Mandya : ಟಿಪ್ಪು ಸುಲ್ತಾನ್ ಅವರನ್ನು ಮುಗಿಸಿದ ರೀತಿಯಲ್ಲಿಯೇ ಸಿದ್ದರಾಮಯ್ಯನನ್ನು ಮುಗಿಸಿ ಎಂದು ಉನ್ನತ ಶಿಕ್ಷಣ ಸಚಿವ ಅಶ್ವಥ್ ನಾರಾಯಣ್(Ashwath Narayana) ಅವರು ಕೊಟ್ಟ ವಿವಾದಾತ್ಮಕ ಹೇಳಿಕೆಯ (Aswath Narayan clarified statement) ಬೆನ್ನಲ್ಲೇ ಭಾರಿ ವಿವಾದ ಭುಗಿಲೆದ್ದಿತು.
ಸದ್ಯ ಈ ಹೇಳಿಕೆ ತೀವ್ರವಾಗುತ್ತಿದ್ದಂತೆ ಸಚಿವ ಅಶ್ವಥ್ ನಾರಾಯಣ್ ತಮ್ಮ ಹೇಳಿಕೆಯನ್ನು ಇದೀಗ ಸಮರ್ಥಿಸಿಕೊಂಡಿದ್ದಾರೆ. ಸಚಿವ ಸ್ಥಾನದಲ್ಲಿರುವ ಅಶ್ವಥ್ ನಾರಾಯಣ್,
ಸಿದ್ದರಾಮಯ್ಯನನ್ನು(Siddaramaiah) ಮುಗಿಸಿ ಅಂತಾ ಹೇಳಿಕೆ ಕೊಡುವುದು ಯಾವ ಅರ್ಥವನ್ನು ಬಿಂಬಿಸುತ್ತೇ?
ಎಂದು ವಿಪಕ್ಷ ನಾಯಕ ಸಿದ್ದರಾಮಯ್ಯ ಅವರು ಸಚಿವ ಅಶ್ವಥ್ ನಾರಾಯಣ್ ಹೇಳಿಕೆ ವಿರುದ್ಧ ತೀವ್ರ ವಾಗ್ದಾಳಿ ನಡೆಸಿದ್ದರು.
ಇದನ್ನೂ ಓದಿ: ಪಾಕಿಸ್ತಾನದಲ್ಲಿ ಆರ್ಥಿಕ ಬಿಕ್ಕಟ್ಟು ; ಹಾಲಿನ ದರ 210, ಒಂದು ಕೆ.ಜಿ ಕೋಳಿ ಮಾಂಸದ ಬೆಲೆ 700 ರೂ
ಈ ಕುರಿತು ತಮ್ಮ ನಿಲುವನ್ನು ಸ್ಪಷ್ಟಪಡಿಸಿದ ಸಚಿವ ಅಶ್ವಥ್ ನಾರಾಯಣ್ ಅವರು, ಟಿಪ್ಪು ಸುಲ್ತಾನ್‌ನಂತೆ(Tippu Sulthan) ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರನ್ನು ಮುಗಿಸಬೇಕು ಎಂಬ ಹೇಳಿಕೆಗೆ ನಾನು ಕ್ಷಮೆಯಾಚಿಸುತ್ತೇನೆ.
ನಾನು ಈ ಪದವನ್ನು ಬಳಸುವುದರ ಮೂಲಕ ಮುಂದಿನ ಚುನಾವಣೆಯಲ್ಲಿ ಕಾಂಗ್ರೆಸ್(Congress) ಸೋಲನ್ನು ಖಚಿತಪಡಿಸಿಕೊಳ್ಳಬೇಕು.
ಸಿದ್ದರಾಮಯ್ಯ ಅವರೊಂದಿಗೆ ನನಗೆ ಯಾವುದೇ ವೈಯುಕ್ತಿಕ ಭಿನ್ನಾಭಿಪ್ರಾಯವಿಲ್ಲ. ನನಗೆ ರಾಜಕೀಯ ಮತ್ತು ಸೈದ್ಧಾಂತಿಕ ಭಿನ್ನಾಭಿಪ್ರಾಯ ಮಾತ್ರ ಇದೆ.
