಸೇವಾ ಕೇಂದ್ರಕ್ಕೆ (Adhar Seva Kendra) ಹೋಗಿರಿ.

ಒಂದು ವೇಳೆ ನಿಮಗೆ ಈ ಆಧಾರ್ ಕೇಂದ್ರ ಎಲ್ಲಿದೆ ಎಂದು ತಿಳಿದಿಲ್ಲವಾದಲ್ಲಿ ಯುಐಡಿಎಐ ವೆಬ್ಸೈಟ್ (Website) ಇರುತ್ತದೆ ಇದರಲ್ಲಿ ಲೊಕೇಟ್ ಎನ್ರೋಲ್ಮೆಂಟ್ ಸೆಂಟರ್ (Locate enrollment centre)

ಎಂಬ ಆಯ್ಕೆ ಏರುತ್ತದೆ ಅದರ ಮೇಲೆ ಕ್ಲಿಕ್ ಮಾಡಿ. ಅಲ್ಲಿ ನಿಮಗೆ ನಿಮ್ಮ ಸಮೀಪದ ಆಧಾರ್ ಕೇಂದ್ರವನ್ನು (add mobile number aadhaar) ತೋರಿಸುತ್ತದೆ.

ಇದನ್ನೂ ಓದಿ : ಆಧಾರ್- ಪ್ಯಾನ್​ನಲ್ಲಿ ಹೆಸರು,ಜನ್ಮದಿನಾಂಕ ಮ್ಯಾಚ್ ಆಗದೆ ಲಿಂಕ್ ಆಗುತ್ತಿಲ್ಲವೇ? ಐಟಿ ಇಲಾಖೆಯ ಈ ಸಲಹೆ ಪಾಲಿಸಿ

ಆಧಾರ್ ತಿದ್ದುಪಡಿ ಸೇವೆಯನ್ನು ನೀವು ಆಧಾರ್ ಎನ್ರೋಲ್ಮೆಂಟ್ ಸೆಂಟರ್ಗೆ ಹೋದರೆ ಅಲ್ಲಿರುವ ಸಿಬ್ಬಂದಿ ಮೂಲಕ ಪಡೆಯಬಹುದು. ಈ ಸಮಯದಲ್ಲಿ ನಿಮ್ಮ ಆಧಾರ್ ಕಾರ್ಡ್ ಹಾಗೂ

ಇತರ ಪೂರಕ ದಾಖಲೆಗಳನ್ನು ನಿಮ್ಮ ಬಳಿ ಇಟ್ಟುಕೊಂಡಿರಿ. ಒಂದು ವೇಳೆ ಆಧಾರ್ ಕಾರ್ಡ್ ನಲ್ಲಿ ನಿಮ್ಮ ಮೊಬೈಲ್ ನಂಬರ್ ಅನ್ನು ಅಪ್ಡೇಟ್ (Update) ಮಾಡಬೇಕಾದಲ್ಲಿ ಅದಕ್ಕೆಂದು

ಫಾರ್ಮ್ ಕೊಡುತ್ತಾರೆ ಎಚ್ಚರಿಕೆಯಿಂದ ಅದನ್ನು ಭರ್ತಿ ಮಾಡಿ ಅರ್ಜಿ ತುಂಬಿಸಿ ನಂತರ ಅಲ್ಲಿರುವ ಹೆಲ್ಪ್ ಎಕ್ಸಿಕ್ಯೂಟಿವ್ಗೆ (Help Executive) ಕೊಡಿ.

ನೀವು ಭರ್ತಿ ಮಾಡಿ ಸಲ್ಲಿಸಿರುವ ಫಾರ್ಮ್ನಲ್ಲಿ ತುಂಬಿಸಲಾಗಿರುವ ಮಾಹಿತಿ ಎಲ್ಲವೂ ಸರಿ ಇದ್ದ ಬಳಿಕ ನಂತರವಷ್ಟೇ ಶುಲ್ಕ ಕಟ್ಟಲು ತಿಳಿಸಲಾಗುತ್ತದೆ. ಯಾವುದೇ ಸೇವೆಗೂ ಅಂದರೆ ಮೊಬೈಲ್

ನಂಬರ್ ಅಪ್ಡೇಟ್ ಮಾಡುವುದೂ ಸೇರಿ ಒಟ್ಟು 50 ರೂ ಮಾತ್ರ ಶುಲ್ಕ ಇರುತ್ತದೆ.ಸಿಬ್ಬಂದಿ ಬೇರೆ ಪಾವತಿ ಆಯ್ಕೆಗಳನ್ನು ಕೊಡಬಹುದು ಅಥವಾ ಕ್ಯಾಷ್ ಮೂಲಕ ಹಣ ಪಾವತಿಸಬಹುದು.

ನಿಮಗೆ ಅಪ್ಡೇಟ್ ರಿಕ್ವೆಸ್ಟ್ ನಂಬರ್ (ಯುಆರ್ಎನ್) ಸ್ಲಿಪ್ ಅನ್ನು ಶುಲ್ಕ ಕಟ್ಟಿದ ಬಳಿಕ ಕೊಡಲಾಗುತ್ತದೆ. ನಿಮ್ಮ ಮನವಿಯ ಸ್ಥಿತಿ ಎಲ್ಲಿಗೆ ಬಂದಿದೆ ಎಂಬುದನ್ನು ಈ ನಂಬರ್ ಮೂಲಕ ತಿಳಿಯಬಹುದು.

ನೀವು ನಿಮ್ಮ ಮನವಿಯ ಸ್ಥಿತಿ ನೋಡಬೇಕೆಂದರೆ ಯುಐಡಿಎಐನ ಮೈ ಆಧಾರ್ ಪೋರ್ಟಲ್ನಲ್ಲಿ(My Adhar Portal) ನಿಮಗೆ ‘ಚೆಕ್ ಎನ್ರೋಲ್ಮೆಂಟ್’ ಸೆಕ್ಷನ್ ಎಂಬ ಆಯ್ಕೆ ಏರುತ್ತದೆ

ಅದರ ಮೇಲೆ ಕ್ಲಿಕ್ ಮಾಡಿದರೆ ಅಲ್ಲಿ ಯುಆರ್ಎನ್ ನೀಡಿ ಸ್ಟೇಟಸ್ ಪರಿಶೀಲಿಸಬಹುದು.

ನೀವು ನಿಮ್ಮ ಮೊಬೈಲ್ ನಂಬರ್ ಅಪ್ಡೇಟ್ ಮಾಡಲು ಮನವಿ ಸಲ್ಲಿಸಿದ ನಂತರ ಅದು ಡಾಟಾ ಬೇಸ್ ನಲ್ಲಿ ಯಶಸ್ವಿಯಾಗಿ ಅಪ್ಡೇಟ್ ಆಗಬೇಕಾದರೆ ಒಟ್ಟು 90 ದಿನ ಬೇಕಾಗಬಹುದು.

ರಶ್ಮಿತಾ ಅನೀಶ್