ಮಣ್ಣಿನ ಮಡಕೆಯಲ್ಲಿ ಆಹಾರ ತಯಾರಿಸಿ ಸೇವಿಸುವುದರಿಂದ ಆರೋಗ್ಯಕ್ಕೆ ಏನೆಲ್ಲಾ ಲಾಭ ಗೊತ್ತಾ?

Health Tips : ಈಗಿನ ಆಧುನಿಕ (Health Facts Of Clay Pot) ಯುಗದಲ್ಲಿ ಎಲ್ಲರ ಅಡುಗೆ ಮನೆಯಲ್ಲೂ ಅಲ್ಯೂಮಿನಿಯಂ,

ಸ್ಟೀಲ್ ಮತ್ತು ನಾನ್-ಸ್ಟಿಕ್ ಪಾತ್ರೆಗಳನ್ನು ಕಾಣಬಹುದು. ಜನರ ಜೀವನ ಶೈಲಿ ಬದಲಾದಂತೆ ಜನರು ಮಣ್ಣಿನ ಮಡಿಕೆಯಿಂದ ದೂರವಾಗಿ ಸ್ಟೀಲ್, ನಾನ್ ಸ್ಟಿಕ್ ಪಾತ್ರೆ ಬಳಸಲು ಶುರು ಮಾಡಿದರು.

ಆದರೆ ಈಗ ಮತ್ತೆ ಮಣ್ಣಿನ ಮಡಿಕೆಗಳಿಗೆ ಬೇಡಿಕೆ ಹೆಚ್ಚಾಗುತ್ತಿದೆ. ಏಕೆಂದರೆ, ಆರೋಗ್ಯದ ದೃಷ್ಟಿಯಿಂದ ಮಣ್ಣಿನ ಮಡಿಕೆಯಲ್ಲಿ(Clay Pot) ಬೇಯಿಸಿದ ಆಹಾರ ತುಂಬಾ ಪ್ರಯೋಜನಕಾರಿ ಎನ್ನುವುದು ಪ್ರತಿಯೊಬ್ಬರಿಗೂ ಅರಿವಾಗಿದೆ.

ಮಣ್ಣಿನ ಮಡಿಕೆಯಲ್ಲಿ ಕಬ್ಬಿಣ, ಕ್ಯಾಲ್ಸಿಯಂ (Health Facts Of Clay Pot) ಇತ್ಯಾದಿಗಳು ಕಂಡು ಬರುತ್ತವೆ.

ಮಣ್ಣು ಕ್ಷಾರ ಸ್ವಭಾವದ್ದಾಗಿದೆ, ಇದು ಮಣ್ಣಿನ ಮಡಕೆಯಲ್ಲಿ ಆಹಾರದ ಪಿಎಚ್ ಮಟ್ಟವನ್ನು ನಿರ್ವಹಿಸುತ್ತದೆ. ಇದರಿಂದ ಆಹಾರ ಆರೋಗ್ಯಕರವಾಗಿರುವುದರ ಜೊತೆಗೆ ಆಹಾರದ ರುಚಿಯೂ ಹೆಚ್ಚುತ್ತದೆ.

ಮಣ್ಣಿನ ಮಡಕೆಯಲ್ಲಿ ಆಹಾರ ಬೇಯಿಸುವ ಮೂಲಕ ಸಾಕಷ್ಟು ಕಬ್ಬಿಣ, ರಂಜಕ, ಕ್ಯಾಲ್ಸಿಯಂ ಮತ್ತು ಮೆಗ್ನೀಷಿಯಮ್ ಸಹ ಒದಗಿಸುತ್ತದೆ, ಇದು ದೇಹಕ್ಕೆ ಅತ್ಯಂತ ಪ್ರಯೋಜನಕಾರಿಯಾಗಿದೆ.

ಇದನ್ನೂ ಓದಿ : https://vijayatimes.com/rgv-tweet-to-rishab/

ಮಣ್ಣಿನ ಮಡಕೆಯಲ್ಲಿ, ಆಹಾರದ ಪೋಷಕಾಂಶಗಳು ಸುರಕ್ಷಿತವಾಗಿ ಉಳಿಯುತ್ತವೆ. ಮಣ್ಣಿನ ಮಡಿಕೆಯಲ್ಲಿ ಸಣ್ಣ ರಂಧ್ರಗಳು ಬೆಂಕಿ ಮತ್ತು ತೇವಾಂಶವನ್ನು ಸಮಾನವಾಗಿ ಪ್ರಸಾರ ಮಾಡುತ್ತವೆ.

ಇದರಿಂದ ಆಹಾರದ ಪೋಷಕಾಂಶಗಳು ರಕ್ಷಣೆಯನ್ನು ಪಡೆಯುತ್ತವೆ, ಆದ್ದರಿಂದಲೇ ಇತರ ಪಾತ್ರೆಗಳಲ್ಲಿ ತಯಾರಿಸಿದ ಆಹಾರಕ್ಕಿಂತ ಹೆಚ್ಚಾಗಿ ಮಣ್ಣಿನ ಮಡಿಕೆಯಲ್ಲಿ ಆಹಾರದಲ್ಲಿ ಪೋಷಕಾಂಶಗಳು ಕಂಡುಬರುತ್ತವೆ.