ನನ್ನ ಹೇಳಿಕೆಯಿಂದ ಅವರಿಗೆ ನೋವಾಗಿದ್ದರೆ ನಾನು ವಿಷಾದ ವ್ಯಕ್ತಪಡಿಸುತ್ತೇನೆ ಎಂದು ಅಶ್ವಥ್ ನಾರಾಯಣ್ ಹೇಳಿದ್ದಾರೆ.
ಸಚಿವ ಅಶ್ವಥ್ ನಾರಾಯಣ್ ಅವರು ಸೋಮವಾರ ಮಂಡ್ಯದಲ್ಲಿ(Mandya) ಈ ಬಗ್ಗೆ ಹೇಳಿಕೆ ನೀಡಿದ್ದಾರೆ.
ಟಿಪ್ಪು ಪುತ್ರ ಸಿದ್ದರಾಮಯ್ಯ ಬರುತ್ತಾರೆ. ನಿಮಗೆ ಟಿಪ್ಪು ಬೇಕೋ ಅಥವಾ ಸಾವರ್ಕರ್ ಬೇಕೋ? ಟಿಪ್ಪು ಸುಲ್ತಾನ್‌ನನ್ನು ಎಲ್ಲಿಗೆ ಕಳುಹಿಸಬೇಕು?
ಉರಿಗೌಡ ಮತ್ತು ನಂಜೇಗೌಡರು ಮಾಡಿದ್ದೇನು? ಅದೇ ರೀತಿ ಅವರನ್ನು ಮುಗಿಸಬೇಕು ಎಂದು ಅಶ್ವತ್ಥನಾರಾಯಣ ಹೇಳಿದ್ದರು.
ಮಂಡ್ಯದಲ್ಲಿ ಟಿಪ್ಪು ಸುಲ್ತಾನ್ ಮತ್ತು ಸಿದ್ದರಾಮಯ್ಯ ಅವರನ್ನು ಹೋಲಿಸಲು ಬಳಸಿದ ಪದಗಳು ಸಾಂದರ್ಭಿಕ ಪ್ರಸ್ತಾಪಗಳು ಮತ್ತು ದುರುದ್ದೇಶಪೂರಿತ ಪದಗಳಲ್ಲ.
ಇದನ್ನೂ ಓದಿ: “ಕಿವಿ ಮೇಲೆ ಹೂ” ರಾಜ್ಯ ಬಜೆಟ್ ಕುರಿತು ಕಾಂಗ್ರೇಸ್‌ ಪ್ರತಿಕ್ರಿಯೆ
ಆದರೆ ನನ್ನ ಮಾತುಗಳನ್ನು ತಪ್ಪಾಗಿ ಅರ್ಥೈಸಲಾಗುತ್ತಿದೆ. ಇದು ಯಾರನ್ನೂ ನೋಯಿಸುವ ಉದ್ದೇಶವನ್ನು ಹೊಂದಿರಲಿಲ್ಲ. ಚರ್ಚೆಯು ರಾಜಕೀಯದ ಅವಿಭಾಜ್ಯ ಅಂಗವಾಗಿದೆ ಮತ್ತು ಆರೋಗ್ಯಕರ ಪ್ರಜಾಪ್ರಭುತ್ವಕ್ಕೆ ಅವಶ್ಯಕವಾಗಿದೆ.
ಈ ಉತ್ಸಾಹದಲ್ಲಿಯೇ ನನ್ನ ಮಾತುಗಳನ್ನು ಅರ್ಥೈಸಿಕೊಳ್ಳಬೇಕು. ರಾಜ್ಯದ ಜನತೆಗೆ ಸಿದ್ದರಾಮಯ್ಯನವರ ಭಾಷಾ ಪಾಂಡಿತ್ಯದ ಬಗ್ಗೆ ಅರಿವಿದೆ.
ಈ ಚುನಾವಣೆಯಲ್ಲಿ ಕಾಂಗ್ರೆಸ್‌ನ್ನು ಸೋಲಿಸಬೇಕು ಎಂಬುದನ್ನಷ್ಟೇ ಪ್ರಸ್ತಾಪಿಸುತ್ತಿದ್ದೆ. ಅಷ್ಟಕ್ಕೂ ನಮ್ಮ ಮಂಡ್ಯದ ಜನರು ಟಿಪ್ಪುವಿನ ಕ್ರೂರ ಮನಸ್ಥಿತಿಯನ್ನು ಹೊಂದಿಲ್ಲ ಎಂದು ಹೇಳಿದರು.
