ಮಹಾಭಾರತದಲ್ಲಿ(Mahabharatha) ಅರ್ಜುನ ಬೃಹನ್ನಳೆಯಾಗಿ ವೇಷ ಧರಿಸಿದ್ದು, ಮಹಾವಿಷ್ಣು ಮೋಹಿನಿಯಾಗಿ ರೂಪಾಂತರಗೊಳ್ಳುವುದು, ನಾರದ ಮುನಿ ಸುಂದರ ಸ್ತ್ರೀ ಆಗುವುದು, ಇವೆಲ್ಲವೂ ಪುರಾಣಗಳಲ್ಲಿನ ವೇಷ ಬದಲಾವಣೆಯ ಪ್ರಸಂಗಗಳು.

ಈ ರೂಪಾಂತರದ ಪ್ರಕ್ರಿಯೆ ಕೆಲವು ಮೀನುಗಳಲ್ಲೂ ನಡೆಯುತ್ತದೆ. ಕೆಲವು ಮೀನುಗಳು(clown fish) ಗಂಡಾಗಿ ಬದಲಾಗುತ್ತವೆ. ಗಂಡಾದ ಈ ಮೀನುಗಳು ತಂದೆಯ ಕರ್ತವ್ಯವನ್ನು ಶ್ರದ್ಧೆಯಿಂದ ನಿರ್ವಹಿಸುತ್ತವೆ.

ಅದೇ ರೀತಿ, ಗಂಡಾಗಿ ಜನಿಸಿ, ಬೆಳೆದು, ಒಂದು ಹಂತದಲ್ಲಿ ಸಂಪೂರ್ಣವಾಗಿ ಹೆಣ್ಣಾಗಿ ಪರಿವರ್ತನೆಗೊಂಡು ತಾಯ್ತನದ ಪೂರ್ಣ ಸುಖವನ್ನು ಅನುಭವಿಸುವ ಮೀನುಗಳೂ ಇವೆ.

ನಮ್ಮ ದೇಶದ ತಮಿಳುನಾಡಿನ(Tamilnadu) ರಾಮೇಶ್ವರಂ(Rameshwaram) ಹತ್ತಿರ ಹಾಗೂ ಅಂಡಮಾನ್ ಸಮುದ್ರಗಳಲ್ಲಿ ಕೂಡ ಕ್ಲೌನ್ ಮೀನುಗಳನ್ನು ನೋಡಬಹುದು. 

ಕೋಡಂಗಿ ಮೀನುಗಳು ಹೆಚ್ಚಾಗಿ ‘ಸಿ ಅನೆಮೋನ್’(C Anomon) ಅನ್ನುವ ಇನ್ನೊಂದು ಸಾಗರ ಜೀವಿಯ ಜೊತೆ ಕ್ಲೌನ್ ಮೀನು ‘ಹೊಂದಾಣಿಕೆ’ಯ ಜೀವನ ನಡೆಸುತ್ತದೆ. ಸಿ ಅನೆಮೋನ್ ಅಚಲ ಜೀವಿಯೆಂದೇ ಹೇಳಬಹುದು, ಇದು ಚಲಿಸುವುದಿಲ್ಲ. ಇತರ ಭಕ್ಷಕ ಮೀನುಗಳಿಂದ ಕ್ಲೌನ್ ಮೀನಿಗೆ ಸಿ ಅನೆಮೋನ್ ರಕ್ಷಣೆ ಕೊಟ್ಟರೆ, ಕ್ಲೌನ್ ಮೀನು ತನ್ನ ರಂಗು ರಂಗಾದ ಬಣ್ಣದಿಂದ ಇತರ ಪುಟ್ಟ ಮೀನುಗಳನ್ನು ಹತ್ತಿರ ಸೆಳೆದು ಸಿ ಅನೆಮೋನ್‌ಗೆ ಆಹಾರ ಸರಬರಾಜು ಮಾಡುತ್ತದೆ. 
https://vijayatimes.com/siddaramaiah-statement-on-udaipur-incident/

ಇನ್ನು, ಕ್ಲೌನ್ ಮೀನು ‘ಕಾಲೊನಿ ಜೀವಿ’. ಒಂದು ಕಾಲೊನಿಯೆಂದರೆ ಒಂದು ಹೆಣ್ಣು, ಹಲವಾರು ಗಂಡು ಒಳಗೊಂಡಿರುವ ವ್ಯವಸ್ಥೆ. ಗಂಡುಗಳಲ್ಲಿ ಒಂದು ಮಾತ್ರ ಪ್ರೌಢವಾಗಿದ್ದು, ಉಳಿದವು ಕಿಶೋರ ಸ್ಥಿತಿಯಲ್ಲಿರುತ್ತವೆ. ಈ ಮೀನುಗಳಲ್ಲಿ ಶಿಸ್ತಿನ ವರ್ಗಶ್ರೇಣಿ ವ್ಯವಸ್ಥೆ ಕಂಡುಬರುತ್ತದೆ. ಗುಂಪಿನಲ್ಲಿ ದೊಡ್ಡ ಮತ್ತು ಪ್ರಬಲ ಮೀನೆಂದರೆ ಹೆಣ್ಣು. ಯಾವಾಗಲೂ ಕಾಲೊನಿಯ ಮೇಲ್ಭಾಗದಲ್ಲೇ ಇದರ ಸ್ಥಾನ. ಯಾವುದೇ ಕಾರಣದಿಂದ ಹೆಣ್ಣು ಮೀನು ಮರಣ ಹೊಂದಿದರೆ, ಕಾಲೊನಿಯ ಬಲಿಷ್ಠ ಗಂಡು ಮೀನು ಹೆಣ್ಣಾಗಿ ಪರಿವರ್ತನೆಗೊಂಡು ಆ ಸ್ಥಾನ ತುಂಬುತ್ತದೆ.

ನೀರಿನಲ್ಲಿ ದೊರಕುವ ಸೂಕ್ಷ್ಮ ಸಸ್ಯ ಮತ್ತು ಪ್ರಾಣಿಗಳು ಇದರ ಆಹಾರ. ಜೊತೆಗೆ ಸಿ ಅನೆಮೋನ್ ತಿಂದುಳಿದ ಆಹಾರದ ತುಣುಕುಗಳನ್ನೂ ತಿನ್ನುತ್ತದೆ. ಅದೇ ರೀತಿ, ಕ್ಲೌನ್ ಮೀನು ಬಹು ಬೇಡಿಕೆಯಿರುವ ಅಲಂಕಾರಿಕ ಮೀನು ಕೂಡ ಹೌದು.

• ಪವಿತ್ರ ಸಚಿನ್