ಹೃದಯಕ್ಕೂ ಪ್ರಯೋಜನಕಾರಿ : ವಾಸ್ತವವಾಗಿ, ಮಣ್ಣಿನ ಮಡಿಕೆಗಳಲ್ಲಿ ಎಣ್ಣೆಯನ್ನು ಕಡಿಮೆ ಬಳಸಲಾಗುತ್ತದೆ. ಏಕೆಂದರೆ ಇದರಲ್ಲಿ ಅಡುಗೆ ಮಾಡುವ ಪ್ರಕ್ರಿಯೆ ನಿಧಾನವಾಗಿರುತ್ತದೆ ಮತ್ತು ಅದು ಹೆಚ್ಚು ಕಾಲ ಉಳಿಯುತ್ತದೆ. ಆದ್ದರಿಂದ ಆಹಾರದಲ್ಲಿ ನೈಸರ್ಗಿಕ ತೈಲ ಮತ್ತು ನೈಸರ್ಗಿಕ ತೇವಾಂಶವಿರುತ್ತದೆ.

ಎಲ್ಲಕ್ಕಿಂತ ಹೆಚ್ಚಾಗಿ ಇದು ಪ್ರಕೃತಿಗೂ ಪ್ರಯೋಜನಕಾರಿ. ಏಕೆಂದರೆ ಮಡಕೆಯನ್ನು ಜೇಡಿಮಣ್ಣಿನಿಂದ ತಯಾರಿಸಲಾಗುತ್ತದೆ, ಇದು ಮತ್ತೆ ಮಣ್ಣಿಗೆ ಸೇರುತ್ತವೆ. ಆದ್ದರಿಂದ ಮಣ್ಣಿನ ಮಡಿಕೆಯಲ್ಲಿ ಅಡುಗೆ ಮಾಡುವುದು ನಮಗೆ ಮತ್ತು ಪ್ರಕೃತಿಗೆ ಅತ್ಯಂತ ಪ್ರಯೋಜನಕಾರಿ.

https://youtu.be/aVfgUoyykm4

ಇನ್ನು, ಮಣ್ಣಿನ ಮಡಿಕೆ ಬಳಸುವುದು ಹೇಗೆ ಎನ್ನುವುದರ ಬಗ್ಗೆಯೂ ಜ್ಞಾನ ಅತ್ಯಗತ್ಯ. ಮೊದಲು ಮಣ್ಣಿನ ಮಡಿಕೆ ತಂದ ನಂತರ ಸಾಸಿವೆ ಎಣ್ಣೆ,

ಸಂಸ್ಕರಿಸಿದ ಇತ್ಯಾದಿ ಖಾದ್ಯ ತೈಲವನ್ನು ಹಚ್ಚಿ ಮಡಕೆಯಲ್ಲಿ ಮುಕ್ಕಾಲು ಭಾಗದಂತೆ ನೀರನ್ನು ತುಂಬಿಸಿ ನಂತರ ಕಡಿಮೆ ಉರಿಯಲ್ಲಿ ಮುಚ್ಚಿ. 2-3 ಗಂಟೆಗಳ ಕಾಲ ಬಿಸಿ ಮಾಡಿದ ನಂತರ, ಅದನ್ನು ತೆಗೆದು ತಣ್ಣಗಾಗಲು ಬಿಡಿ.

ಇದನ್ನೂ ಓದಿ : https://vijayatimes.com/netaji-on-currency-notes/

ಇದರಿಂದ ಮಡಿಕೆ ಗಟ್ಟಿಯಾಗುತ್ತದೆ ಮತ್ತು ಬಲಗೊಳ್ಳುತ್ತದೆ. ಮಡಕೆ ಸೋರಿಕೆಯಾಗುವುದಿಲ್ಲ ಮತ್ತು ಮಣ್ಣಿನ ವಾಸನೆಯೂ ಮಡಕೆಯಿಂದ ಹೋಗುತ್ತದೆ. ಮಡಕೆಯಲ್ಲಿ ಆಹಾರವನ್ನು ಬೇಯಿಸುವ ಮೊದಲು, ಅದನ್ನು ನೀರಿನಲ್ಲಿ ಅದ್ದಿ 15-20 ನಿಮಿಷಗಳ ಕಾಲ ಇರಿಸಿ.

ನಂತರ ಒಣಗಿಸಿ ಅದರಲ್ಲಿ ಬೇಯಿಸಿ ಆನಂದಿಸಿ. ಜೊತೆಗೆ ಆರೋಗ್ಯವನ್ನು ಹೆಚ್ಚಿಸಿ. ಮಣ್ಣಿನ ಮಡಿಕೆಯನ್ನು ಸ್ವಚ್ಛಗೊಳಿಸುವುದು ಸುಲಭ. ಇದಕ್ಕೆ ಸೋಪ್ ಬಳಸಬೇಕಾಗಿಲ್ಲ. ಬಿಸಿ ನೀರಿನಲ್ಲಿ ತೊಳೆದರೆ ಸಾಕಾಗುತ್ತದೆ.

• ಪವಿತ್ರ