ಇನ್ನು ಅಶ್ವಥ್ ನಾರಾಯಣ್ ಅವರ ಹೇಳಿಕೆಗೆ ಕೆಂಡಾಮಂಡಲವಾದ ವಿಪಕ್ಷ ನಾಯಕ ಸಿದ್ದರಾಮಯ್ಯ, ಅಶ್ವಥ್ ನಾರಾಯಣ್ ಅವರನ್ನು ಕೂಡಲೇ ಸಂಪುಟದಿಂದ ವಜಾಗೊಳಿಸಿ, ಬಂಧಿಸಬೇಕು.
ಇದು ಪ್ರಧಾನಿ ನರೇಂದ್ರ ಮೋದಿ(Narendra Modi) ಮತ್ತು ಕೇಂದ್ರ ಗೃಹ ಸಚಿವ ಅಮಿತ್ ಶಾ ಅವರ ಗಮನಕ್ಕೆ ಬಂದಿದೆಯೇ (Aswath Narayan clarified statement) ಎಂದು ಪ್ರಶ್ನಿಸಿದ ಸಿದ್ದರಾಮಯ್ಯ,
ನೋಡ್ರಿ ಇದು ಬಿಜೆಪಿ(BJP) ಸಂಸ್ಕೃತಿ! ಹೊಡಿ, ಬಡಿ, ಕೊಲೆ ಮಾಡು ಎಂಬ ಪ್ರವೃತ್ತಿ ಅವರದ್ದು,
ಮತ್ತು ಅದೇ ಸಂಸ್ಕೃತಿ ಅವರದ್ದು. ಮಹಾತ್ಮ ಗಾಂಧೀಜಿ(Mahatma Gandhiji) ಅವರನ್ನೇ ಕೊಂದರು, ಮಹಾತ್ಮ ಅವರು, ನಮ್ಮ ದೇಶಕ್ಕೆ ಸ್ವಾತಂತ್ರ್ಯ ತಂದುಕೊಟ್ಟವರು ಅವರನ್ನೇ ಕೊಲೆ ಮಾಡಿಸಿಬಿಟ್ರು!
ಗೋಡ್ಸೆ ಅಂತವರನ್ನು ಕರೆಸಿ. ಗೊತ್ತಾಯಿತ್ತಲ್ವಾ? ಹೀಗಾಗಿ ಆ ಸಂಸ್ಕೃತಿ ಅಲ್ಲಿ ಇರತಕ್ಕಂತವರಿಗೆ ಅವರ ಮೂಲಕ ಹೇಳಿಸಿದ್ದಾರೆ ಅಷ್ಟೇ.
ಆರ್‌ಎಸ್‌ಎಸ್‌(RSS) ನವರು, ಬಿಜೆಪಿಯವರು ಅವನ ಮೂಲಕ ಹೇಳಿಸಿದ್ದಾರೆ. ನೋಡಿ ಇವತ್ತು ರಾಜ್ಯದಲ್ಲಿ ಚುನಾವಣೆ ಸಂದರ್ಭದಲ್ಲಿ ಚರ್ಚೆ ಆಗಬೇಕಾಗಿರುವ ವಿಚಾರಗಳು ಅಭಿವೃದ್ಧಿ ವಿಚಾರಗಳು,
ರೈತರ ಸಮಸ್ಯೆಗಳು, ಬಡವರ ಸಮಸ್ಯೆಗಳೇನು, ದಲಿತರ ಸಮಸ್ಯೆಗಳೇನು, ಹಿಂದುಳಿದವರ ಸಮಸ್ಯೆಗಳೇನು, ಅಲ್ಪಸಂಖ್ಯಾತರ ಸಮಸ್ಯೆಗಳೇನು, ಯುವಕರ ಸಮಸ್ಯೆಗಳು ಮಾತ್ರ ಎಂದು ಹೇಳಿದ್ದಾರೆ.